ترشيحكم لسيارة مستعملة بمبلغ 100 الف

[muhammedsamy]

انا عايز اشتري عربية في حدود 100 الف جنيه وتكون مستعملة فمنفضلكم تقدرو ترشحولي عربية

انا عن نفسي حاليا مستقر علي شيفورليه كروز

[monamize4]

ياريت توضح انت عايز ايه من العربية عشان نقدر نساعدك

[muhammedsamy]

ياريت توضح انت عايز ايه من العربية عشان نقدر نساعدك

شكل جميل وده مهم عشان ابدأ افكر في اي عربية
ثانيا , ثباتها علي السرعات
ثالثا , توافر اسعار قطع الغيار بأسعار معقولة

[atshe]

شكل جميل وده مهم عشان ابدأ افكر في اي عربية
ثانيا , ثباتها علي السرعات
ثالثا , توافر اسعار قطع الغيار بأسعار معقولة

اولا الكروز شكل بس
ثانيا ماعنديش فكرة كل اللى اعرفه انه ضعيفة فى السحب
ثالثا هتلاقيها بس ماعتقدش باسعار معقولة
رابعا سوقها واقف
خامسا اكيد فيه عيب فيها خلها متنافسش الالنترا ولا السيراتو رغم شكلها اللى يجذبك ليها
سادسا توكيل حقير بشهادة الاعضاء وملاك الشيفرولية ومفيش عربية تحت ايده ناجخة واعظم مثال الاوبل انسيجينا

يبقى ليه تبهدل نفسك ماممكن تجيب زيرو وارشحلك البيجو 301 طالما هتطلع فوق ال 100 الف وتريح دماغك اول 3 سنين ولا قطع غيار بلا هم

لو انت بتحب تغير او هتبيع قى اقل من سنتين يبقى هات سيراتو 2010 هاى لاين سوقها موجود وقطع غيار متوفرة

حيرتك دى انا كنت فيها وفى الاخر الحمد لله جبت البيجو واستقرت عليها ومبسوط جدا منها لو الفكرة موجوده وينفع تجيب بيجو ادخل القسم وشوف الناس بتشكر فيها ازاى ولو عايز تسال على حاجة فيها انا معاك

[muhammedsamy]

اولا الكروز شكل بس
ثانيا ماعنديش فكرة كل اللى اعرفه انه ضعيفة فى السحب
ثالثا هتلاقيها بس ماعتقدش باسعار معقولة
رابعا سوقها واقف
خامسا اكيد فيه عيب فيها خلها متنافسش الالنترا ولا السيراتو رغم شكلها اللى يجذبك ليها
سادسا توكيل حقير بشهادة الاعضاء وملاك الشيفرولية ومفيش عربية تحت ايده ناجخة واعظم مثال الاوبل انسيجينا

يبقى ليه تبهدل نفسك ماممكن تجيب زيرو وارشحلك البيجو 301 طالما هتطلع فوق ال 100 الف وتريح دماغك اول 3 سنين ولا قطع غيار بلا هم

لو انت بتحب تغير او هتبيع قى اقل من سنتين يبقى هات سيراتو 2010 هاى لاين سوقها موجود وقطع غيار متوفرة

حيرتك دى انا كنت فيها وفى الاخر الحمد لله جبت البيجو واستقرت عليها ومبسوط جدا منها لو الفكرة موجوده وينفع تجيب بيجو ادخل القسم وشوف الناس بتشكر فيها ازاى ولو عايز تسال على حاجة فيها انا معاك

البيجو كانت في دماغي بس حاسس ان مش دي العربية الي اجيبها اوبشنز قليلة لو هتجيب الي ب 107 و حجمها شكله صغير + شكلها من الخلف ميشدش هو من قدام حلو اه وانا قريت كل التعليقات عن العربية وعارف ان الكل بيشكر فيها فمش بتكلم علي كونها كويسة او لا

بس بص بشكل عام انا عايز مستعمل لان المستعمل ممكن مثلا اجيب هاي او توب لين الجديد لا

عامة هحط السيراتو كمان من ضمن اختياراتي مع ان شكلها مش شاددني :\ هل في عربيات تانية ؟؟

[atshe]

البيجو كانت في دماغي بس حاسس ان مش دي العربية الي اجيبها اوبشنز قليلة لو هتجيب الي ب 107 و حجمها شكله صغير + شكلها من الخلف ميشدش هو من قدام حلو اه وانا قريت كل التعليقات عن العربية وعارف ان الكل بيشكر فيها فمش بتكلم علي كونها كويسة او لا

