عربية اتسرقت

[abdallah_h]

دلوقتي يا جماعة انا عربيتي اتسرقت و معايا عربية تانية
عاوز اعرف اية طرق تامين العربية بمعني يعني اية الجديد في موضوع الانذار
العربية اللي اتسرقت كانت النترا 2011 وفيها الانذار العادي بتاع غبور

[أبو آسر]

ربنا يعوض عليك ويرجعهالك بالسلامة
أفضل حاجة لتجنب السرقة هي محاولة تعطيل الحرامي بأي وسيلة لأن الحرامية مش بيغلبوا يكسروا حماية أي عربية لكن النظرية هي إنه لما يشوف عربية معقدة في وسائل الحماية وهياخد وقت في فكها لسرقتها هيسيبها ويشوف واحدة تانية أسهل
وبالتالي حضرتك لازم تحط قفل قوي على الدركسيون بس ياريت قفل الدركسيون بس مش اللي بيربط الدركسيون بالدواسات ، وطبعا تقفل الدركسيون بالقفل العادي بتاعه lock
وتعمل إنذار كويس
ولو تعرف تكلبش العجل كمان
ممكن تغطي العربية
اعمل مفتاح فصل كهرباء عن العربية وخبيه في مكان ميعرفش يوصله
ركب فيلم واقي على الزجاج علشان ميعرفش يكسره بسهولة
وربنا الحافظ

[ABO MALEK]

ربنا يعوض عليك ويرجعهالك بالسلامة
أفضل حاجة لتجنب السرقة هي محاولة تعطيل الحرامي بأي وسيلة لأن الحرامية مش بيغلبوا يكسروا حماية أي عربية لكن النظرية هي إنه لما يشوف عربية معقدة في وسائل الحماية وهياخد وقت في فكها لسرقتها هيسيبها ويشوف واحدة تانية أسهل
وبالتالي حضرتك لازم تحط قفل قوي على الدركسيون بس ياريت قفل الدركسيون بس مش اللي بيربط الدركسيون بالدواسات ، وطبعا تقفل الدركسيون بالقفل العادي بتاعه lock
وتعمل إنذار كويس
ولو تعرف تكلبش العجل كمان
ممكن تغطي العربية
اعمل مفتاح فصل كهرباء عن العربية وخبيه في مكان ميعرفش يوصله
ركب فيلم واقي على الزجاج علشان ميعرفش يكسره بسهولة
وربنا الحافظ

فيلم واقي على الزجاج ..ده مين بيركبه وبكام؟

[mahmoud_ali]

فيلم واقي على الزجاج ..ده مين بيركبه وبكام؟

الفيلم الواقى ده يا باشا اللى هوا الفاميه

[salodas]

ربنا معاك .... وان شاء الله ترجعلك .
أنا عارف ان مش وقته لكن أنا محتاج شوية تفاصيل عشان اقدر اساعدك بطرق الحماية المختلفة .
العربية الى اتسرقت كان فيها ايموليزر ؟
كانت أوتوماتك ؟
كنت ركنها فين ؟
الأنزار كان شغال ولا لأه ؟
كان بيعلق ولا شغال على طول ؟
فيه نسخة مفاتيح غير الى كانت معاك ؟
بتسيب مفتاحك لأى سايس يركن العربية ؟

[mahmoud_ali]

ربنا يعوضك غيرها ان شاء الله وبصراحه هوا اسلم حل لموضوع السرقه هوا الايمبولايزر وبما ان عربية حضرتك مفيهاش ايمبولايزر يبقى عليك وانذار كويس وفاميه حتى لو شفاف و ال gps trackers

[أبو آسر]

فيلم واقي على الزجاج ..ده مين بيركبه وبكام؟

الفيلم الواقى ده يا باشا اللى هوا الفاميه

لأ هو مش فاميه بالمعنى الشائع هو عبارة عن طبقة حماية للزجاج بس بدون لون تقريبا
دي فايدته

https://www.youtube.com/watch?v=vx7t9hI6jlA

وده موضوع مفيد عن سعره وتركيبه

http://www.nilemotors.net/Nile/274719-2012.html

[khaled_sabry]

وبالتالي حضرتك لازم تحط قفل قوي على الدركسيون بس ياريت قفل الدركسيون بس مش اللي بيربط الدركسيون بالدواسات ، وطبعا تقفل الدركسيون بالقفل العادي بتاعه lock

هو ايه مشكله القفل اللى بيربط الدركسيون بالدواسات ؟؟؟
و القفل العادى بتاع الديكسيون تقصد بيه القفل بتاع الكونتاكت ؟؟

[أبو آسر]

هو ايه مشكله القفل اللى بيربط الدركسيون بالدواسات ؟؟؟
و القفل العادى بتاع الديكسيون تقصد بيه القفل بتاع الكونتاكت ؟؟

القفل اللي بيربط الدريكسيون بالدواسات على حد علمي سهل تفويره أو أحيانا ممكن ضربة عليه في النص ويتكسر لأنه طويل أما الصغير بتاع الدريكسيون بس فأصعب في كسره لأنه ملموم
قفل الدريكسيون العادي أيوة هو قفل الكونتاكت ده مهم جدا مع باقي وسائل الحماية التانية

[abdallah_h]

تمام
يعني اول وسيلة هية قفل الدركسيون الي هوة ال lock
تاني حاجة هية كلابش الدركسيون
طيب لو العربية سمارت كي
دة احسن ولا اية
وعاوز اعرف اكتر عن حد جرب موضوع التتبع دة

[abdallah_h]

بالنسبة لموضوع الفيلم الشفاف علي الزجاج دة
حد يعرف ان كان بيعمل مشاكل في المرور ولا لا

[أبو آسر]

تمام
يعني اول وسيلة هية قفل الدركسيون الي هوة ال lock
تاني حاجة هية كلابش الدركسيون
طيب لو العربية سمارت كي
دة احسن ولا اية
وعاوز اعرف اكتر عن حد جرب موضوع التتبع دة

أكيد طبعا السمارت كي أو الايموبلايزر مهمين جدا جدا

بالنسبة لموضوع الفيلم الشفاف علي الزجاج دة
حد يعرف ان كان بيعمل مشاكل في المرور ولا لا

معتقدش بيعمل مشاكل لانه مش بيبان اصلا بيبقى نفس لون الزجاج تقريبا يعني مش فاميه ومش بيحجب الرؤية

[mahmoudysf]

ربنا يعوض عليك
بس يا ريت تعمل محضر في القسم عشان الحرامي يروح ياخد بياناتك ويتصل بيك

[J A G U A R]

بالنسبة لموضوع الفيلم الشفاف علي الزجاج دة
حد يعرف ان كان بيعمل مشاكل في المرور ولا لا

اكيد بيعمل مشاكل .. بس حاول تعمله خفيف علشان ميلفتش النظر

[wawamoha]

ركب جي بي اس تراكر
بحوالي الف جنيه
محترم ممكن يجيب مكان العربيه فين
و ممكن يفصل الكهربا عن الموتور كمان بمجرد مسيج بسيطه