والله احنا شعب نكته !

[maio_do]

بسم الله الرحمن الرحيم

السلام عليكم ورحمه الله وبركاته

كلنا شفنا خبر الاتوبيسات اللى فيها وايرليس (انترنت لاسلكى) ولسه ملحقتش تتحرك فى الشارع وبدا الهلس



طبعا نقلة كبيرة جدااا بس 25 اتوبيس بس ويا ترى هيبقى شكلة اية مع الزحمه والناس اللى فوق بعض

انا متفائل الامن بيرجع والبلد بحس انها بتتظبط طرق فيه عمليات توسيع وتوضيب بس محتاجة الناس تساعد وتتغير علشان البلد تنضف ونعيش بنى ادمين

شايف البلد حالها بيتظبط اترك لكم التعليق

[besso]

البلد حالها هايتظبط بطرق نظيفه ومحترمه ومرور صارم مايجيش على الغلابه ويسيب القضاه ووكلاء النيابه

لكن مش هايتظبط بالواير ليس

خلصت كل المشاكل فاضل الواير ليس

[sasatony]

يعم مش عاوزين اتوبيسات بواير ليس بس عاوزين اتوبيسات لبني ادمين ابسط حاجة يعني يزودوا عدد الاتوبيسات عشان الزحمة الي في الاوتبيسات تخف بدل الناس مابتبقي متعلقة علي الابواب وبيحصل بلاوي بسبب الزحمة

[maio_do]

البلد حالها هايتظبط بطرق نظيفه ومحترمه ومرور صارم مايجيش على الغلابه ويسيب القضاه ووكلاء النيابه

لكن مش هايتظبط بالواير ليس

خلصت كل المشاكل فاضل الواير ليس

مش عايز ادخل فى سياسة انا قايل علشان الحاجات الايجابية مينفعش تقول السلبى وبس

كل الكلام اللى انت بتقوله ده لا خلاف عليه واللى ابشع من كده الناس اللى كل يوم بتموت بكذا سبب..!

بس يا ريت كان الكلام يقدر يغير اى حاجة ده حال ما عالم بيه الا اللى خلقه رب كل شئ

[maio_do]

يعم مش عاوزين اتوبيسات بواير ليس بس عاوزين اتوبيسات لبني ادمين ابسط حاجة يعني يزودوا عدد الاتوبيسات عشان الزحمة الي في الاوتبيسات تخف بدل الناس مابتبقي متعلقة علي الابواب وبيحصل بلاوي بسبب الزحمة

واية اللى يمنع انها تكون اتوبيسات وايرليس ويبقى فيه منها عدد وكفاية لكل الناس وطرق تتظبط ويبقى فيه اكتر من طريق وشبكة المرور تتغير مين يكره

[besso]

لو كانت الاتوبيسات دى نزلت فى ظروف تانيه او فى وقت فيه استقرار كنا قولنا ماشى
لن اللى يغيظ ان احنا مش لاقيين ناكل بالمعنى الحرفى للكلمه ورايحين نصرف ملايين على كلام فارغ (من وجه نظرى انا كلام فارغ)

محدش بيكره الخير لبلده بس هانعمل ايه البلد دى مكتوب عليها ان مافيش حكومه عدله تيجى تفكر زى البنى ادمين اللى بره ونوصل لربع مستواهم حتى

[maio_do]

لو كانت الاتوبيسات دى نزلت فى ظروف تانيه او فى وقت فيه استقرار كنا قولنا ماشى
لن اللى يغيظ ان احنا مش لاقيين ناكل بالمعنى الحرفى للكلمه ورايحين نصرف ملايين على كلام فارغ (من وجه نظرى انا كلام فارغ)

محدش بيكره الخير لبلده بس هانعمل ايه البلد دى مكتوب عليها ان مافيش حكومه عدله تيجى تفكر زى البنى ادمين اللى بره ونوصل لربع مستواهم حتى

انت بتقارن نفسك باللى برة يا عم دول كوكب تانى فيه فرق اجيال فى كل حاجة هى شكل البلد دى مكتوب عليها الفقر وبص على الصوره هتلاقى جزء من ثقافة شعبك اللى هى لاسف صح

[Ahmed_Adham]

انتو مكبرين الموضوع ليه يا جماعه. جهاز الوايرلس ميكلفش أكتر من 500 جنيه يعني قيمه تغيير زيت للأوتوبيس مش ميزانيه يعني. المهم بس يبقى فيه تجديد لأسطول الاوتوبيسات في البلد عشان تفضل بحاله أدميه.

[maio_do]

انتو مكبرين الموضوع ليه يا جماعه. جهاز الوايرلس ميكلفش أكتر من 500 جنيه يعني قيمه تغيير زيت للأوتوبيس مش ميزانيه يعني. المهم بس يبقى فيه تجديد لأسطول الاوتوبيسات في البلد عشان تفضل بحاله أدميه.