بس بص بشكل عام انا عايز مستعمل لان المستعمل ممكن مثلا اجيب هاي او توب لين الجديد لا

عامة هحط السيراتو كمان من ضمن اختياراتي مع ان شكلها مش شاددني :\ هل في عربيات تانية ؟؟

تمام عموما هى حجمها ما بين الاكسنت والالنترا

بس مش مشكلة بالنسبة للعربيات المستعملة على حسب احتياجاتك يعنى لو هتحتاج اعادة بيع يبقى كورى او يا بانى وفيه شرط موديل معين كل اللى هكبته ده ينفع تجيبه باختلاف الفئة والموديل

اكسنت ار بى - النترا شكل قديم-ريو -لانسر -سيفيك-مورولا-ياريس -استرا

وممكن تجيب جديد هاى لاين دول

لو ليك فى الصينى ممكن تجبلك كروس

او اوربى وتجيب رينو سانديرو استيب واى

[Mamoud salah H]

انا لو مكانك هركب بي ام e46

[kokowasfy]

سيراتو كارينز لانسر النترا اختيراتك كتير حدد انت عاوز اية عاوز عربية رياضية عفشة ناشفة عليك و على السيراتو عاوز عربية عائلية و شيك متور بطى نسبيا خد كارينز 2010 عاوز راحة و و نعومة على الطريق و شكل حلو نسبيا بس عيبها خفيفة على الطريق و البور مبيفسلش على السرعات هتخاف تجرى بيها عليك و على الانترا 2009 عاوز عفشة ولا نعمة ولا ناشفة عاوز تسارع متوسط او فوق المتوسط عاوز راحة بال و قطع غيار ببلاش و عربية محفوظا من الشعب تكيف قوى ثبات ممتاز لحد 160 عاوز عربية لو اكصدام اتكسر تغيرو 150 جنية استيراد و فنوس 95 جنية قصاد كل دة الاسف شكل راح علية نسبيا عليك و على لانسر كسر زيرو انا معاية العربية دى من 2008 لحد دلوقتى عامل 290 الف مبغيرش غير سيور وفلاتر بس فقط لا غير و على العموم اى خدمة انا موجود

[speranz]

سيفيك عربية شبابية اكتر او فلوانس عربية فخيمة

[abohend]

طب و قطع الغيار

انا لو مكانك هركب بي ام e46

قطع الغيار مش معقولة زي مهو طالب

خليك فالسيراتو أو ريو أو كارينز أو ماتريكس أو إلنترا أو أكسنت آر بي (طبعا الموديلات و الفئات هتختلف)

[muhammedsamy]

شكرا جدااااا يا جماعة بجد والله افدتوني جداااا

انا عامة استفدت كمان من كارينز مكنتش اعرف ان 2010 يوصل 100 الف مع اني اعرف ان سحبها بطيء برده بس شيء ممكن اتغاضا عنه في نظير اني شكل العربية اكون مرتاح معاه انا مش بحب الجري اوي يعني

والصراحة انا مبحبش الهيونداي باقي العربيات هبص عليها ان شاء الله

طيب مفيش ولا واحد رشحلي الكروز اشلها من حساباتي يعني ؟! ؟!

[kokowasfy]

الكروز بطة بلدى و عليها بودى تقيل و هتتخنق منها فبلاش منها بقول شعر واللة ههههه

[abohend]

شكرا جدااااا يا جماعة بجد والله افدتوني جداااا

انا عامة استفدت كمان من كارينز مكنتش اعرف ان 2010 يوصل 100 الف مع اني اعرف ان سحبها بطيء برده بس شيء ممكن اتغاضا عنه في نظير اني شكل العربية اكون مرتاح معاه انا مش بحب الجري اوي يعني

والصراحة انا مبحبش الهيونداي باقي العربيات هبص عليها ان شاء الله

طيب مفيش ولا واحد رشحلي الكروز اشلها من حساباتي يعني ؟! ؟!

بدل مبتحبش الهيونداي
يبقى خليك فالكارينز
و أوعى تجيب الكروز..مفيش حد شكر فيها (شكل خارجي فقط)

[Mohamed.Ramah]

نصيحة فى حدود المبلغ رينو فلوينس 2011 او هوندا سيفيك 2009 افضل بس حتزود شوية ولاكن حتجيب حاجة تستاهل .

[muhammedsamy]

خلاص بلاها الكروووز

طيب واضح انها هترسي علي حد من اسرة الكيا

في تعليق علي السيراتو الكوبيه ؟؟ لاني لسة مشفتش التعليقات عن الاثنين الصراحة