شتري كاوتش العربيه منين

[chicobon]

السلام عليكم
العربيه موديل 2007 ماشيه 45 الف و كسور هل لازم اغير الكاوتش و لو اغير اروح لمين يكون بيبيع حاجة جديدة و اعمل ايه في الاستبن هل بيتغير ولا بيفضل زي مهو مع العلم اني مش بسافر بلعربيه و كل مشويري داخل البلد فهل لازم اغير ولا امش بيهم عادي من سنة الراجل رجع الي قدام ورا و طلع الي ورا قدام بس كان بيقولي غيرهم اضمن بس انا عارف انها تتكلف مبلغ اكتر من الفين عربيه نيو اكسنت حد يعرف يتكلف كام و عند مين ؟
في انتظار الجواب عشان احضر المبلغ

[joseph661]

افضل شركة للكاوتش بتدخل بالعربية وهما بيعملوا كل حاجة بعد كدة

من تركيب ونيتروجين وترصيص وزوايا وكل حاجة

هى شركة اسمها ناسيتا فى شبرا

مكانها هتكون ماشى على الكورنيش وبعد ماسبيرو هتفضل ماشى وهتعدى على نايل سيتى وهتفضل مكمل هتلاقى بنزينة موبيل على يمينك هتمسك الشارع بتاعها على طوول فى اخره هتلاقى الشركة

مع العلم ارخص اسعار عندهم

[chicobon]

كان في مكان في صلاح سالم ده كنت هنا قريت عنه ده ايه اخباره

[starlanos]

متابع

[abokoko]

بردجستون / ميشلان / ممدوح غطاطى /..... الخ
الفكرة الاول اختيارك لنوع الكاوتش
ومين اللى بيبيعه
ثم اختيار افضل من يبيعه

اعتقد الجميع بيغير ويرصص ويملى نتروجين وبلف الكاوتش ويبدل عجل كل ده مع الشراء
حضرتك بس تدفع وتستلم الفاتوره والعربيه

[abokoko]

بردجستون / ميشلان / ممدوح غطاطى /..... الخ
الفكرة الاول اختيارك لنوع الكاوتش
ومين اللى بيبيعه
ثم اختيار افضل من يبيعه

اعتقد الجميع بيغير ويرصص ويملى نتروجين وبلف الكاوتش ويبدل عجل كل ده مع الشراء
حضرتك بس تدفع وتستلم الفاتوره والعربيه

[chicobon]

بردجستون / ميشلان / ممدوح غطاطى /..... الخ
الفكرة الاول اختيارك لنوع الكاوتش
ومين اللى بيبيعه
ثم اختيار افضل من يبيعه

اعتقد الجميع بيغير ويرصص ويملى نتروجين وبلف الكاوتش ويبدل عجل كل ده مع الشراء
حضرتك بس تدفع وتستلم الفاتوره والعربيه

شكرا لردك بس انا مش عارف اروح عند مين و كام يتكلف المبلغ عشان اعرف و موضوع شبرا ده بعيد بصراحة

[darshing]

في مكان محترم جدا في مصطفى النحاس مدينه نصر انا وكل صحابي بنغير من عنده محترم جدا واسعاره ارخص من اي حد في مدينه نصر
عند عمارات عثمان امام المحمل النحيه التانيه يافطه كبيره صفراء مكتوب عليها pirelli

[sv065]

السلام عليكم

توكيد بريدجستون ممتاز عن تجربة وأهم شيء جودة الكاوتش عالية وعاملين عرض لأعضاء المنتدي فقط خصم 5% علي سعر أي كاوتش و50% علي الخدمات والروتيشن مجانا وعملوا نظام جديد زي نقط بتحصل عليها علي كارت عضوية مع كل جنيه بتدفعه عندهم وتستبدله بأي حاجة من عندهم بعد كده

تحياتي

[AlGazar2]

لو عايز رأيى الشخصى
غير بحاجة سعرها حنين و اداءها كويس زى الكومهو اكستا طبعا الميشلان و البريدج ممتازين بس سعرهم مبالغ فيه و فى الغالب الفرده الى هتديك نفس اداء الكومهو هتكون بضعف سعرها او فيها فرق 150 : 300 جنية فى المقاسات 14 و 15
غيره عند سمير بيومى فى الدقى احسن سعر لقيته عنده و خدمه كويسه و تعامل ممتاز و فى عبده امين فى المعادى بيفرق عن بيومى حوالى 10 جنية لو ده اقربلك