عندي اعتراض علي اسعار المستعمل

[sasatony]

والله الاسعار في كل حاجة في مصر بقت مستهبلة مش في العربيات المستعملة بس

[hossam_elwani]

انا هنقل لك تجربتي عشان انا كان معايا كوروﻻ ياباني 2011 هاي لاين وكيل اشترتها سنة 2011 اول منزلت كسر زير في شهر 8 و صاحبها كان شاريها في شهر 3 و كان مركب في التوكيل زينون فرش جلد بارك سنسور و حدات رفع انذار بحوالي 4000 جنيه كماليات جبتها منه ماشية 10000 كم علي 150 الف و هو كان شاريها ب 162 الف وزود عليهم 4000 بتوع الكماليات يبقي 166 الف استخدمتها سنتين وكام شهر و نزلت الكوروﻻ الجديدة 2014 و انا دايما بحب اتابع اسعار العربيات لقيت عربيتي وصلت ل 200 الف قال ايه عشان اخر موديل ياباني و كمان مش موجودة و ده رفع سعر المستعمل منها جامد و خلي التجار يجيبو الخليجي بس اول فئة و ده خلا الفئة اللي معايا تغلي اكتر و اكتر ففكرت و اتكلمت مع واحد صديقي بقوله انا بفكر ابيع و اجيب 2014 لقيته قالي لو هتبيع قولي فورا و كنت بايع تاني يوم ب 165 الف تخيل يعني كسبت 15 الف في سنتين و استمتعت بالعربية ، و انا عارف انها كانت تجيب اكتر من كدة و كان ممكن ابيعها علي 170 الف بس بصراحة كنت بحسس عليها و ماشية 40 الف و صيانات بالتوكيل و مفيهاش خبطات خالص.
يعني لو كنت استنيت لدلوقتي كان ممكن تعدى ال 170 الف كمان بجد عجبت لك يازمن المستعمل يبقي اغلي من الجديد بحجة انه ياباني

ياااااه يازمن


انا كنت حشتريها فى اول 2012 وكانت وقتها هاى لاين 167000 بس مش موجوده كمان

[ahrambc]

ما حكم فى ماله فما ظلم

زى ما البائع ما بيطلب السعر اللى يرضيه ... المشترى ليس مجبر أن يدفع هذا السعر

ببساطه شديده يمكنه تجاهل هذه الصفقه ليبحث عن صفقه أخرى تكون مرضيه له

و كا يمكن أن يقال عن جشع البائع ... يمكن أن يقال عن طمع المشترى

و أنه يريد أن يأخذ السلعه بأقل من قيمتها الحقيقيه

و البحث و التدقيق يمكن أن يأتى بصفقه جيده للمشترى

.

[saddam]

صديقي المواطن
حضراتكو بتحرقوا بنزين عالفاضي
العربيات دي قيمتها بالدولار المستوردة فيه ولا يعتد بقيمة أي عملة أخرى لا مصرية ولا غيرها يعني اللي باع عربيته المستعملة بأغلى مما إشتراها من 3 سنين مثلا فلو حسبها صح حيلاقي نفسه باعها أقل مما إشتراها ﻷن كانت فلوسك تجيب كام دولار من 3 سنين وتجيب كام النهارده وده اللي رفع أسعار الزيرو وبكده بالتبعية تطلع أسعار المستعمل غير كده كلنا بنحب نستسهل وبندور على عرببة تنباع بسرعة يعني لو حد تعب ودور وجاب عربيه مش بياعة حيلاقي عرببات فخمة ب 20 ألف قسما بالله قدامي مرسيدس رئاسي 500 ب 22 ألف مش ناقصها غير جوان وش سلندر وعرببات فخمة ب 30 و40 الف بس قطع غيارها نادرة بس موجودة لكن عامة الشعب كلها بتتجه للي الناس تعرفه ومش تهتم بمنظرها وبريستيجها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[hossam_elwani]

صديقي المواطن
حضراتكو بتحرقوا بنزين عالفاضي
العربيات دي قيمتها بالدولار المستوردة فيه ولا يعتد بقيمة أي عملة أخرى لا مصرية ولا غيرها يعني اللي باع عربيته المستعملة بأغلى مما إشتراها من 3 سنين مثلا فلو حسبها صح حيلاقي نفسه باعها أقل مما إشتراها ﻷن كانت فلوسك تجيب كام دولار من 3 سنين وتجيب كام النهارده وده اللي رفع أسعار الزيرو وبكده بالتبعية تطلع أسعار المستعمل غير كده كلنا بنحب نستسهل وبندور على عرببة تنباع بسرعة يعني لو حد تعب ودور وجاب عربيه مش بياعة حيلاقي عرببات فخمة ب 20 ألف قسما بالله قدامي مرسيدس رئاسي 500 ب 22 ألف مش ناقصها غير جوان وش سلندر وعرببات فخمة ب 30 و40 الف بس قطع غيارها نادرة بس موجودة لكن عامة الشعب كلها بتتجه للي الناس تعرفه ومش تهتم بمنظرها وبريستيجها
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

ب 22 الف !!!!!!!!!!!


