إعـــــــلان

Collapse

.

,
See more
See less

سواااق جديييييييييييييد

Collapse
X
Collapse
 
  • Page of 4
  • Filter
  • الوقت
  • Show
Clear All
new posts
السابق 1 2 3 4 template التالي
  • #1

    سواااق جديييييييييييييد

    اعزائي نايل موتورزوية
    كل سنة انتوا طيبين... ورمضان كريم
    علي نفس نمط محمد سعد ... جزار نضيف
    فيه موضوع محشور في زوري من شهر عايز اكتبهولكم وحطيتله عنوان سواق جديييييييييييد

    الموضوع مش جديد ... بس اعتبروه تنفيس عن بركان ممكن ينفجر في اي لحظة و انا مش مسئول

    باختصار شديد ... ربنا كرمني "او يمكن ابتلاني مش عارف" بعربية جديدة والحمد لله من تقريبا شهر... ودي أول عربية ليا.

    لما استلمت العربية كنت طاير من الفرح ... اترحمت من القرف وذل سواقين الميكروباصات .... بتوع معصرة منتصر اللي مش بيكملوا لأخر خط حلوان"و أي حد من حلوان اكيد فاهم انا اقصد ايه" ... ودول زيهم برضو زي اللي بيقطعوا شارع فيصل 3 حتت وياخدو اجرة 3 مرات

    و بعد شهر من السواقة في مصر
    باقول .... كفاية كده سواقة ... وبتوع معصرة منتصر والله ولاد حلال
    ليه بقي ؟؟؟
    1- انا اول ما رخصت حطيت نمر مؤقتة ... عاااادي؟؟؟ ... مش عارف الظاهر ان النمر فيها مغناطيس لرجال المرور البواسل ... من أول العساكر للواءات ... كله عايز يتفرج علي الرخصة... اظاهر انه بيبقي فيها حاجه جديدة او نكت علي ضهرها ... يا اخونا انا مافيش لجنة غير ووقفتني علشان تشوف الرخص... و ماحدش يقولي شكلك فيه حاجه غلط ... والله انا عضو هيئة تدريس .. وبالب معقول كمان ... و مش شبهة خالص"يعني شوفولي عروسة". بس الظاهر ان السبوبة الجديدة بتاعة الحكومة بتاعة النمر المؤقتة دي شغالة الله ينور ... يديلك نمر شهر ويقرفك علشان تكره تروح المرور فتقوم تتأخر في تجديد الشهر يقوموا ساحبين الرخص و مغرمينك يا حلو، والله يا اخونا انا اتعودت لحد ما النهارده وقفت اوتوماتيك في اللجنة من غير ما حد يقولي و فتحت الازاز وطلعت الرخص للأمين و بمنتهي البراءة سألت"هو حضرتك مش عايز تشوفها ؟؟؟"

    2- بصراحة كده انا عمري في حياتي ما تخيلت اني اعمل ماساج كل يوم بالشكل الهايل ده ... مطبات بلدنا وحفر ونقر الشوارع بمنتهي الامانة هايلة لكل اللي بيعانوا من آلام الظهر ... يعني ماساج طبيعي، ومش كده بس .. كل يوم تلاقي ابنكار جديد ، ودرجة أعلي من الماساج "زيادة حجم وعمق وعدد النقر في الشوارع و الامعان في الاعتام التام ليها"

    3- الجميل كمان ان مصر بلدنا بلد الرومانسية ديما الشوارع أنورها مطفية علشان تحس بجو شاعري وانت ماشي وكمان علشان البلد عارفة ان فيه مشتتات في الطريق ممكن تشد انتباهاك وتضايقك و انت سايق مثلا انك تشوف الرصيف وما تحكش فيه، او انك تعرف الشوارع الجانبية اللي انت عايز تروحها فين

