سايس الجراج خبطلى العربية تانى

[dizel]

يا جدعان قولولى اعمل ايه؟
داه تالت جراج و اخر جراج فى المنطقه و العربية زيرو 2014
عربيتى القديمه اول جراج خبطهالى و سيبته عشان قالى الخبطه دى مش منى
تانى جراج خبطلى العربية برضه و استفزنى و قالى مش منى دى يا بيه
طب عربيتى الزيرو دلوقتى بركنها فى جراج بعيد و بمشى 15 دقيقه كل يوم رايح جى جوه عماره فيها حارة واحده لكل العربيات و لاقيتها متخربشه قالى مش منى والاهى يا بيه. النهارده الشنطة مطبقة و بيحلف ميت يمين انها مش منوه قولولى اعمل معاه ايه؟
طب اعمل ايه فى العربية؟؟ ابيعها و اخلص؟!!
مهو مفيش مكان تحت البيت و عربيتى القديمه كسروا الازاز و نفضوها و هى مركونه تحت البيت.
حلها ايه....
افيدونى افادكم الله

[J A G U A R]

يعنى هو بيروح الجراج مخصوص عشان يخربشلك العربيه ويرجع .. ؟
طب بيروح جراج مش بتاعه ازاى والناس اللى فيه بتسمحله يخربش فى العربيه ؟
طب الراجل ده انت مزعله فى حاجه ؟
طب مفيش جراج خاص بيك تحت بيتك لوحدك ؟

[amr011111]

يعنى هو بيروح الجراج مخصوص عشان يخربشلك العربيه ويرجع .. ؟
طب بيروح جراج مش بتاعه ازاى والناس اللى فيه بتسمحله يخربش فى العربيه ؟
طب الراجل ده انت مزعله فى حاجه ؟
طب مفيش جراج خاص بيك تحت بيتك لوحدك ؟

مش نفس السايس
هوه يقصد ان غير تلات جراج وكل مره السايس اللى فى كل جراج بيخبطله العربيه

انا راى انك لما تروح جراج متسيبش المفتاح مع حد
الحاجه التانيه تحاول تركن فى اخر الصف او مكان ميبقاش ملطش

[Al-Sherbeeny]

السلام عليكم ورحمة الله وبركاته..
1- انت بتدفع كام في الجراج دا...
2-لو بتدفع كتير ممكن تاجر محل صغير قريب منك ويبقى بتاعك لوحدك .
3-لو ما عرفتش تعمل اعلاه ، يبقى اتبع تعليمات العضو الفاضل amro011111
وشكرا

[Eng_hatemfathy]

للاسف كود الجراجات فى قانون البناء كود فاشل والمساحات المتروكة لا تكفى اصلا عدد السيارات المصمم عليها الجراج وكذلك المساحة المتروكة للمناورة ونادرا ما تجد جراج له مدخلين واحد دخول واخ خروج واساسا اساسا السايس يحمل الجراج اكثر من تحمله بحيث يلغى مساحات المناورة وهذا ما يؤدى الى كسر الفوانيش وخدوش الاجناب بل وتطبيق المقدمة والمؤخرة احيانا اخرا بسبب رفع حجر من اسفل سيارة على المور واندفاعها لتصدم من امامها
فالامر لا يقف على ترك المفاتيح من عدمه انما فكرة الجراج فى حد ذاته وهذه مأساه فى مصر المحروسة كلها الا الكمبوند احيانا مدن الجيش والتى بها مواقف مفتوحة نادرا ما يحدث تصادم بها وبيكون بسبب غشومية او حد داخل يتعلم جوا زى ما حصل فى اللادا بتاعتى واحدة خبطتها كرت الاكصدام الخلفى وفتلت الشنطة وكسرت الفوانيس الخلفية وخبطت العربية فى عربية قصادها طبقت البابين وشرخت الفانوس الامامى وكسرت الفانوسين
اصل الاخت كانت داخله تتعلم فى الباركينج-هههههههه

[kokowasfy]

الحمد للة عندى جراج خاص بيا فى بيتى و برااااااح ههه ممكن تيجى تركن عندى تنورنى واللة

[saddam]

صديقي المواطن
هناك حلول وطنية أخرى بس سؤال هل عندك مكان ثابت تحت العمارة فلو عندك حتروحلي لمحل فيبر حيفصل ليك مجسم عربية بحوالي 3 آلاف جنيه تقريبا وبه مغصلة ووزنه كله 10 كيلو وتركنه تحت البيت كأنه عرببة راكنة بالظبط وتغلفة بقماش أو جلد عشان يبان للناس وعامة الشعب كأنها عربية متغطية وبس حضرتك تركن ترفعه وتحط عربيتك تخرج ترفعه وتحط عربيتك وكفى الله المؤمنين القتال فكرة عبقرية وجنونية ومبتكرة بس خلاصة الخلاصة ولا أحط جنازير ولا سلاسل ولا أحط طوب وزلط
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[kokowasfy]

صديقي المواطن
هناك حلول وطنية أخرى بس سؤال هل عندك مكان ثابت تحت العمارة فلو عندك حتروحلي لمحل فيبر حيفصل ليك مجسم عربية بحوالي 3 آلاف جنيه تقريبا وبه مغصلة ووزنه كله 10 كيلو وتركنه تحت البيت كأنه عرببة راكنة بالظبط وتغلفة بقماش أو جلد عشان يبان للناس وعامة الشعب كأنها عربية متغطية وبس حضرتك تركن ترفعه وتحط عربيتك تخرج ترفعه وتحط عربيتك وكفى الله المؤمنين القتال فكرة عبقرية وجنونية ومبتكرة بس خلاصة الخلاصة ولا أحط جنازير ولا سلاسل ولا أحط طوب وزلط
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

