تحركات مريبة بمصنع النصر للسيارات!

[bronze]

و لا تحتاروا و لا حاجة

;)المسألة سهلة خالص. أنا شوفت العربيات دي في شركة النصر للسيارات (كنت هناك في مشوار شغل), ولما سألت سواق التريللا قاللي إن دي عربيات صيني جاية شركة النصر علشان الدهان.
*بالبحث و التحري جوه شركة النصر عرفت إن دي سيارات BMW بتيجي من المصنع متقفلة و ملحومة علشان يتم دهانها في خط الدهات الجديد الموجود في النصر (على فكرة, الخط ده من أحسن و أحدث خطوط الدهان في مصر). و بعد عملية الدهان يتم إعادتها تاني للبافارية لإكمال التصنيع.
الموضوع ده متكتم عليه تماما من BMW . ولو إديت سواء التيللا 1000ج هيتوهك و مش هيقول الحقيقة.

السؤال دلوقتي هو ليه رغم كل ده . دهان عربيات النصر زي الزفت.

[Tamer-Ezzat]

العربيات دى ماتت ومكفننها ورايحين يدفونوها ....

[جمال]

;)المسألة سهلة خالص. أنا شوفت العربيات دي في شركة النصر للسيارات (كنت هناك في مشوار شغل), ولما سألت سواق التريللا قاللي إن دي عربيات صيني جاية شركة النصر علشان الدهان.
الدهان >>>>> ولو إديت سواء التيللا 1000ج هيتوهك و مش هيقول الحقيقة.

ها ها ها ها ها
حتى سواق التريللا من حزب اعداء الصينى , و بيشنع على العربيات الصينى

[Rsarabia]

ينهار بتنجانى عربيات بى ام ؟؟ بتتدهن فى مصنع النصر طب ليه كدا يا بى ام دا انا كنت بفكر اشترى واحدة سنة 2050 على ما احوش تمنها لا كدا هشترى فيرارى على الاقل بيدهن عند غبور

[ahmedsamir79]

أنا مش شايف مشاكل إن السيارات الفخمه تتدهن في شركه النصر
دي حتي حاجه تفرح

[MohabSaeed]

الى انا سمعته ان شركه النصر عندها خط من احسن خطوط الدهان فى مصر و كانو اتكلمو عنو كتير جدا فى الجرايد من حوالى 5 سنين الى افتكره ان العربيه بالكامل كانت بتنزل فى حاجه زى مغطس و تطلى بماده مضاده للصدأ و بعد كدع بتبدأ عمليه الدهان .

عموما ايه المشكله ديه حاجه مش وحشه و اكيد البافاريه مش حيضحو بأسم بى ام دبليو لو فعلا خط الدهان فى شركه النصر سئ .

ياريت شركه النصر تجمع عربيات من مركات تانيه لحساب التوكيلات زى محصل مع التمبرا مثلا .... ايه المشكله لما الموضوع يتكرر فى عربيات تانيه زى اللينيا مثلا و سعرها يرخص .

[Ahmad Allawy]

والله هي بشري خبر كويس..
و ممكن تكون كابوس خبر مهبب..
الكويس ان خط دهان شركة النصر يكون زي ما بتقولوا و الناس بتقول.. انه من افضل خطوط الدهان حاليا.. ودي حاجة تفرح.. اي نعم هي مش معجزة.. بس علي الاقل في حاجة كويسة بتتعمل..
و كابوس لو الموضوع ده وحش.. و هتبقي ضربة قاصمة للشركة الكبيرة اللي بتعمل عربياتها هناك.. و خبر ممكن يهز مكانتها و مبيعاتها ف السوق..
عموما.. ان غدا لناظره قريب..

[gade2]

oh bmw +shahin thats a good idea to shahin's owners

[جمال]

طبعا حاجة تفرح ان عندنا هذا الخط المتميز لدهان السيارات وان ماركة كبيرة بتثق فيه
السؤال بقى ليه مخبينها؟؟

[Mohamed-Saoud]

no noooo, it is 2009 ALL NEW NASR 128