بفتح مغسلة ومحتاج الخبراء للمساعدة

[hasanez44]

السلام عليكم ورحمة الله وبركاته

ناويت أنا وصديق أفتح مغسلة وبمساعدة الأخوة هنا ومتابعة المواضيع فهمنا حاجات كتيير جدا جزاكم الله عنها كل خير

جبنا الأجهزة نص عمر

كارشر مياه 5 حصان 150 بار أيطالي
كمبروسر أيطالي 300 لتر
ماكينة سحب زيت صيني
ماكينة فوم مصري
وحدة كاركير بأسطوانتين
مكنسة غالبا بايظة (حسبنا الله ونعم الوكيل في البايع)

نصيحة للي عايز يبدأ أبعد عن القديم أبعد عن القديم لو هتستلف

محتاج أعرف مكان الحجات دي والخراطيم بتاعتها وأسعارها التقريبية :





كل واحد عنده سره أكيد بس الحجات الي تقدر تفيدني بيها هتساعد كتيير

الكيماويات أماكنها أسعارها طرق أستخدامها

أي معلومات في أيه ناقصني الدعاية الدواسات الورق تتعمل فين وأسعارها

هي المغسلة حاجة علي قدها كده بس بحاول أتميز عن الناس الي في المنطقة

عندنا في العمرانية غسيل خارجي داخلي وشاسيه :)

فا أي حاجة زيادة هتميزنا

وعايز أجيب صاروخ الي بيشتغل بالهواء للكار كير والكمباوند والتشميع أيه رأيكم

وأحنا 2 شباب الدنيا شالت وحطط علينا لما أتهرينا بنحاول نشق الطريق وهنشتغل بأيدينا أحنا

فأي مساعدة من الناس المحترمة الي هنا الي أفادونا كلنا هتفرق معانا كتيير

مش أسمي عشان ماحرجش حد ويحس أني بدبسه :)



يجعله الله في ميزان حسناتكم

[amr011111]

متابع

[svneleven]

أهم حاجة الصنايعية. يا ريت تشتغلو بأديكو عشان ما حدش يلوي دراعكو.

[mk3]

أهم حاجة الصنايعية. يا ريت تشتغلو بأديكو عشان ما حدش يلوي دراعكو.

★★★★★
مشكله مصر الصنايعيه

[hasanez44]

أن شاء هنشتغل بأيدينا

[mohamedrabia]

السلام عليكم ورحمة الله

بخصوص الالات القديمة صدقني لو حالتها كويسه احسن من الجديد لان الايطالي الي بيتباع مبيكونش ايطالي اصلاااا ولو حاله القديم كويسه هيتعمل ليه صيانه وهيبقي بكفائة الجديد ده بخصوص الالات ..... اما بخصوص مستلزمات التشغيل فممكن افيدك بالكيماوي وطريقة تشغيله من خلال خبرتي في المجال والمعطرات والفوم والمفحم وخلافه انا للاسف لعدم التفرغ صفيت المغسله بس لحد دلوقتي بغسل كيماوي للسيارات عندي في الجراج لو حابب استفسار اكتر ممكن تكلمني رقمي في الخاص وتحياتي

[usama_usmm]

القطع اللي حضرتك بتسال عليها دي موجوده في شارع الجمهوريه رمسيس