خلاص.مفيش زيوت شل !!

[Ayman-Ahmed]

السلام عليكم ورحمة الله وبركاته

كنت بمون من عند شل-مدينة نصر ولقيتهم عاملين دعاية لزيت توتال ولما سالت . قالولى ان زيوت شل فى افريقيا اتصفت واتباعت لتوتال وهو هو نفس الجودة وبنفس الاسعار.

ايه رايكوا وتنصحونى بايه .لاننى كنت بحط شل على مدار الاربع السنين اللى فاتوا ومرتاح معاه.

حد عنده تجربة مع زيت ينصحنى به؟

مشكورين.

[hugan]

ممكن يكون توتال افضل من شل

[Ayman-Ahmed]

صراحة دعاية توتال وكلام الموقع الرسمى ليهم جميل واكن حضرتك بتنصح بيه عن تجربة ولا تجارب ناس تانية.

[amoor89]

ونا كمان محتار اجيب ايه بعد الشل ومستحيل ارجع لتوتل تانى لانه كان بينزل من العربية متبهدل وبيعلى صوتها جدا

[kazamodia]

توتال اشترت شل فعلا في مصر بس كبنزينات عشان شل عايزة تركز في موضوع الزيوت فقط لانه بيجيب اكبر ربح
فمستحيل ان زيت شل يختفي كده مرة واحدة في مصر ... دي اقدم شركة بترول اجنبية في مصر

[Ayman-Ahmed]

ونا كمان محتار اجيب ايه بعد الشل ومستحيل ارجع لتوتل تانى لانه كان بينزل من العربية متبهدل وبيعلى صوتها جدا

-وحضرتك جربت اى نوع من انواع التوتال الكوارتز ولا الكلاسيك ولا الانيو ؟

[Ayman-Ahmed]

توتال اشترت شل فعلا في مصر بس كبنزينات عشان شل عايزة تركز في موضوع الزيوت فقط لانه بيجيب اكبر ربح
فمستحيل ان زيت شل يختفي كده مرة واحدة في مصر ... دي اقدم شركة بترول اجنبية في مصر

-مش مصر بس ولكن فى افريقيا كلها واحتمال وجود باقى زيت فى المخازن ولكنهم لن ينتجوا جديد تانى.

[toty_305]

-المحطات اتباعت............. لكن مصنع الزيوت لأ

[Ayman-Ahmed]

طيب يعنى هما مبقوش يبيعوا زيوت شل فى محطات شل وبقوا يبيعوا توتال.طيب الاقى فين زيوت شل ؟

[toty_305]

-والله أنا بقالي فترة مشتريتش و معنديش فكرة البيع هيكون ازاي

-عندك حق مفيش محطات هيبيعوه فين ؟؟؟!!!

-من التوكيل بقى

[gebreel]

انا التوتال كوارتز 9000 بحطوا بقالي سنتين و بصراحة معنديش منو مشاكل و مش مزعلني في حاجة و ماشي عليه 9500 و لسة كاشف عليه و لقيته لسة فيه صحة و تقريبا البخر بتاعو شبه معدوم

[Mohab555]

وداعا شل .. لازم كل الناس الى بستخدم شل تشوف بديل كويس سواء لكوى مولى - فالفولين - ولف ... علشان اكيد مهما حصل مش هنحط موبيل .. بس ممكن الشل ينزل مستورد من برده سعتها يبقى حكايه ...

[Ayman-Ahmed]

-والله أنا بقالي فترة مشتريتش و معنديش فكرة البيع هيكون ازاي

-عندك حق مفيش محطات هيبيعوه فين ؟؟؟!!!

-من التوكيل بقى

-توكيل ؟ تقصد توكيل غبور ولا ايه.

انا التوتال كوارتز 9000 بحطوا بقالي سنتين و بصراحة معنديش منو مشاكل و مش مزعلني في حاجة و ماشي عليه 9500 و لسة كاشف عليه و لقيته لسة فيه صحة و تقريبا البخر بتاعو شبه معدوم

-من القراية على الموقع الكوارتز فعلا بديل ممتاز للشل السلفر وذكر انه ممكن يقعد فى الموتور ل 20000 كم مع اخذ راى وكيل السيارة.

وداعا شل .. لازم كل الناس الى بستخدم شل تشوف بديل كويس سواء لكوى مولى - فالفولين - ولف ... علشان اكيد مهما حصل مش هنحط موبيل .. بس ممكن الشل ينزل مستورد من برده سعتها يبقى حكايه ...

-ياريت ينزل مستورد.وكان ذكر ان فيه زيت مستورد من الامارات فى محطات امارات مصر.

[wael6]

من حوالى شهر بتاع الزيت قالى مفيش شل
وان بتوع الشركة بيبعوه زايد عن سعر الكرتونه للتوكيلات ومراكز الصيانات
ومبيدهوش للمحلات
يبقي فعلا الموضوع فيه ان ؟؟؟؟؟؟؟؟؟
انا حطيت موبيل بدل من شل الاصفر
وحاليا ماشي كويس والحمد لله لحد دلوقتى 4000 كم وشغال
وشكرا

[shaaban2008]

اكيد هايبقي موجود في مصر
طالما مصنع الزيوت موقفش الانتاج