استفسار بخصوص كارت البنزين

[kimokito]

لو سمحتوا انا قدمت على كارت البنزين من يوم27/11/2013 ولحد دلوقت محدش اتصل بيا وكل لما ادخل وعلى موقع كروت البنزين يقولى تم طباعة الكارت انا مقدم انى استلمة من شركة فديكس فهل شركة فديكس هيتصلوا بيا ولا انا اروح اسالهم

[tota_ys]

هو بيتاخر شويه اصبر وباذن الله هيوصلك انا وصلى بعد شهرين من شركه البريد السريع دى واخد 20 جنيه واديته 10 جنيه ذياده كمان بره الحساب

[svneleven]

عادي لا تقلق. أنا طلبته تقريبا 15/11 و لسه جاي علي البيت من كام يوم. لكن الراجل طلب 25 جنيه مش 20.

[kimokito]

طب بالنسبة للوقت عادى يتاخر بس هل حد استلمة من شركة فديكس واتصلوا بيه الشركة ولا لازم اروح اسال فى الشركة

[Prince_pc]

ولا تسأل ولا تعمل اي حاجة ..... أصبر وأنسى الموضوع وشيلة من دماغك ، هم هايبعتولك الأول في مسدج (على الموبايل اللي انت دخلتة) ان الكارت هايوصلك في خلال 72 ساعة وفي نفس يوم التسليم هايتصل بيك مندوب الشركة (فيدكس أو أرامكس) ، مش لازم تكون انت بشخصك اللي موجود ، اي حد يستلمة ، بس اهم حاجة تكون محضَر صورة البطاقة وصورة رخصة العربية
وماتستعجلش ...... دي حاجة مش كويسة أصلا ، الناس فرحانة بيه وهو مصيبة أصلا .....