سؤال بخصوص السيارات اللي عليها حظر فيدوني افادكم الله

[mohandelboshy]

السلام عليكم ورحمه الله وبركاته

انا طالب استفسار ضروري من حضراتكم لاني ان شاء الله هروح اخلص في عربية وخايف لالبس فيا ريت تفيدوني لاني معنديش اي خبرة في الموضوع بتاع الحظر ده

باختصار العربية شوما كانت معاقين وفكت الحظر من كام شهر ولسه لم ترخص
بس صاحبها بيقول انه معاه توكيل من المعاق ( انتوا عارفين القصة دي طبعا ) ان واحد معاق بيجيب العربية باسمه وانت بتدفع له فلوس وتكون بتاعتك بس المعاق هو اللي ليه حق يبيعها طول فترة الحظر
السؤال بقي
هل ينفع يكون اللي معاه العربية معاه توكيل من المعاق بالبيع والشراء
طيب العربية الحظر بتاعها خلص من شهر تقريبا طيب لما انا اجي اشتريها ايه اللي المفروض يتم
واعرف ازاي فكت حظر ولا لا
طيب وهل اللي العربية باسمه لازم يكون موجود وانت بترخص ولا اللي معاه توكيل هو اللي يخلص
معلش ارجو حد يفدني لحسن البس في حاجة لاقدر الله

[ENG\AHMED]

اللى اعرفة ان المعاق بس هو اللى له الحق انه يسوقها ولا حتى لو معاه توكيل

[أحمد كمال]

مادام الحظر فك

خليه يرخصها و اشتريها منه معلقة نمر عادي و عليها رخصة عادية باسمه

[kokowasfy]

مدام هو فك حظر لية مرخصهاش الموضوع فى حاجة

[mohandelboshy]

مدام هو فك حظر لية مرخصهاش الموضوع فى حاجة

هو كلامه بيقولي ان المفروض يرخص بعد فك الحظر بس قال لنفسه يستني طالما هيبيع ويرخص باسم اللي هيشتري مرة واحدة
بصراحة انا مش فاهم في الحوار ده
طيب ايه اللي المفروض اعمله عشان اكون في الامان لو حبيت اشتري

[mohandelboshy]

اللى اعرفة ان المعاق بس هو اللى له الحق انه يسوقها ولا حتى لو معاه توكيل

لا يا باشا تلات تربع العربيات اللي بتنزل معاقين ناس عادية بتركبها عادي بس لو ظابط او نيابة عشان المرور لو وقفه العربية هتتسحب منه

[mtc_46]

بص يا باشا .. انا معايا عربية كان عليها حظر .. كنت شاريها فاضل فى الحظر 5 شهور .. و لما خلص فكيت انا حظرها بنفسى
اولا: العربية لو مفيش فيها رخص اصلا يبقى المعاق فى الحالة دى مش عارفين يطلعولوا رخص عشان يرخصوا العربية اصلا و العربية هتفضل كده مدى الحياة و الراجل ده نصاب و بيستهبل
ثانيا: لو العربية فيها رخصة بس منتهية او لسه عليها حظر .. يبقى لسه فى موال كبير وهو عبارة عن مشوار او اتنين للجمارك عند سونستا فى شارع الطيران .. ثم متابعة لوصول الورق لمرور السيارة (ودول مش هتحتاج فيهم المعاق مادام معاك توكيل) .. ثم ترخيص العربية بدون حظر على الرخصة (و دى لاااازم المعاق يكون موجود حتى لو معاك توكيل) .. ثالثا نقل الملكية بناءا على الرخصة الجديدة اللى مفيش فيها حظر
ثالثا : الافضل تاخدها مترخصة باسم المعاق و بدون حظر .. عدا ذلك هتتبهدل و لو المعاق عنده مشكلة فى الترخيص او لو هو لوع و ليه فلوس عند الراجل الدنيا كلها هتقف

[mohandelboshy]

مادام الحظر فك

خليه يرخصها و اشتريها منه معلقة نمر عادي و عليها رخصة عادية باسمه

مش دي المشكلة هو عاوز يرخصها علي طول باسم اللي هيشتريها يعني بيولي ارخص باسمي وادفع فلوس ليه طالما هبيع يبقي اللي هيشتري يرخص باسمه علي طول
بصراحة مش عارف ايه الحل في المواضيع دي

[أحمد كمال]

مش دي المشكلة هو عاوز يرخصها علي طول باسم اللي هيشتريها يعني بيولي ارخص باسمي وادفع فلوس ليه طالما هبيع يبقي اللي هيشتري يرخص باسمه علي طول
بصراحة مش عارف ايه الحل في المواضيع دي

قول له هاحاسبك على فلوس الترخيص !!!

واضح ان الحوار مشموم

ابعد عن الشر و غني له

[أحمد كمال]

لا يا باشا تلات تربع العربيات اللي بتنزل معاقين ناس عادية بتركبها عادي بس لو ظابط او نيابة عشان المرور لو وقفه العربية هتتسحب منه

لا تعليق .......