هههههههههههههههههههههههههههههههههههههههههههههههههه ههههه بعد ما تعمل كدا دا اول ما تحط
المجسم دا فى الشارع تانى يوم هيتسرق

[aliyehia]

اعمل فيها بلطجى و اديها عمودين حديد و سلسله و احجز لنفسك احلى مكان فى الشارع

[Elawany13]

لا اللى بيركن فى جراج مرتاح ولا اللى بيركن فى الشارع مرتاح
ولا اللى عندو عربية مرتاح
ولا اللى معندهوش عربية مرتاح
حاجه تقرف بجد
العربية اتبهدلت خرابيش وقرف
والكاوتش انضرب مرتين بالمطواة خلال اقل من سنة

[Eng_hatemfathy]

فعلا مفيش حد مرتاح لا اللى عنده ولا اللى معندوش
بلدنا مفيهاش راحة
بالمناسبة -كنت من سنتين فى امريكا وبسأل اخ مهندس سورى امريكى عايش فى امريكا من 30 سنه واهله اغلبهم معاه هناك ن ساعة ما كانوا فى المدرسة وبيشتغلوا ويكملوا تعليمهم وزوجته برضه طبيبه سورية وراحت عاشت معاه هناك
المهم سألته مفيش هنا حاجه بتضايقك -قالى لا يعنى حاجات عاديةمن شقاوة الولاد او كده فقلتله لا مش قصدى انا يعنى بسأل عن خناقة مع الجيران او فى الشغل او فى طابور قالى لا خالص كل واحد عارف حقوقه وواجباته والقانون مبيفرقش ويوم ما مديرك يرفع صوته عليك مش محتاج انك ترد عليه لانك هتاخد حقك هتاخد حقك
وفعلا افتكرت واحد صاحبى اللى هوا عبدالله حجازى اطالب المصرى الى اتهم فى احداث 11 سمبتمبر بانه معاه لاسلكى وطلع اللاسلكى بتاع طيار كان فى الفندق الغرفة اللى جنبه وصاحبى اتحبسوكان نتيجة الحبس تعويض ربع مليون دولار لانه لم يفصل من عمله ولم يعتدى عليه بدنيا او لفظيا وحدثنى ان رفيق له فى السجن اتهم زورا وحبس ففصل من عمله حصل على تعويض نصف مليون دولار
طبعا صاحبى موصلوش غير خمس المبلغ وال اربع اخماس للمحامى بس الحمد لله اشترى عربية وشقة واتجوز وفرحان وبيقول يعنى لو متحبستش كنت هجيب دول منين -هههههههه

[Elawany13]

فعلا مفيش حد مرتاح لا اللى عنده ولا اللى معندوش
بلدنا مفيهاش راحة
بالمناسبة -كنت من سنتين فى امريكا وبسأل اخ مهندس سورى امريكى عايش فى امريكا من 30 سنه واهله اغلبهم معاه هناك ن ساعة ما كانوا فى المدرسة وبيشتغلوا ويكملوا تعليمهم وزوجته برضه طبيبه سورية وراحت عاشت معاه هناك
المهم سألته مفيش هنا حاجه بتضايقك -قالى لا يعنى حاجات عاديةمن شقاوة الولاد او كده فقلتله لا مش قصدى انا يعنى بسأل عن خناقة مع الجيران او فى الشغل او فى طابور قالى لا خالص كل واحد عارف حقوقه وواجباته والقانون مبيفرقش ويوم ما مديرك يرفع صوته عليك مش محتاج انك ترد عليه لانك هتاخد حقك هتاخد حقك
وفعلا افتكرت واحد صاحبى اللى هوا عبدالله حجازى اطالب المصرى الى اتهم فى احداث 11 سمبتمبر بانه معاه لاسلكى وطلع اللاسلكى بتاع طيار كان فى الفندق الغرفة اللى جنبه وصاحبى اتحبسوكان نتيجة الحبس تعويض ربع مليون دولار لانه لم يفصل من عمله ولم يعتدى عليه بدنيا او لفظيا وحدثنى ان رفيق له فى السجن اتهم زورا وحبس ففصل من عمله حصل على تعويض نصف مليون دولار
طبعا صاحبى موصلوش غير خمس المبلغ وال اربع اخماس للمحامى بس الحمد لله اشترى عربية وشقة واتجوز وفرحان وبيقول يعنى لو متحبستش كنت هجيب دول منين -هههههههه

خلاص كده
ربنا يسهل ونطلع على امريكا بشوية مش وجبنه حادقة
ويفكروها الجمرة الخبيثه ونتسجن وناخد نص مليون جنيه هههههههه

Sent from my GT-S6500D using Forum Runner

[Eng_hatemfathy]

خلاص كده
ربنا يسهل ونطلع على امريكا بشوية مش وجبنه حادقة
ويفكروها الجمرة الخبيثه ونتسجن وناخد نص مليون جنيه هههههههه

sent from my gt-s6500d using forum runner

متشكر جدا هسيبلك الطلعة دى -هههههههه

[S O P H O S]

والله انا وديت جراج خربش وخبط العربية
ودتها لجراج تاني مش عاجبه انا بنزل بالعربية متأخر
فبقت تحت بيت احسن