موضوع مهم ! صرفت على عربيتك كام في اد ايه ....

[Deshahcoka]

السلام عليكم ! انا حبيت نشارك بعض بموضوع كل واحد يقول صرف كام على عربيته في مده قد ايه و كيلوا قد ايه

مصاريف الصيانات و الزيت و الزوايا و العفشة و الميكانيكا و الكاوتش و البطارية و الفوانيس الي اتكسرت الخبطه الي اتعدلت كله شاكب راكب يعني الا الغسيل و البنازين ههههه

نكتب زي كدة

نوع العربية : كيا سيراتوا
المده : 4 سنين من 2010
الكيلو : 95 الف
المصروف : 50 الف جنيه !!!!!

انا عن نفسي مصدوم في المبلغ ده بس ده بعد ما جمعت الفاوتير و كدة و طلع كدة زي ما بقلكم مع انوا الواحد معملش حوادث يعني اخره فانون يتكسر و العفشة و الصيانات التوكيل

مستنى صدامتكم ! هههه يا خدع العربيات ديه بيت تاني ! الواحد كان زمانه ملك هههه

[ashrafmahmoud93]

ياه معقول كتير جدا ومن غير حوادث كمان
دا انا معايا اسبرانزا ام11 وكنت اخدت بيها خبطة وومعايا بقالها سنتين ومكملتش 10 الاف بالكتير اوى ولو شلنا الخبطة يبقى ف حدود 3 الاف جنية بالكتيييييير

[S O P H O S]

50 الف يبقي بلاش احسب !
مش عاوزين نزعل

[vovoasw]

بيجو 504 موديل 79
المدة ثلاثة سنوات
المصاريف تدخل فى 10000 حتية
لية لانى اولا غملت عمرة كاملة غير الدوكو والسمكرة وتنجيد الكنب والكراسى وتغير البطارية وشراء عدد 2 كاوتش جديد وحاجات تانبة مش فاكرها بس المهم انى بكون مبسوط انى بصرف عليها لانها حاجة يطمر فيها المعروف وعلى فكرة انا بحترم جدا سن عربيتى وعلى هذا الاساس بتعامل معاها بكل حب واهتمام
وان شاء الله فى الخطة القادمة تركيب تكييف فها مع تغير اللون

[power]

العربيات القديمه مش فاكر
كروز 2010 معايا بقالها سنه و شويه
اول ما اشتريتها عملت صيانه ليها
غيرت السيور و الفلاتر كلها جي ام اصلي و غيرت سير الكاتينه و الشداد و البليه و الدينامو و طنابير و تيل فرامل دفعت بتاع 2500 جنيه باين
و زيت مرتين 10000 شل مرتين ب 600 جنيه
و مره الاكصدام اتفك من الجنب 100 جنيه
و مره قاعده المرايه اتكسرت 150 جنيه
و غيرت النهارده الكاوتش 4 فرد بريدجيستون ب 2850 علشان المقاس بتاعها 15 65 205
والحمد لله كولو تمام والعربيه زي الفل ما شاء الله

Sent from my GT-N7100 using Forum Runner

[omaranes77]

شاري العربية من 6 شهور وصرفت 6000 عشان ابقي مطمن والحمد للة المصاريف بسيطة ومرتاح ومبسوط من العربية الحمد للة

[ramymechanics]

عربيتى الحالية مقدرش احكم عشان بقالها 6 شهور بس

كان معايا صنى 2009 قعدت معايا 4 سنين ونص كلفتنى تغيير الزيت بس والفلاتر وتغيير زيت الفتيس مرة واحدة والتيل مرة واحدة يعنى حسبة 2000 جنيه

لكن كلفتنى حوالى 3500 جنيه سمكرة للاربع ابواب والاكصدامات ورفرف

[Abdo Taha]

فيكترا سي 2008 المصاريف معظمها تخشلها في 30 الف من ساعة ما جت بقالها 6 سنوات و ماشية 130 الف و مش 130 الف كده ده خدمات شاقة و شوارع مكسرة في حادثة واحدة اتكلفت حوالي 15000 بس كانت على التأمين

[Deshahcoka]

الله ينور يرجاله ! مش عارف انا الي بركه و لا الكيا مصروفها عالي عشان صيانات توكيل ولا هيا قطع غيارها غاليه !!!

ياريت نشارك اكتر عشان نبقى عارفين الدنيا ماشية ازاي مع العربيات

[Deshahcoka]

ايه يا جدعان هوا مفيش حد بيصلح عربيات في البلد ديه هههههههههه

[hugan]

التيجو ليها سنه 21 الف كيلو
تيل فرامل وبوجيهات وفلتر هوا 250جنيه
وغيارين زيت 800جنيه
ردياتير 600جنيه
اجمالي 1650

[abb]

نوع السياره /ابيزا 98
المده/8سنوات
الكيلو متر /100000
اجمالى المصاريف /حوالى 10000

[MR A7MED]

الحمدلله معايا النترا 2014 بقالها دلوقتى شهر بالتمام والكمال
العداد حاليا 2014 كيلو :)

صارف عاليها حتى الأن 7225 جنيها
وده شامل مصاريف الترخيص لمده 3 سنين والتأمين على السياره من مصر للتأمين لمده عام وصيانه الألف فى التوكيل وبعض الأكسسوارات للسياره مثل الفرش والدواسات ونيكل وخلافه

تحياتى للجميع

[Mamoud salah H]

اوبل فيكترا 1996 اتحاد اوروبي
325 الف كيلومتر (201 الف مييل)
المدة سنتان ونصف
المصاريف:3000 سمكرة ودوكو ودهان للعربية بالكامل
3000 جنيه :حساسات(استيراد) وسيور وتغيير زيت وتغيير مساعدين خلفي(100)للواحد استيراد وكانوا اول مرة يتم التغيير
400 جنيه طقم طنابير ريمسا اسباني
اجمالي المصاريف 6400

تحتاج تقريبا الي 4000 :5000 جنيه لزوم السمكرة والدهان مرة اخري وتغيير الفرش الداخلي واكصدام وشبكة امامي فقط
ومازلت تحتاج تقريبا

[shifo]

الحمد لله - من اليوم الاول للسيارة - عملت على الكومبيوتر اكسيل شيت اسجل به بالتاريخ كل جنيه مصروف على العربيه فى كل البنود من اوا اكرامية المعرض و الترخيص والاكسسوارات وحتى البنزين والغسيل و تزويد الاطارات والصيانات الدورية وخلافه - وفيما يلى الارقام
السيارة: رينو فلوانس
تاريخ الشراء: 31مايو2013
العداد : 11800كيلو
اجمالى المصروف حتى تاريخه:5840جم