[mohandelboshy]

بص يا باشا .. انا معايا عربية كان عليها حظر .. كنت شاريها فاضل فى الحظر 5 شهور .. و لما خلص فكيت انا حظرها بنفسى
اولا: العربية لو مفيش فيها رخص اصلا يبقى المعاق فى الحالة دى مش عارفين يطلعولوا رخص عشان يرخصوا العربية اصلا و العربية هتفضل كده مدى الحياة و الراجل ده نصاب و بيستهبل
ثانيا: لو العربية فيها رخصة بس منتهية او لسه عليها حظر .. يبقى لسه فى موال كبير وهو عبارة عن مشوار او اتنين للجمارك عند سونستا فى شارع الطيران .. ثم متابعة لوصول الورق لمرور السيارة (ودول مش هتحتاج فيهم المعاق مادام معاك توكيل) .. ثم ترخيص العربية بدون حظر على الرخصة (و دى لاااازم المعاق يكون موجود حتى لو معاك توكيل) .. ثالثا نقل الملكية بناءا على الرخصة الجديدة اللى مفيش فيها حظر
ثالثا : الافضل تاخدها مترخصة باسم المعاق و بدون حظر .. عدا ذلك هتتبهدل و لو المعاق عنده مشكلة فى الترخيص او لو هو لوع و ليه فلوس عند الراجل الدنيا كلها هتقف

بصراحة اللي رماك علي المر لان العربية اللي شفتها دي علي اد فلوسي يعني 41 الف بس انا كده هصرف نظر
شكرا يا باشا علي الشرح الوافي بس فعلا العربية دي شكلها فيها حوار لان اللي هيبيع لي قالي معاك ربنا انت والمعاق وانا اصلا لا اعرف ده ولا ده

[أحمد كمال]

بصراحة اللي رماك علي المر لان العربية اللي شفتها دي علي اد فلوسي يعني 41 الف بس انا كده هصرف نظر
شكرا يا باشا علي الشرح الوافي بس فعلا العربية دي شكلها فيها حوار لان اللي هيبيع لي قالي معاك ربنا انت والمعاق وانا اصلا لا اعرف ده ولا ده

ابني على حجري اروح ادور عليه ؟

لو زي ما بتقول فلوسك على قدك ....... ممكن العربية دي تصرفك اضعاف مضاعفة في الورق و القرف

ممكن ما تعرفش ترخصها اساسا

و الاهم ان ممكن المعاق يقاولك على فلوس تاني عشان ييجي معاك

و الاهم كمان ان التوكيل مش معناه انها مش عربيته ! يقدر يلبسك في الحيط


اشتري العربية مرخصة بدون حظر و انقلها عادي جدا ليك غير كده تبقى بتخاطر

[mohandelboshy]

لا تعليق .......

هي دي الحقيقة يا عم احمد كل ما اشوف كيا واجي اسال صاحبها تبيع يقولي عليها حظر مش هتعرف تمشي بيها اقوله امال سيادتك ماشي بيها ازاي يقولي هصلي انا ظابط

[mohandelboshy]

ابني على حجري اروح ادور عليه ؟

لو زي ما بتقول فلوسك على قدك ....... ممكن العربية دي تصرفك اضعاف مضاعفة في الورق و القرف

ممكن ما تعرفش ترخصها اساسا

و الاهم ان ممكن المعاق يقاولك على فلوس تاني عشان ييجي معاك

و الاهم كمان ان التوكيل مش معناه انها مش عربيته ! يقدر يلبسك في الحيط


اشتري العربية مرخصة بدون حظر و انقلها عادي جدا ليك غير كده تبقى بتخاطر

كلامك منطقي جدا بس انا بقالي 8 شهور ماشي علي رجلي بعد ما بعت الابيزا اللي كانت معايا وتعبت جدا وعمال ادور يمين وشمال واسافر هنا وهناك لما استويت المبلغ اللي كان معايا 45 صرفت 5 علي اللف والمشاوير ورفع العربيات في التوكيل واروح اشوف عربية اكشف عليها لما مسكت علي ال 40 اللي معايا وخايف اصرف فعشان كده قلت اخلص في دي وخلاص
عموما اشكرك جدا جدا علي النصيحة دي وان شاء الله هصبر وربنا يعطرني في عربية بنت حلال لان الله وحده يعلم بنتعب في الفلوس ازاي

[mohandelboshy]

معلش يا جماعة انا اتصلت بصاحبها دلوقتي بيقولي ان ورق الافراج الجمركي اللي بيفيد بنهاية الحظر معاه من 5 شهور وواقفة علي الترخيص فهو لما عرف انه هيبيع قال يستني يمكن اللي هيرخص ينقلها باسمه بدل ما يدفع مصاريف
عموما هو قالي ارخصها باسمك علي طول لو تحب فهل ده ينفع وكمان معاه توكيل من المعاق بالبيع والشراء والترخيص في المرور وكل ده فايه رايكم في الكلام ده