انا كنت داخل وكلى طاقة ايجابية بس ازاى لازم تاخد المرشح

[besso]

انتو مكبرين الموضوع ليه يا جماعه. جهاز الوايرلس ميكلفش أكتر من 500 جنيه يعني قيمه تغيير زيت للأوتوبيس مش ميزانيه يعني. المهم بس يبقى فيه تجديد لأسطول الاوتوبيسات في البلد عشان تفضل بحاله أدميه.

مش مكبرينه ولا حاجه بس ايه لافايده اللى هاتعود على المواطن من ان الاتوبيسات الجديده يبقى فيها نت كمان ان الاخبار بتقول انهم صرفوا 8 مليون جنيه على ايه .... بيقولو تجديد اتوبيسات بقالها 6 سنين طب مش لما يكملوا تجديد لاتوبيسات الهيئه اللى هى نصر دى ده لسه فيه اتوبيسات شغاله منها لحد دلوقتى وبعدين جايب خدمه هاتغرمك فلوس اكتر انك هاتغللى تمن التذكره !!!! .... كان اولى خليها مكيفه طيب بدل ما الناس بتفطش من الحر فى الصيف

هاقتبس رد من عضو فى موضوع تانى عن نفس الخبر

المهم إن الأتوبيس الجديد المزود بالــ Wi Fi مكتوب عليه: Wi Fi on board ، الأتوبيس اللي خط سيره؛ القلعة - سيده عيشا - مجرى العيون كاتبين عليه Wi Fi on board
بغض النظر عن إن كل اللي معاه تليفون ذكي فهو بالضروره مشترك في باقة شهرية و مش محتاج أم الرفاهية الفارغة بتاعتكوا،
لكن بالتأكيد اللي هيركب الأتوبيس ده عامة الشعب، و انتوا زودتوا تمن التذكرة عشان الخدمة التافهة عديمة الأهمية.
فالست أم سيد و هي مروحه من السوق مطلوب منها حاجتين: إما إنها تدفع تذكرة فوق طاقتها المادية لخدمة هي لا تعرف أصلا ما هي!! و إما إنها تستنى أتوبيس تاني ساعة زيادة غير مزود بالخدمة..
يعني سبتوا العشوائيات الغير آدمية اللي بيعيش فيها ملايين المصريين، و سبتوا الأزمة الاقتصادية و الكارثة السياسية، و سبتوا أزمات الصناعة و الزراعة و الناس مش لاقية تاكل و بتموت بعض عالرغيف، و التعليم فاشل بس المهم إن انتوا عملتوا أتوبيسات كاتبين عليها بالانجليزي

انا كنت داخل وكلى طاقة ايجابية بس ازاى لازم تاخد المرشح

على فكره احنا بنتقاش عادى يعنى خليك ايجابى بردو ده مش غلط

[kokowasfy]

اسمعو منى كلمة هقولها جهاز الوير لس الى فى الاتوبيسات خلال يومين من الشغل بس ياما هيتسرق يا اما هيبوظ بس كدا

[egyption2012]

الناس ...............................




لقد قمت بتغيير مسار الموضوع بعيداً عن الهدف الرئيسي الذي قصدة صاحب الموضوع وهو ما يخالف القاعدة رقم 4 من قواعد المنتدى.

يرجى مراجعة قواعد المنتدى

م 2 أ

[egyption2012]

بتقول ان ...........................


لقد قمت بتغيير مسار الموضوع بعيداً عن الهدف الرئيسي الذي قصدة صاحب الموضوع وهو ما يخالف القاعدة رقم 4 من قواعد المنتدى.

يرجى مراجعة قواعد المنتدى

م 2 أ

[Mohab.Nabil]

حتى الحكومة فى مصر بقت تحب تعمل شو و منظر ؟؟

الناس ديه مش هتورد على جنة فعلا

و طبعا زى ما الاخوة قالوا اكيد هيزودوا سعر التذكرة و كان اولى فعلا ان لو عايزين يساعدوا الناس يحطوا تكييف بدل الوايرليس و الله يا جماعة اللى معاه سمارت فون و عايز النت يدفع جنيه فى اليوم يعنى ولا 20 جنيه فى الشهر و يبقى معاه باقة انترنت الموضوع مش صعب انما ليه احمل الناس الفقيرة تمن حدمة ملهاش لازمة

و كل الموضوع دا طبعا عشان صور الاوتوبيسات تنزل wifi on board

ان شاء الله ربنا هيحاسب كل مسئول بيصرف فلوس البلد على الارض و مش بيبص لمصلحة الناس

[maio_do]

اسمعو منى كلمة هقولها جهاز الوير لس الى فى الاتوبيسات خلال يومين من الشغل بس ياما هيتسرق يا اما هيبوظ بس كدا

لا يا راجل اكيد لا يتسرق اية بس اكيد فى مكان واضح للسواق او للواحد واقف معاه دا ان مكانش فى مكان ما فى الاتوبيس نفسه