    4- الركنات دي بقي لعبتي، بافضل تحت الشغل من 10 دقايق "وليس أقل" الي نص ساعة لحد ما اركن وعادة باركن صف تالت و ممور العربية وأول ما الظهر يدن اجري علشان اصلي و ادعي اني انزل ألاقي العربية في مكانها

    5- الناس علي الطريق فعلا فعلا غريبة
    خبراتي الضئيلة علمتني في التعامل معاهم كذا حاجه
    أوعي تدي للي وراك اشارة انت رايح يمين از شمال، لأنهم عادة اول ما بتدي الاشارة بعد ما كانوا هاديين وماشيين علي سرعتهم . فوووووووووو تلاقيه كبس عليك ونور النور العالي وشتم كمان علشان ما يديلكش فرصة تأخد اليوتيرن بتاعك او تطلع من مصيبة قدامك..خش يمين او شمال علي طول "الله يمسيك بالخير يا بشمهندس سبعاوي فعلا اختراع الدراع احسن 10000 مرة من الاشارات"

    6- لما علموني السواقة يعني قالولي ان الشمال ده للي ماشي علي سرعة عالية... وعلي أرض الواقع .. إكتشفت ان الشمال للنقل التقيل و السرعات البطيئة "يعني تلاقي جدو مكلبش في الشمال كأنه أنبوبة الاكسجين اللي عايش بيها " واليمين بقي كله حفر و مطبات وعربيات بتقف كل 10 متر

    7- اليو تيرن .... يا لهووووووووووووووووي اسخف اختراعات خلق الله
    الناس في اليو تيرن مش فاهمة هي بتعمل ايه انا تقريبا 10 مرات لحد النهاردة كنت هاعمل حدثة بسبب نفس اليو تيرن اللي علي كورنيش المعادي بعد نادي المعادي ده ببتاع 150 متر... أخرهم اول امبارح وانا ماشي علي 80 الساعة 2 بالليل "ولأني عارف ان اليوتيرن ده غبي أخدت يميني شوية علشان اللي بيلف يلف علي راحته"وتاكسي جميل 125 موديل 1932 بيعدي علي اقل اقل من مهله وبياخد الكورنيش وراح مصدر العربية بعرض الطريق عايز ياخد اقصي اليمين والمشكلة انه الظاهر والله اعلم انه حس انه مالمش العربية كويس وانه هايخش في الرصيف فراح مفرمل ومصدر العربية وانا جاي وراه وكدت أن أفعلها ... إلا ستر ربنا نجاني ...

    8- كمان الناس اللي بتعدي الطريق ... فعلا عسل ... شعب قلبه ميت يا اخونا ... عادي دي عربيات ... مش بتموت ... مسافر انا علي الزراعي الاسبوع اللي فات... وعند مصانع العربي... الله يكرمهم عاملين مائدة رحمن...و اتنين بيعدوا الطريق قبل الفطار بدقيقتين وانا ماشي علي 110 و ماشين يضحكوا ... واحد ظريف قوووي منهم الضحك اثاره لدرجت انه وقف يضحك ويخبط علي رجله في وسط الزراعي وانا عمال اقلب نور ومعلق ايدي علي الكلاكس المهم واحد منهم جري والتاني كنت هاحبطه يعني هاخبطه... لولا ستر ربنا فديته في أخر لحظة في المسافة اللي بينه وبين الرصيف

    9- اخيرا وليس أخرا... لما تبقي عربيتك جديدة ماكملتش اسبوعين
    وواقف في اشارة ... ويجي ميكروباص عايز يعديك من حتة ما تعديش توك توك، ويروح خابطلك الباب والرفرف والاكصدام الوراني "وانت واقف في اشارة"
    هايبقي ايه شعورك

    ده بقي غير الموتوسيكلات اللي تطلع من طريق فرعي علشان تعمل خمسة في قلب الطريق قدامك .. وغير الاوتوبيسات الي بترمي عليك بسبب و من غير...