نوالنى طريقها دى موديل كام ؟؟

[SAMEH_FOUAD]

هية الحسبة بتتعمل كالاتى فى تحديد سعر السيارة المستعملة

1- سعر سوق السيارات الزيرو وصل لاية , يعنى مثلا لو الجديد غلى وزاد طبيعى تلاقى المستعمل زاد , لان انا مش هبييع عربيتى بنفس سعرها القديم , واجى ازود اكتر من تمن عربيتى مرتين عشان اشترى الموديل الجديد , فلازم انا كمان ازود عشان مادفعش الفرق من جيبى

2- مدى الرغبة الشرائية لهذة السيارة , يعنى لو عربيتى ناس كتير عايزها ومطلوبة , وسوقها ماشى زى الفل يبقى انا كدة احط السعر اللى يعجبنى على حسب حالة العربية , عكس لو عربية اصلا محدش بيفكر فيها او قطع غيارها قليلة , كل دة بينزل فى سعرها

3- دية بقى حاجة مهمة جدااا, وهية ان لو مثلا واحد بيبيع سيارة ونزل بعديها موديل بس مش بنفس كفاءة الموديل الاقدم , فدية بتخلى اولوية للناس انها تفضلها عن الموديل الاحدث , فمحدش يستغرب لما يلاقى عربية موديل مثلا 2010 بتتباع بنفس سعر 2013 او فى بعض الاحيان تقارب تمن الزيرو منها

4- التجار , التجار فى اتفاق مع بعضهم متعرفش بيتم ازاى , ممكن يتحكموا فى السوق كلة , فممكن ينزلوا سعر عربية وممكن يرفعوا سعر عربية , على حسب الطلب عليها او المطلوب منهم

[metal_slime]

كما قال احد الزملاء الفكرة كلها فى قيمة الجنيه اللى بتنخفض دايما امام الدولار وبنسبة كبيرة ...وده بيبان فى مختلف السلع مش العربيات وبس.... الحل الوحيد ان العملة المصرية تعاود الإرتفاع من جديد وبنسبة كبيرة وكله فى علم الغيب

[ashrafwolf]

طول ما فيه اللي بيدفع هاتستمر مافيا الاسعار

[Anxs111]

الموضوع فيه جزئين ...
الجشع المصري ...
العملة اللي بتفقد قيمتها .....
عموما نظريت تسعير المستعمل بتوحي بخلل فظيع ...
أي حاجة مستعملة المفروض سعرها ينزل ٣٠٪ في أول سنه وبعد كدا زود ١٠% كل سنه ...
في مصر لو فرضنا إن العمله ثابتة هتلقي في خلال سنة العربية سعرها ينزل بكتيره ١٠ ٪ ....
يعني اللي ب-٢٠٠ عايز يبيع في خلال سنه علي ١٩٠ بكتيرة ....
دة غير إن علي الأقل ٥٠ ٪ من سعر العربية عبارة عن جمرك ودة ما بيفضل في قمة العربيه مهما قدمت ...
ولذلك صعب جدا تلقي عربيه متباعة بأكتر من نص تمنها ألا لو عاملة حادثة أو عداد الخيال العلمي ...

[mrghost]

طبعا الواحد بيشوف العجب فى اسعار المستعمل
بس برضه اسعار الجديد تهبل الواحد مش عارف لو باع هيشترى ايه؟

[EngAhmedSayed]

طيب دة انتا موضوعك كويس نوعا ما
اما لما تنزل السوق مدينة نصر
علشان تجيب مثلا لحد حبيبك دايو لانوس او حتة هيونداى
و العربية اللى مغيره ربع و اللى فيها برومة و اللى فيها مصيبة و تيجى تكلم صاحبها يقولك سعر خرافى
يخليك تتنح
و ممكن يجيبلك الضغط و انتا واقف
ياراجل انا قعد انزل السوق 4 مرات شوفت العجب

[shaaban2008]

طبعا الواحد بيشوف العجب فى اسعار المستعمل
بس برضه اسعار الجديد تهبل الواحد مش عارف لو باع هيشترى ايه؟

ده حقيقي

[ahmad--ezzat]

كما قال احد الزملاء الفكرة كلها فى قيمة الجنيه اللى بتنخفض دايما امام الدولار وبنسبة كبيرة ...وده بيبان فى مختلف السلع مش العربيات وبس.... الحل الوحيد ان العملة المصرية تعاود الإرتفاع من جديد وبنسبة كبيرة وكله فى علم الغيب

انا معاك ان الجنيه سعره نزل....بس كلامك معناه ان مفيش استهبال فى اسعار المستعمل...وان المشكلها كلها فى قيمه الجنيه

انا فاكر من 8 شهور مثلا او سنه كانت الاسعار عاديه جدا
صنى ب 87 الشكل القديم اللى كانت احسن من بتاع دلوقتى المبعكك
اوبترا نفس رينج السعر
بيكانتو 68 او 70...دلوقتى 85
مره واحده وبدون اى سابق انذار هوجت ارتفاع اسعااااااار ...الاسعار بقت استهبال رسمي وسرقه ونصب واستخفاف بعقول الناس

وبرضه الناس بتشترى وتجيب

الموضوع برضه فى الزيرو....افيو 2014 عربيه متسواش بصله سعرها 100 الف جنيه اتوماتيك !!!!!!!!!!!!!!!!!!!!!!!!!!!!!!

عجبت لك يا زمن....انا هتكلم عن نفسى انا مش عارف لما هغير عربيتى النوبيرا اجيب ايه طالاما النظام بالشكل دة...وبالنسبالى 100 الف جنيه مهواش مبلغ سهل نهائي ومش هو اللى يتدفع فى العربيات ال بلاستيك دى

اتمنى انها تكون فتره وتنتهى...لان غير كده الموضوع بقى فى الحماده

[hamada_dodo]

انا اسف والله علي ردي هنا
بس انا مش عارف اعمل موضوع جديد يا رجالة

[S O P H O S]

دلوقتي راي الي يشتري يجيب زيرو
المستعمل دلوقتي بقي اغلي من الجديد !!