استفسار عن الترخيص من اخوكم المواطن

[haithamhasan38]

السلام عليكم
استفسار عن الترخيص ونقل الملكية لانى اول مرة اشترى عربية
انا من اسكندرية و اشتريت عربية من القاهرة تبع مرور مدينة نصر . و صاحبها عملى توكيل و ادانى شهادة مخالفات وماشى بالتوكيل بقالى 3 شهور والرخصة حتنتهى شهر 4 الجاى و مكتوب فى الرخصة اللى بأسمة ان الفحص2015 .
عايز اعرف اية اجراءات تجديد الرخصة بالاسكندرية و نقل الملكية باسمى فى الاسكندرية و التفاصيل المالية عشان الواحد يعمل حسابة

وشكرا لتعاونكم

[haithamhasan38]

اين انتم يا اهل الخبرة

[gadoo30]

الف مبروك العربية الجديدة
اولا: قبل الرخصة ما تنتهى هتروح الشهر العقارى وهتعمل عقد بيع مسجل بموجب التوكيل اللى معاك (يعنى هتبيع لنفسك) ولو الرخصة كانت انتهت لازم يكون معاك شهادة بيانات حديثة من المرور اللى في القاهرة وطبعا تعمل العقد وتنقل الملكية علطول يعنى ما تسبيش فترة بين الخطوات اللى هقولها كلها والرسوم بيتم تحديدها حسب موديل العربية وسعرها و تصنيع محلى ام مستور انا دفعت في الافيو 2006 كورى 950 جم في فبراير 2013
ثانيا : هتروح المرور في الاسكندرية تفحص و يكون معاك الطفاية والشنطة والمثلث وهترفع بصمة موتور وشاسية.
ثالثا: هتيجى المرور في مصر تطابق البصمة وتاخد شهادة بيانات وشهادة مخالفات ودى ليها مدة صلاحية وطبعا تدفع المخالفات اللى عليها وتطابق البصمة اللى اترفعت في اسكندرية على البصمة اللى في الملف في القاهرة
رابعا : ترجع تانى اسكندرية تجيب وثيقة تأمين اجبارى من قدام المرور حسب المدة اللى ناوى ترخص لها من سنة ل 3 سنوات وتكمل فحص و ترخيص وتسلم النمر القديمة وتاخد نمر جديدة.
رسوم المرور بتختلف حسب سعة الموتور و المدة المطلوب الترخيص ليها سنة او اكتر والعربية ال 1500 او 1600 cc بتكلف في حدود 600 جم للسنة ترخيص وتأمين.
بتاخد تصريح مؤقت لمدة 3 او 6 شهور حسب المرور اللى فية لحد ما الملف ييجى من القاهرة.
وربنا يعينك ويوفقك في اللفة دى انا عملتها مرتين بس جوة القاهرة

[haithamhasan38]

هو موضوع مطابقة البصمة دة جديد ولا اية

[gadoo30]

هو موضوع مطابقة البصمة دة جديد ولا اية

لا مش جديد بس في راىى مالوش اى تلاتين لازمة