    من الاخر
    - السواقة ... قلة ادب.... قلة ذوق .... قلة أخلاق
    - السواقة في مصر ستر بس ....
    - لما كل سواقين مصر كده مهارتهم عاليا في القيادة والغرز ليه ما بنشوفش بطل مصري في الفورميلا ولا الراليات العالمية ....

    تحياتي
    و أأسف للأطالة
    و رمضان كريم عليكم جميعا
    [CENTER][SIZE=5][COLOR=blue]ليل طويل[/COLOR] ... [COLOR=purple]هم ثقيل[/COLOR] ... [COLOR=seagreen]وهم سرمدي[/COLOR][/SIZE][/CENTER]
    [CENTER][SIZE=5][COLOR=blue]صبر جميل[/COLOR]... [COLOR=purple]شاب فتي[/COLOR] ... [COLOR=seagreen]ورود وحلم جميل نقي[/COLOR][/SIZE][/CENTER]

    [CENTER]د.حسام الزلباني:smartass:[/CENTER]
    الكلمات الدلالية (Tags): 40, 405, 50, font, ابن, استلمت, اكسسوارات, البنزين, الجديدة, الكنبة, اللانسر, اللي, الي, اوتوماتيك, بيع, تاكسى, تجديد, جديييييييييييييد, حادثة, حكومة, رخصة, ريس, زيرو, سرعة, سواااق, سيريون, شار, شوفو, صاج, ضيف, طريقة, عايز, عربية, عرض, عن, في, قطع, قلب, كل, كلاكس, مرور, مشاكل, مشكلة, مصر, مع, من, مواضيع, موتور, موتوسيكلات, موديل, مين, نايل موتورز, نور, هاك, هل, هي, وصف
  • #2
    هههههههههههههههههههههههههههههههه
    والله موتنى ضحك بصراحه عرضت المعاناه باسلوب هزلى جميل

    بص على راى الاستاذ توت اهلا بك فى السيرك المصرى

    تعرف وانا بقراء موضوعك ده والله قاعده اقول يارب ما يكون فيه اى حد من جنسيات اخرى بتدخل المنتدى لان بصراحه كده اتفضحنا بجد والواحد بقى بيتكسف يجيب سيره المرور فى مصر
    [CENTER][SIGPIC][SIZE=3][B]لا اله الا انت سبحانك انى كنت من الظالمين[/B][/SIZE][/SIGPIC][/CENTER]

    Comment

    • #3
      موضوع جميل جداً
      و طريقة العرض كوميدية جداً
      و للأسف السواقة في مصر حاجة صعبة جداً و ده شيء بيوضح حالة الهرجلة و الأنفلات الأخلاقي اللي بيعيشها المجتمع المصري عموماً حتى بعيدا عن السواقة ,
      و بقى اللي يمشي أصول هو ده اللي بيتشتم و بيتبهدل في الطريق
      [shfaf2]http://nileup.com/up/uploads/nilemotors_14667781721.jpg[/shfaf2]

      Comment

      • #4
        المشاركة الأصلية كتبت بواسطة zalpany2000 مشاهدة المشاركة
        اعزائي نايل موتورزوية
        كل سنة انتوا طيبين... ورمضان كريم
        علي نفس نمط محمد سعد ... جزار نضيف
        فيه موضوع محشور في زوري من شهر عايز اكتبهولكم وحطيتله عنوان سواق جديييييييييييد

        الموضوع مش جديد ... بس اعتبروه تنفيس عن بركان ممكن ينفجر في اي لحظة و انا مش مسئول

        باختصار شديد ... ربنا كرمني "او يمكن ابتلاني مش عارف" بعربية جديدة والحمد لله من تقريبا شهر... ودي أول عربية ليا.

