اقصى سرعة

[Abdallah]

ما هى اقصى سرعة قدت عليها وماذا كان نوع السيارة وما هو احساسك وانت على مثل هذه السرعة؟؟؟
ثلاثة اسئلة ننتظر اجابتكم عليها...

[Abdallah]

اقصى سرعة كانت 180كم/س وكانت بسيارتى الحالية ( تويوتا كورولا 93) على الطريق الدولى الساحلى و الحقيقة السيارة كانت ثابتة الى حد ما ولكن انا كنت خائف لانى لست من محبى القيادة المسرعة وللعلم فقد كان هذا يوم خطوبتى منذ حوالى سنتان ونصف.

[noon_eg]

اقسى سرعه كانت 175 كم بسياره نيسان صنى مو 99 وكانت فى طريق 6 اكتوبر وانا رايح الشغل كنت باجرى ورا سياره هيونداى كوبيه الجديده وفجاه لقيت السرعه 175 كم وكنت مشغل التكييف المهم ربنا ستر والسياره كانت ثابته تماما ولكن الخوف من فرده كاوتش تضرب او اى حاجه تحصل من العربيات اللى حولك لانها كانت الساعه 11 صباحا والطريق مش فاضى

[abo3bdolrahman]

200 كم بهيونداى فرنا 1600 أتوماتيك على كبرى السلام الساعة 4.5 قبل الفطار فى رمضان
ثم 205 كم ببروتون واجا أتوماتيك برده على منزل كبرى السلام بس من ناحية الغرب الساعة 6 يوم عيدالأضحى الصبح
والتكييف شغال و العربية فيها 5 أفراد! :roll:
:lol: 8) :lol:

[saied]

السلام عليكم ورحمه الله

هناك نصيحه انصحها لوجه الله اتقوا الله فى انفسكم وبلاش تهور فان الطرق لدينا ليست مؤهله لهذه السرعات
انا عارف ان الطرق بعض الاوقات تغرى بالجرى بسرعه ولكن يجب النظر لما بعد ذلك
تذكروا من ينتظركم فى المنزل اما ابناء او زوجه او ام او اب.
ماذا تجنون من متعه الجرى بالسياره بسرعه.

اخوكم سعيد

[hanyfarrag]

أقصى سرعة

كانت 160 على طريق القاهرة اسكندرية الصحراوى من حوالى 5 سنين بسياراتى الحالية كيا برايد
طبعا كان الثبات قليل عشان العربية خفيفة وكنت خايف شوية
وأؤيد نصيحة أخى سعيد

[Sharky]

220 بسيارة رينو ميجان 2005 على طريق وادى النطرون الساعة 10 صباحا و العربية كان فيها 3 أفراد و الشنطة فيها 3 شنط و التكييف شغال بس و كان ممكن تجيب كمان أكتر من كدة بس الصراحة الطريق بدأ يزحم و أنا بصراحة أكتر بدأت أخاف .
على فكرة السيارة كانت ثابتة جدا و مش حاسين بالسرعة دى

[Nader]

160 بهيونداي اكسيل علي طريق السويس كان معايا اربعة اشخاص غيري اعتقد دة كان السبب ان العربية مطارتش مني :)
طبعاً من غير تكيف ومكنتش سامع صوت الماتور علشان كنت قافل الازاز و مشغل الmp3 بس اعيقد ان الماتور كان بيعيط 1300cc :shock:

[Karim_Monir]

192 في الطريق الدولي الساحلي بسيارتي الحالية كيار ريو 2006 وكان معايا 3 افراد غيري ومشغل الكييف علي لسرعة التانية واتصورت رادار ولولا المعارف ماكنتش خدت الرخصة ابدا
وقبلها من 5 سنين جبت 230 بسيراة تويوتا سيلكا بتاعت واحد صاحبي جايبها من الخليج وكانت في وصلة العلمين الساعة 7 صباحا
ويومها ماكنتش متخيل ان ممكن اوصل للسرعة دي بس ثبات العربية دي خرافي بس احنا اللي كنا خايفين من الطريق لانه مش حلو ابدا بس كان فاض جدا

ملحوظة-اخر مرة اتسحبت رخصتي في طريق اسكندرية من اسبوعين 167 كم ولما رحت اجيبها لقيت عليها وقف وثلاث شهور وغرامة 500
وعرفت يومها من تعديلات قانون المرور الجديد ان اكتر من 140 بتاخد وقف ثلاث شهور حد ادني وسنة حد اقصي و504 جنية غرامة حد ادني و 1500 حد اقصي
وانا مش من مؤيدي السرعة تماما خاصة في الطرق بتاعتنا الجميلة
خدوا بالكم بقي

