ذكريات مع العربيات

[aliyehia]

النهارده جه فى بالى خاطر غريب و حبيت اشاركم فيه
ارجع بذاكرتك شويه و افتكر اول مره تسمع عن نوع عربيه مشهوره حاليا كان امتى
حديكم مثال
اول مره اسمع عن ماركه هيونداى كان فى اواسط السبعينات لما واحد جارنا فى العماره جاب عربيه هيونداى pony و ساعتها كنت فاكرها هوندا تقليد
و كمان اول مره اسمع عن الكيا لما نزل ميكروباص فى مصر و اعلناته غرقت التلفزيون و كان كيا بستا
يا ترى حد عنده ذكريات مماثله

[J A G U A R]

اول مره اشوف عربيه ملاكى شيفروليه وكانت اوبترا

[aliyehia]

و افتكرت كمان اول معرفتى بالسكودا كانت العربيه الضايعه ام موتور من ورا

[speranz]

اكتر عربية كنت بشوفها وانا صغير وحافظها كانت البيجو 504
وفاكر وانا صغير لما جارنا جاب عربية شاهين وكنت بحلم بواحدة زيها
ساعتها كنت فاكر ان الى عنده عربية دا راجل مليونير كنت بحسب العربيات غالية جدا ههههههههه
ذكريات طفولة مشردة يا جدع

[Hunting_Eagle]

انا فاكر اعلان دايو لانوس جوليت

كان في واحدة بتاكل فروالة و كانت عاجباني

مش عايز حد يفهم غلط .. كنت عيل صغير 8 او 9 سنين كده او حاجة .. ده لو انا فاكر صح

:)

[J A G U A R]

كان زمان حلم عمرى ابقى عندى عربيه لانوس دلوقتى اقرف اركبها

[mirra]

فى التمانينات كان ممنوع استيراد عربيات و كانت العربيات النصر هى الوحيده اللى ممكن تشتريها زيرو.....و ال 126 اول ما نزلت سنه 1991 كانت ب 12 الف.

[S O P H O S]

والله ان قلقان بزيادة الاسعار دي عندنا
العربيات كلها تبقي ذكري