        لما استلمت العربية كنت طاير من الفرح ... اترحمت من القرف وذل سواقين الميكروباصات .... بتوع معصرة منتصر اللي مش بيكملوا لأخر خط حلوان"و أي حد من حلوان اكيد فاهم انا اقصد ايه" ... ودول زيهم برضو زي اللي بيقطعوا شارع فيصل 3 حتت وياخدو اجرة 3 مرات

        و بعد شهر من السواقة في مصر
        باقول .... كفاية كده سواقة ... وبتوع معصرة منتصر والله ولاد حلال
        ليه بقي ؟؟؟
        1- انا اول ما رخصت حطيت نمر مؤقتة ... عاااادي؟؟؟ ... مش عارف الظاهر ان النمر فيها مغناطيس لرجال المرور البواسل ... من أول العساكر للواءات ... كله عايز يتفرج علي الرخصة... اظاهر انه بيبقي فيها حاجه جديدة او نكت علي ضهرها ... يا اخونا انا مافيش لجنة غير ووقفتني علشان تشوف الرخص... و ماحدش يقولي شكلك فيه حاجه غلط ... والله انا عضو هيئة تدريس .. وبالب معقول كمان ... و مش شبهة خالص"يعني شوفولي عروسة". بس الظاهر ان السبوبة الجديدة بتاعة الحكومة بتاعة النمر المؤقتة دي شغالة الله ينور ... يديلك نمر شهر ويقرفك علشان تكره تروح المرور فتقوم تتأخر في تجديد الشهر يقوموا ساحبين الرخص و مغرمينك يا حلو، والله يا اخونا انا اتعودت لحد ما النهارده وقفت اوتوماتيك في اللجنة من غير ما حد يقولي و فتحت الازاز وطلعت الرخص للأمين و بمنتهي البراءة سألت"هو حضرتك مش عايز تشوفها ؟؟؟"

        2- بصراحة كده انا عمري في حياتي ما تخيلت اني اعمل ماساج كل يوم بالشكل الهايل ده ... مطبات بلدنا وحفر ونقر الشوارع بمنتهي الامانة هايلة لكل اللي بيعانوا من آلام الظهر ... يعني ماساج طبيعي، ومش كده بس .. كل يوم تلاقي ابنكار جديد ، ودرجة أعلي من الماساج "زيادة حجم وعمق وعدد النقر في الشوارع و الامعان في الاعتام التام ليها"

        3- الجميل كمان ان مصر بلدنا بلد الرومانسية ديما الشوارع أنورها مطفية علشان تحس بجو شاعري وانت ماشي وكمان علشان البلد عارفة ان فيه مشتتات في الطريق ممكن تشد انتباهاك وتضايقك و انت سايق مثلا انك تشوف الرصيف وما تحكش فيه، او انك تعرف الشوارع الجانبية اللي انت عايز تروحها فين

        4- الركنات دي بقي لعبتي، بافضل تحت الشغل من 10 دقايق "وليس أقل" الي نص ساعة لحد ما اركن وعادة باركن صف تالت و ممور العربية وأول ما الظهر يدن اجري علشان اصلي و ادعي اني انزل ألاقي العربية في مكانها

        5- الناس علي الطريق فعلا فعلا غريبة
        خبراتي الضئيلة علمتني في التعامل معاهم كذا حاجه
        أوعي تدي للي وراك اشارة انت رايح يمين از شمال، لأنهم عادة اول ما بتدي الاشارة بعد ما كانوا هاديين وماشيين علي سرعتهم . فوووووووووو تلاقيه كبس عليك ونور النور العالي وشتم كمان علشان ما يديلكش فرصة تأخد اليوتيرن بتاعك او تطلع من مصيبة قدامك..خش يمين او شمال علي طول "الله يمسيك بالخير يا بشمهندس سبعاوي فعلا اختراع الدراع احسن 10000 مرة من الاشارات"

        6- لما علموني السواقة يعني قالولي ان الشمال ده للي ماشي علي سرعة عالية... وعلي أرض الواقع .. إكتشفت ان الشمال للنقل التقيل و السرعات البطيئة "يعني تلاقي جدو مكلبش في الشمال كأنه أنبوبة الاكسجين اللي عايش بيها " واليمين بقي كله حفر و مطبات وعربيات بتقف كل 10 متر