[PAYOO]

أقصى سرعه كانت 200 كم

أقصى سرعه كانت 200 كم بسياره هيونداي كوبيه وكان الثبات ممتاز

ولكن أنا جبت لكم معيا كليب صغير صورته بنفسي من كام يوم عشان أثبت للناس إن الماتريكس ثابته ومابتعومش زي ما بيقولوا
وكنت سايق في حدود الساعه 6 صباحا وأتفرجوا بنفسكمmatrix stable.avi - 11.81MB

[hazem_khidr]

235 كم/س

235 بعربيه نيسان بلو بيرد 2200 سي سي و كان الكلام دا و انا في الامارات علي طريق ابو ظبي دبي مش عاوز اقولكم ان اساسا هناك السرعه 120 كم/س و طرق اماره دبي بتديك 40 كيلو سماح يعني لحد 160 كم/س ما تتصورش تخيلو بقي الطريق دا عامل ازاي و كان احساسي كاني مثلا ماشي هنا علي 140 ولا حاجه و حاولت اقفل الامبير بتاعها (240 كم) بس ما امكنش كنت خلاص داخل علي كاميرات حكم هناك علي الطريق اماكن الرادرات ثابته و تصورك من غير لجان و من غير حاجه و انا من كتر السفر علي الطريق دا حفظت اماكنهم .
و مره جبت 208 كم/س بعربيه هوندا سيفيك 2006 1800 سي سي و دي ما نزلتش هنا ابدا و العربيه دي بحق من احلي العربيات المتوسطه اللي ركبتها بحياتي كانت ممتعه فعلا و مش حاسس بيها باي هزه و ثابته جدا جدا جدا و انا بقول الرقم 218 بالتحديد علشان الامبير ديجيتال لكن لفات الموتو امبير عادي!!!!
انما في مصر هنا ما جبتش اكتر من 160 كيلو بالسوزوكي سويفت بتاعي علي طريق مصر اسكندريه الصحراوي

[مهندس محمد صلاح]

210 بعربية ستروين CX 2500 جاز على طريق الاوتوروود بباريس فرنسا والطريق حرير وزى المرايا وممكن الواحد يشوف وشه فيه

[Dr Ahmed]

لا حول ولا قوة الا بالله...

انا مرة واحدة قلت اجرب شديت بالعربية اللانسر لحد 140 وقلت كفاية كده ..
والاخوة اللى ساقوا على 180 و 200 و 230 نفسى أعرف ليه؟؟

على 140 كنت على طريق مصر اسكندرية ولو كان طلعت لى قطة قدامى كان ممكن اتقلب لا قدر الله امال لو كاوتش فرقع وللا مطب وللا فرملة مفاجأه هيحصل ايه؟؟

لا بجد والله ياريت ناخد بالنا بالذات الشباب بدل ما حد يندم وقت لا ينفع الندم

[Abdallah]

عن نفسى يا دكتور احمد لان اليوم دة كان يوم خطوبتى وكان معايا كام عربية ورايا وواحدة منهم عطلت ووقفت لحد ما صلحناها وفوجئت انى معدش ادامى غير حوالى ثلث ساعة وانا كان ادامى حوالى 45 دقيقة قيادة على 90 وانا من النوع الى مش بحب اتاخر على مواعيد فما بالك ميعاد زى دة وعموما انا شاكر نصائحكم وانا عن نفسى مش من هوا الجرى ابدا واقصى سرعة بالنسبالى 100 او 120 على الساحلى وواسأل الله ان يجنبنا الشر ويسترها معنا اجمعين.

[baher]

انا بقى اقصى سرعه كانت حوالي 190 بعربيه اوبل فيكتر موديل 2000 وكانت ع طريق الاسماعليه الصحراوي وكنت راجع من الاسماعليه رايح طنطا وقررت اخدها صحراوي زراعي ووصلت طنطا بعد ساعه ونص بس من طلوعي من الاسماعليه وشعوري كان متعه في الأول وبعد كده قلب لقلق وتوتر لأني كنت مستعجل وكنت مضطر امشي كده بس بهد ماوصلت وحمدت الله ع السلامه موش هعملها تاني ابدا