تجديد رخصه القياده

[wawamoha]

السلام عليكم
خبراء قوانين المرور : رخصه القياده بتاعتي انتهت من شهر 8 2013 و انا مش واخد بالي ..المشكله انها كانت صادره من محافظه المنوفيه .... دلوقتي انا تبع مرور الهرم ....اجددها ازاي لو سمحتم ؟؟ و ه ل ها يطلب نقل الملف زي بتاع السيارات ؟؟؟

شكرا

[wawamoha]

معقوله لسه ما اتكعبلتش في خبير ؟؟

[أبو آسر]

وعليكم السلام ورحمة الله
حسب علمي هتروح مرور المنوفية تطلع شهادة مخالفات وشهادة بيانات وبعدين ترجع مرور الهرم تعمل نقل ملكية وتجديد وترخيص وفحص وبعدين هيرجعوك تاني مرور المنوفية بالعربية علشان مطابقة بصمة الموتور (افتكاسة جديدة لازم هتعملها) وبعدين ترجع مرورك تخلص ورقك وفي الآخر هيدوك تصريح 6 شهور لحد ما الملف ييجي
ربنا معاك حاسس بيك

[shenoo]

شهادة مخالفات + بيانات من المرور القديم
تغيير البطاقة الشخصية امل الاقامة الجديد
اجراءات تجديد الرخصة في الرور الجديد ( ملف و رسوم و تصوير)

[Y a r i s]

انا برضو خلصت رخصت القيادة بتاعتي. وجددتها العشر سنين بتجري بسرعه يا اخي
بص حضرتك :
١- هتروح نيابة مرورك تعمل شهادة مخالفات
٢- شهادة بينات موجهة لمرور الهرم .
٣- هتروح اي مستشفى. وتعمل شهادة بطن ونظر. ولازم الدكتور يحط رقم السجل النقابي بتاعوا عليها. وختم المستشفى مع صور شخصية ليك ٤ في ٦ .
٤- هتروح مرور الهرم تشتري ملف. وتحط فيه الحجات السابقة دي. وتدخل تتصور. بعد سداد ١٠ جنية رسوم في الخزنة. وتاخود تصريح لمدة. ثلاث. اشهر ( رخامة )

بعد تالت تشهر روح وابقى تعاله قابلني لو الملف بتاعك وصل. هههههه. ... وتحياتي وبالتوفيق

[أبو آسر]

انا برضو خلصت رخصت القيادة بتاعتي. وجددتها العشر سنين بتجري بسرعه يا اخي
بص حضرتك :
١- هتروح نيابة مرورك تعمل شهادة مخالفات
٢- شهادة بينات موجهة لمرور الهرم .
٣- هتروح اي مستشفى. وتعمل شهادة بطن ونظر. ولازم الدكتور يحط رقم السجل النقابي بتاعوا عليها. وختم المستشفى مع صور شخصية ليك ٤ في ٦ .
٤- هتروح مرور الهرم تشتري ملف. وتحط فيه الحجات السابقة دي. وتدخل تتصور. بعد سداد ١٠ جنية رسوم في الخزنة. وتاخود تصريح لمدة. ثلاث. اشهر ( رخامة )

بعد تالت تشهر روح وابقى تعاله قابلني لو الملف بتاعك وصل. هههههه. ... وتحياتي وبالتوفيق

ايه ده هو الراجل كان بيسأل عن رخصة القيادة مش العربية !
عموما هو برده زي ما ياريس قال شهادة بيانات وشهادة مخالفات من المرور القديم بس مسألة شهادة النظر دي مقابلتنيش وأنا بجدد رخصتي من مرور الدقهلية لمرور مدينة نصر اللي في التجمع الخامس اللي تبعه مرور مصر الجديدة اللي أنا تبعه .. حد فاهم حاجة ؟! :)

[Y a r i s]

بس مسألة شهادة النظر دي مقابلتنيش وأنا بجدد رخصتي من مرور الدقهلية لمرور مدينة نصر اللي في التجمع الخامس اللي تبعه مرور مصر الجديدة اللي أنا تبعه .. حد فاهم حاجة ؟! :)

حبيب قلبي يا ابو اسر
سبحان الله مرات الموظف ربنا بيعمي قلبوا وعينوا عن حجات رحمةً ورئفةً بعباده من البايوقراطية ... ( اللهم اعمي اعين الموظفين يارب. عن استكمال بقيت الاوراق .... واجعلهم ينسوا يارب العالمين باقي الاوراق والاختام والتواقيع قادر يا كريم :)
فاحمد ربنا يا ابو اسر انتا ربنا بيحبك ... عارف بقه لو ربنا غضبان عليك هيبتدوا بقه. يطلبوا منك شهادة بطن وشهادة نظر. ومش بعيد. شهادة محو امية زي الي كانوا بيطلبوها مننا زمان اول ما جينا نطلع رخصة. حتى دحكني واحد مكتوب في بطاقتوا طبيب ودكتور والموظف عمال يقلوا هتلنا صورة من شهادة المؤهل او اي صورة من اي شهادة تثبت لنا انك بتعرف تقرأ وتكتب ههههههه

الجدير بالذكر في احد الدول الخليجية لمن جيت اطلع رخصة تصور بعتوني على بنك الدم. اتبرع بدمي علشان يبقى ليا رصيد في بنك الدم لو حصلي حادث لا قدر الله يكون متشالي حبت دم من دمي :) لا وايه قبل ما اسلم ملف طلب الترخيص للمرور وعند الشباك اول حاجة يسئلهالك معاك وصل التبرع بالدم ! مش زي ما عندنا هنا ... وتحياتي لك يا صديقي :)

[wawamoha]

شكرا يا رجاله ... يعني فعلا هااخد رخصه مؤقته لحد الملف ما ييجي ..