        7- اليو تيرن .... يا لهووووووووووووووووي اسخف اختراعات خلق الله
        الناس في اليو تيرن مش فاهمة هي بتعمل ايه انا تقريبا 10 مرات لحد النهاردة كنت هاعمل حدثة بسبب نفس اليو تيرن اللي علي كورنيش المعادي بعد نادي المعادي ده ببتاع 150 متر... أخرهم اول امبارح وانا ماشي علي 80 الساعة 2 بالليل "ولأني عارف ان اليوتيرن ده غبي أخدت يميني شوية علشان اللي بيلف يلف علي راحته"وتاكسي جميل 125 موديل 1932 بيعدي علي اقل اقل من مهله وبياخد الكورنيش وراح مصدر العربية بعرض الطريق عايز ياخد اقصي اليمين والمشكلة انه الظاهر والله اعلم انه حس انه مالمش العربية كويس وانه هايخش في الرصيف فراح مفرمل ومصدر العربية وانا جاي وراه وكدت أن أفعلها ... إلا ستر ربنا نجاني ...

        8- كمان الناس اللي بتعدي الطريق ... فعلا عسل ... شعب قلبه ميت يا اخونا ... عادي دي عربيات ... مش بتموت ... مسافر انا علي الزراعي الاسبوع اللي فات... وعند مصانع العربي... الله يكرمهم عاملين مائدة رحمن...و اتنين بيعدوا الطريق قبل الفطار بدقيقتين وانا ماشي علي 110 و ماشين يضحكوا ... واحد ظريف قوووي منهم الضحك اثاره لدرجت انه وقف يضحك ويخبط علي رجله في وسط الزراعي وانا عمال اقلب نور ومعلق ايدي علي الكلاكس المهم واحد منهم جري والتاني كنت هاحبطه يعني هاخبطه... لولا ستر ربنا فديته في أخر لحظة في المسافة اللي بينه وبين الرصيف

        9- اخيرا وليس أخرا... لما تبقي عربيتك جديدة ماكملتش اسبوعين
        وواقف في اشارة ... ويجي ميكروباص عايز يعديك من حتة ما تعديش توك توك، ويروح خابطلك الباب والرفرف والاكصدام الوراني "وانت واقف في اشارة"
        هايبقي ايه شعورك

        ده بقي غير الموتوسيكلات اللي تطلع من طريق فرعي علشان تعمل خمسة في قلب الطريق قدامك .. وغير الاوتوبيسات الي بترمي عليك بسبب و من غير...

        من الاخر
        - السواقة ... قلة ادب.... قلة ذوق .... قلة أخلاق
        - السواقة في مصر ستر بس ....
        - لما كل سواقين مصر كده مهارتهم عاليا في القيادة والغرز ليه ما بنشوفش بطل مصري في الفورميلا ولا الراليات العالمية ....

        تحياتي
        و أأسف للأطالة
        و رمضان كريم عليكم جميعا
        +1111111100000000000000000000000000000000000000000 0000
        Born To Be Different

        [url=http://www.postimage.org/image.php?v=aV1l8y29][img]http://www.postimage.org/aV1l8y29.jpg[/img][/url]

