مساعدة في الجمارك ^^

[V-Cool ^^]

السلام عليكم يا جماعة
دي ان شاء الله اول مشاركة ليا في المنتدى وهي عبارة عن استفسار عالسريع كدا

ادخل في الموضوع....المفروض دي اخر سنة ليا في السعودية وعايز انزل نهائي بعربيتي يارس 2008 فل كامل ماعدا بس الجنوط والجناح
وكنت عايز ازبطها كدا وروقها واحطلها حجات كتير وخايف ان الحجات دي تزود الجمرك بزيادة جامدة
عموماً انا ان شاء الله ناوي احطلها....
انوار led عند الدواسات
وهحط اسطبات الي هي بتاعة الbmw الي ورا واسطبات audi الي قدام
وكمان بفكر اعملها فتحة سقف كدا
وهحطلها كزا حتة كروم كدا
وناوي اعملها تجليدة فوق السقف عشان تبان انها بانوراما
فهي الحجات دي بقى ممكن تاخد جمرك...ولو اخدت تقريبا هتاخد كام.... وشكراً

[Deshahcoka]

لما تخبها مصر اعمل كل الي انتا عاوزه ! و بعدين صعب حوار تحول عربية من غير فتحه لفتحه !

[V-Cool ^^]

لما تخبها مصر اعمل كل الي انتا عاوزه ! و بعدين صعب حوار تحول عربية من غير فتحه لفتحه !

لا عندنا في السعودية شركة مشهورة اسمها مجموعة السلام....والكل هنا بيشكر فيها جامد وشغلها بيقولو زي شغل التوكيل بالزبط
اما بالنسبة لحكاية اني انزل مصر واعدل فيها ... هنا اسعار السعودية احسن والجودة ممكن تكون افضل وهنا كمان سوقهم كبير يعني تقدر تلاقي اي حاجة وباي جودة انت عايزها
منور

[horas3000]

هو بخلاف الفتحه كل ده عادي و مش هيفرق في الجمرك
الفتحه ممكن يقرفوك لانها طبعا مش هتبقي موجوده في لسته المواصفات الاصليه للعربيه و مش عارف هيتم التعامل معاها ازاي
التجليد الاسود حتي لو عدي من الجمرك المرور مش هيعديها

[Hunting_Eagle]

انا رأيي سيبها زي ما هي لسببين

الأول زي ما قولت حضرتك علشان الجمارك .. اللي اعرفه انها بتخضع لمزاج الموظف .. يعني لو شاف عربيتك متدلعة وفيها حركات ها يحسب عليك فلوس اكتر من العربية العادية

الثاني ان اسعار كماليات العربيات في مصر كويسة مش غالية و في حاجات ممكن تلاقيها في مصر ارخص

تحياتي

[V-Cool ^^]

والله انا في السعودية هنا بشوف عربيات كتير جية من الشركة بتعتها بانوراما ....عموما هحاول اشوف عند المرور اغير مواصفات العربية اخليها ابيض واسود ^^ ... ولو منفعش يبقى عوضي على الله ...بس تقريبا يعني تمن الجمرك بتاع الفتحة كأقصى حد كام؟؟... منورين

[horas3000]

والله انا في السعودية هنا بشوف عربيات كتير جية من الشركة بتعتها بانوراما ....عموما هحاول اشوف عند المرور اغير مواصفات العربية اخليها ابيض واسود ^^ ... ولو منفعش يبقى عوضي على الله ...بس تقريبا يعني تمن الجمرك بتاع الفتحة كأقصى حد كام؟؟... منورين

مهو يا زعيم السقف البانوراما مذكور في المواصفات
لكن التجليد لا
و حتي لو غيرت في الرخصه عندك
الجمارك مش بتاخد بالرخصه
بتاخد بشهاده المواصفات الاصليه (مش فاكر اسمها ايه) و دي اكيد فيها ان العربيه لون واحد
و معنديش فكره جمرك الفتحه كام بصراحه

[V-Cool ^^]

مهو هنا برضو تجليد السقف بيبقى عادي اما البودي كلو بيبقى عليها مخالفة... عالعموم هدرس الموضوع واشوف .... شكراً عالمساعدة ^^ ... منورين