إغلاق طريق الدائري وطرق بديلة ؟

[أسامه طياره]

دلوقتي انا ساكن في 6أكتوبر ومزهقنا بيفط ان اللي عاوز الدائري ياخد طريق الفيوم وبعد ماسألت عرفت انهم هيقفلوا الدائري "شهرين" وطبعا ده تهريج اللي بيحصل ده لأن على معلوماتي انه هيتقفل من اول اكتوبر الواحات لحد المنيب !! دلوقتي انا جامعتي القاهره وعندي امتحانات اليومين دول اعمل ايه !؟؟ ده غير الشغل وغيره ومش هعرف اروح في حته .. السؤال دلوقتي هل فعلا القفله لحد المنيب؟؟ لأن لو لحد الهرم حتى هقدر اخد ميكروباص جيزه محور واقضي اشغالي رغم ان المحور مقرف وهيبقى مقرف اكتر وقتها بس هو المخرج الوحيد ..لأني حسبتها لقيت ان المخرج الوحيد دلوقتي اني اخد الفيوم فالهرم "كله" :( وطبعا عارفين الهرم وبعدين الجيزه او وسط البلد ودي حد ادنى ساعتين !!.. ياجماعه ارجوكو حد يقولي المعلومه الصح هل فعلا هيتقفل لحد المنيب !؟؟ لأن ده كده خراب ديار مستعجل

تم تعديل العنوان ليناسب محتواة .

[aboomar22]

قال مصدر أمني مسؤول بالإدارة العامة للمرور، إن الإدارة قررت غلق الوصلة للقادم من طريق (مصر-الواحات اتجاه الطريق الدائري) القوس الغربي، ومن جهة القادم من الطريق الدائري (محور المنيب)، وذلك ابتداءً من مساء يوم الخميس القادم، لإجراء بعض الاصلاحات، مؤكدًا أنه تم وضع لوحات إرشادية، وخدمات أمنية لإرشاد المواطنين للطرق البديلة.

وأوضح المصدر الأمني في تصريحات لمصراوي، الثلاثاء، أنه لابد لقائدي السيارات القادمين من مدينة 6 أكتوبر بطريق مصر، والواحات وطريق مصر، والفيوم اتجاه الطريق الدائري '' القوس الغربى ''، أن يسلكوا طريق (مصر - الفيوم) ثم ميدان الرماية، وفي حالة التوجه للطريق الدائري الزراعي، لابد من المرور بشارع الأهرام، يسارًا طريق المنصورية، ثم يمينًا بشارع الملك فيصل، ثم يسارًا بطريق ترعة المريوطية، ثم مطلع الطريق الدائري (القوس الغرب).

وأضاف المصدر: أما القادم من الدائري (محور المنيب) اتجاه مدينة 6 أكتوبر، يسلك مسطح المريوطية، ثم طريق المريوطية أول المنصورية، ثم طريق المنصورية، وميدان الرماية، و طريق مصر ـ الفيوم يمين طريق الواحات.

وعلى فكره الغلق لمدة 60 يوم

[M I D O]

اية القرف دة ..
طيب دلوقتي انا الجامعة بتاعتي في 6 اكتوبر و بطلع الدائري من الزراعي وبعدين باخد منزل المحور لحد اكتوبر هل كدة الطريق مفتوح ولا هيكون مقفول برضو ؟؟؟

[sasatony]

انت الي غلطان ياباشا حد قالك تسكن في 6أكتوبر

انا بهزر معاك بس هتعمل ايه ربنا يصبرنا كلنا والله

[aboomar22]

اية القرف دة ..
طيب دلوقتي انا الجامعة بتاعتي في 6 اكتوبر و بطلع الدائري من الزراعي وبعدين باخد منزل المحور لحد اكتوبر هل كدة الطريق مفتوح ولا هيكون مقفول برضو ؟؟؟

لا المحور مفتوح مفيش مشكلة اللى مقفول وصلة الدائرى من طريق الواحات لطريق المنيب

[الجنرال]

معلش .. ايه مصدر معلومة انه هيتقفل شهرين دي؟؟ اللى اتقال انه هيتقفل اسبوع مش شهرين

[starlanos]

هيا ناقصة ده الواحد بروح فساعه ونص وساعات ساعتين

[أسامه طياره]

شكرا استاذ ابو عمر بس انا مش فاهم حاجه الصراحه من الكلام ده احم احم :d كلمنا بالهجايص :d دلوقتي ياهل اقدر اخد المحور واطلع الدائري من اخر المحور لحد دائري صفط ومنها للجامعه ولا هلاقي الدائري من عند المحور لدائري صفط مقفوله؟؟؟

[Ahmed_Adham]

أنا فاكر ان الخبر اللي كان منشور هنا في المنتدى كان بيقول المده اسبوع. شهرين كتير قوي ده النقل كده هيخرب الدنيا وهيكترو على المحور أكتر ماهم بقو يستهبلو وينزلوه.

[aboomar22]

معلش .. ايه مصدر معلومة انه هيتقفل شهرين دي؟؟ اللى اتقال انه هيتقفل اسبوع مش شهرين

غلق الطريق الدائري لمدة 60 يوما لأعمال صيانة بالمريوطية | الدستور الأصلي

[ http://www1.youm7.com/News.asp?NewsID=1437162&SecID=97]

[aboomar22]

شكرا استاذ ابو عمر بس انا مش فاهم حاجه الصراحه من الكلام ده احم احم :d كلمنا بالهجايص :d دلوقتي ياهل اقدر اخد المحور واطلع الدائري من اخر المحور لحد دائري صفط ومنها للجامعه ولا هلاقي الدائري من عند المحور لدائري صفط مقفوله؟؟؟

لا يافندم مش مقفول من المحور للدائرى ولمحور صفط للجامعة شغال مفيش مشكلة
الجزء المغلق هو الجزء اللى رايح على من الهرم على طريق الواحات والراجع من نفس الجزء
دا على حسب مافهمت من المكتوب فى الخبر

[أسامه طياره]

الف شكر ياباشا :)

[الجنرال]

شكرا يا ابو عمر على الخبر .. لكن انا مش بصدق الاخبار اللى بتنزل على الدستور ده .. ثانيا انا تتبعت الخبر على الانترنت لقيت كل المواقع اللى كتبت انه هيتقفل 60 يوم .. لقيتهم كلهم نقلوا الخبر من مصدر واحد وبنفس الصياغة (مكالمة مع السي بي سي) من اللواء سعيد طعيمة .. ومفيش اي فيديو للمكالمة دي نهائيا

اما الخبر بتاع اليوم السابع فهو بيقول ان التصليحات هتستمر 60 يوم .. ومقالش الغلق هيستمر 60 يوم .. والفرق كبير

فانا بالنسبة لي مفيش مصدر موثوق للخبر يؤكد مدة ال 60 يوم