        Comment

        • #5
          والله فعلا عندك حق :(

          اول امبارح نزلت عشان اشتري حاجات لماما والله قعدت الف بالعربية مش اقل من ساعة انى الاقي ركنة مافييييييييييييش و كل شوية احاول ادخل فى شارع جانبي الاقي نفسي اتزنقت مع 6 7 عربيات عاوزيني يعدو
          و ارجع بضهري الشارع كله و بعدين اكمل الاقي واحد سايق عجلة و جرحلى العربية كلها بالقفص بتاعه اللى على العجلة . طبها اتحرق دمييييييييي قلت معلش اصبر هلاقي ركنة ما انا لازم اجيب طلبات ماما بعدين لفيت تاني و اتزنقت تانى و واحد من اللى بيلمو الروبابيكيا و بيبقي راكب عجلة كدة فيها بتاع كبير كدة بيتحط فيها الحاجة و هو بيبقي حديد كدة و مش عاوز يصبر انى اعدي الاول والشارع ميكفيش اننا نعدي احنا الاتنين و هو ماشي عادى جدا و مستني ان انا اللى اخد جنب بالعربية دى كلها على مبدا الى خايف على عربيته يبعد و ماشي بعجلته بسرعة و فجاة اسمع صوت خبطة جامدة و صوت حاجت بتتعجن و تتطبق و انا واقفة مكانى عاوزة انزل اخبطه بالكوريك قى دماغه..اوففففففففففف والله قمت روحت بيتنا و مشترتش حاجة و دمي بيغلي من الشعب ال%^*^&*#%^&%^&
          [SIZE="2"]i'll miss everyone[/SIZE]

          Comment

          • #6
            اوووووووووووووووووه اهلا بيك فى جنينه الحيوانات او السيرك بمعنى اصح على رأى الاستاذ مهاب هههههههههههههههههههههههههههههههههههههه
            انتا بقا الظاهر مخدتش بالك من الموضوع اللى انا كاتبه قبلك بيومين تقريبا اسمه دقيقه من وقتكم يا بشر ؟؟؟؟ فى المنتدى العام برضوا
            هوا هوا اللى انتا بتقوله بالظبط لدرجه انى كرهت اللانسر وداخل على اسبوع ونص محطتش رجلى فيها الظاهر ان البلد دى مش نافع فيها حاااااااااااااجه خااالص لا عربيات ولا مواصلات نصيحه ..... انضم معانا احنا قررنا نروح نكلم شركه الترامكو تصعلنا عربيات بمواصفات مصريه
            صبرنا يا رب................................................ .......................................
            نفسى احس ان انا بنى أدم جوا جمهوريه مصر العربيه :sad:
            عاشق تراب اللانسر مهما كانت اوحش عربيه فى الوجود:whtauwant::whtauwant:

            Comment

            • #7
              يا سيدي الفاضل ده بس الشكة بتاعة الحقنة ... بعد كده هتبقى فله ان شاء الله وهتفتكر الأيام دهية ولما تشوف واحد مبتدئ هتقول ياااااه كانت أيام !!!!!

              انا كنت اسمع ان الصيد يعلم الصبر... الحمد لله الواحد ملهوش في الصيد ولقى الطريقة اللي تعلمه الصبر !! ربنا يخليكي لينا يا مصر الخير
              [CENTER][SIGPIC] [/SIGPIC][/CENTER]

              Comment

              • #8
                المشاركة الأصلية كتبت بواسطة Noha-M مشاهدة المشاركة
                والله فعلا عندك حق :(

                اول امبارح نزلت عشان اشتري حاجات لماما والله قعدت الف بالعربية مش اقل من ساعة انى الاقي ركنة مافييييييييييييش و كل شوية احاول ادخل فى شارع جانبي الاقي نفسي اتزنقت مع 6 7 عربيات عاوزيني يعدو
                و ارجع بضهري الشارع كله و بعدين اكمل الاقي واحد سايق عجلة و جرحلى العربية كلها بالقفص بتاعه اللى على العجلة . طبها اتحرق دمييييييييي قلت معلش اصبر هلاقي ركنة ما انا لازم اجيب طلبات ماما بعدين لفيت تاني و اتزنقت تانى و واحد من اللى بيلمو الروبابيكيا و بيبقي راكب عجلة كدة فيها بتاع كبير كدة بيتحط فيها الحاجة و هو بيبقي حديد كدة و مش عاوز يصبر انى اعدي الاول والشارع ميكفيش اننا نعدي احنا الاتنين و هو ماشي عادى جدا و مستني ان انا اللى اخد جنب بالعربية دى كلها على مبدا الى خايف على عربيته يبعد و ماشي بعجلته بسرعة و فجاة اسمع صوت خبطة جامدة و صوت حاجت بتتعجن و تتطبق و انا واقفة مكانى عاوزة انزل اخبطه بالكوريك قى دماغه..اوففففففففففف والله قمت روحت بيتنا و مشترتش حاجة و دمي بيغلي من الشعب ال%^*^&*#%^&%^&
                انتى متاكده ان كل دا حصل امبارح فى عربيت السيراتو الجديده
                انتى لسه عايشه!؟؟؟
                [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

