غيرت طنابير وتيل فرامل ودلوقتى بشم ريحة شياط

[joseph661]

انا غيرت تيل فرامل وطنابير ولما بكون بجرى واستخدم الفرامل الفرامل بتمسك كويس لكن بشم ريحة شياط بعد لما استخدم الفرامل جامد ونزلت مسكت الجنط لقيته سخن اوى اوى اوى

الميكانيكى بيقولى لا ده عادى على التيل بيطبع او الطنابير حاجة كدة ؟؟

[شادى عبدالمنعم]

ﻻيافندم ده مش تطبيع كده فى مشكله وممكن يكون التيل شده جامد فمريح على الطنابير

[joseph661]

ﻻيافندم ده مش تطبيع كده فى مشكله وممكن يكون التيل شده جامد فمريح على الطنابير

انا شاكر جداً لحضرتك بس الفرامل انا حاسس انها كويسة والعربية سحبها حلو يعنى اعتقد لو التيل قافش فى الطنبورة هيكون العربية سحبها وحش ولا اية ؟؟

[abokoko]

جرب
اولا تدوس فرامل وبعد ظهور ريحه الشياط
توقف العربيه وتنزل وتلمس الجنوط هل هو سخن بطريقه شديده

ثانيا جرب تزق العربيه من وضع السكون وشوفها تقيله ومحجرة ولا عادى
ودوس فرامل وارجع زقها

اعتقد هيكون عند حضرتك انطباع بوجود احتكاك والفرامل قافشه من عدمه


وعموما لو تيل بيطبع فمفروض ينتهى فى يوم او يومين

[mrghost]

اطلع بالعربية على مطب ومورها وشوف هتنزل لوحدها وﻻ تقيله
لو تقيله يبقى فى مشكله
لو انت سواقتك عنيفه زيى يبقى ده طبيعى ﻻنك بتستعمل الفرامل كتير وعلى سرعه