                -- اللهم ارزقنيها --
                [/COLOR][/SIZE][/CENTER]

                Comment

                • #9
                  المشاركة الأصلية كتبت بواسطة blazer مشاهدة المشاركة
                  انتى متاكده ان كل دا حصل امبارح فى عربيت السيراتو الجديده
                  انتى لسه عايشه!؟؟؟

                  تخيل؟؟ . طيب تتخيلها انت دى

                  شفت بقينا بنستحمل ازاى . اصل لو ركزت فى الموضوع هموووووووووت من حرقة الدم بس الواحد والله من كتر ما شاف هنا مواضيع توجع القلب و يبقي الواحد لسه شارى زيرو و عامل حادثة و العربية تتدمر فبجد والله فعلا مزعلتش اوى زة ما كنت متخيلة
                  انا فعلا مسغربة ردة فعلى بس والله تصدق السيراتو طلعت اصيلة بجد , انا عايزة اقولك انى سمعت صوت خبطة و صوت الصاج و هو بيطبق و بيتعجن و ايه من اول الفانوس الامامى لحد الخلفي لانه ماشي بعجلته و ال container الحديد بتاعه دة راشق في عربيتي و بيخبط بافترا !!!!!!! على اساس ان انا ابويا دة كان تاجر مخدرات و جايبلي العربية دى للمشاوير النص كم و البورش راكنة فى الجراج فبقولك لما روحت بقا و نزلت اشوف حصل ايه بجد والله الصاج محصلش فيه اى حاااااااااااجة بس تجريحات كدة و اديني بدورلها على كومباوند و ان شاء الله تتظبط
                  [SIZE="2"]i'll miss everyone[/SIZE]

                  Comment

                  • #10
                    معلش ليا سؤال هوا ايه الكومباوند ده؟؟؟؟؟؟؟؟؟؟؟؟؟؟؟؟؟؟؟؟؟؟؟
                    نفسى احس ان انا بنى أدم جوا جمهوريه مصر العربيه :sad:
                    عاشق تراب اللانسر مهما كانت اوحش عربيه فى الوجود:whtauwant::whtauwant:

                    Comment

                    • #11
                      المشاركة الأصلية كتبت بواسطة Noha-M مشاهدة المشاركة
                      تخيل؟؟ . طيب تتخيلها انت دى

                      شفت بقينا بنستحمل ازاى . اصل لو ركزت فى الموضوع هموووووووووت من حرقة الدم بس الواحد والله من كتر ما شاف هنا مواضيع توجع القلب و يبقي الواحد لسه شارى زيرو و عامل حادثة و العربية تتدمر فبجد والله فعلا مزعلتش اوى زة ما كنت متخيلة
                      انا فعلا مسغربة ردة فعلى بس والله تصدق السيراتو طلعت اصيلة بجد , انا عايزة اقولك انى سمعت صوت خبطة و صوت الصاج و هو بيطبق و بيتعجن و ايه من اول الفانوس الامامى لحد الخلفي لانه ماشي بعجلته و ال container الحديد بتاعه دة راشق في عربيتي و بيخبط بافترا !!!!!!! على اساس ان انا ابويا دة كان تاجر مخدرات و جايبلي العربية دى للمشاوير النص كم و البورش راكنة فى الجراج فبقولك لما روحت بقا و نزلت اشوف حصل ايه بجد والله الصاج محصلش فيه اى حاااااااااااجة بس تجريحات كدة و اديني بدورلها على كومباوند و ان شاء الله تتظبط

                      بختصار لو حصل المواقف ده مع واحده عصبيه جدا زى
                      بصى انا كنت هعمل حاجه واحده هنزل اجيبه من قفاه واحطه تحت العجل الخلفى ومرشدير حلو يحبه قلبك بعدها

                      بصراحه انتى هاديه اوى يارب ابقى زيك كده
                      [CENTER][SIGPIC][SIZE=3][B]لا اله الا انت سبحانك انى كنت من الظالمين[/B][/SIZE][/SIGPIC][/CENTER]

                      Comment

                      • #12
                        المشاركة الأصلية كتبت بواسطة mero5005 مشاهدة المشاركة
                        معلش ليا سؤال هوا ايه الكومباوند ده؟؟؟؟؟؟؟؟؟؟؟؟؟؟؟؟؟؟؟؟؟؟؟
                        http://www.nilemotors.net/Nile/showthread.php?t=39910

                        بص الكومباوند دة المفروض انه بيشيل الخدوش اللى فى العربية لو طبقة البوية لسه متشالتش و الموضوع مجرد تجريحات كدة

                        شوف اللينك دة لانى بسال عليه برده
                        [SIZE="2"]i'll miss everyone[/SIZE]

                        Comment

                        • #13
                          المشاركة الأصلية كتبت بواسطة دموع الثلج مشاهدة المشاركة
                          بختصار لو حصل المواقف ده مع واحده عصبيه جدا زى
                          بصى انا كنت هعمل حاجه واحده هنزل اجيبه من قفاه واحطه تحت العجل الخلفى ومرشدير حلو يحبه قلبك بعدها

                          بصراحه انتى هاديه اوى يارب ابقى زيك كده

                          هههههههههههههههه

                          اه انا فعلا اعصابي هادية مش بتعصب بسهوله بس انا عرفتك خلاااااااص انتى زمااانك منتى دخلتى السجن فى واحد زى دة بس والله يا دموع هعمل ايه طيب ما هو كاس و داير يا حبيبتي عالكل , تاكلي فيشار؟
                          [SIZE="2"]i'll miss everyone[/SIZE]

                          Comment

                          • #14
                            ميرسى كتير يا نهى بس يظهر ان وقعتنا احنا الاتنين واحده
                            انا اللانسر بتاعتى سودا برضواااااااااااااااااااااااااااااااااا
                            نفسى احس ان انا بنى أدم جوا جمهوريه مصر العربيه :sad:
                            عاشق تراب اللانسر مهما كانت اوحش عربيه فى الوجود:whtauwant::whtauwant:

                            Comment

                            • #15
                              المشاركة الأصلية كتبت بواسطة mero5005 مشاهدة المشاركة
                              ميرسى كتير يا نهى بس يظهر ان وقعتنا احنا الاتنين واحده
                              انا اللانسر بتاعتى سودا برضواااااااااااااااااااااااااااااااااا

                              فعلااااااا

                              اللوون الاسود دة اختراااااااع فاااااااااشل فى مصر

                              اولا احنا بلد صحراوى و مليان تراااب و العربية عمرها ما هتبان نضيفة و شيك و برستييج فى اللون الاسود و كمان سواقة التاكسيات و الميكروباصات و الناس نفسها مش هتسيب عربيتك فى حالها و هتتجرح هتتجرح و اللون الاسود بشع و بيبان فيه اقل حاجة دة غير انك لو اتفرجت دلوقتى على العربيات السودا اللى ماشية فى الشارع هتلاقيها كلها لونها مجرب و ضايع .. لا فعلا اللون الاسود دة ميتجابش خاااااااااالص

                              منك لله ياللى فى بالى
                              [SIZE="2"]i'll miss everyone[/SIZE]

                              Comment

                              السابق 1 2 3 4 template التالي
                              Working...
                              X