حسبي الله ونعم الوكيل فيك يا حمااااااااااار :) !! .. بالصور .

[Y a r i s]

حسبي الله ونعم الوكيل
فيك يا حمار!

لكن السؤال أنهو حمار فيهم هههه

وانا في البلكونة شفت المنظر ده ...

راجل مسكين غلبان راكن عربيتو الرينو اللوجن تحت بيتهم ولا بيه ولا عليه ... والزبال أفندي محضن عربية الزبالة جمب عربيت الراجل !

طبعاً انا معرفتش أتصرف أزاي أبسبسس للحمار ولا أقولوا شيييييي يا حمار ... او أقولو نيوو نيوو نيو هههه

طبعاً زي ما انتوا شايفين
العربية اللوجن المسكينة وخدة حتت دين خبطة في القايم (فخد العربية الخلفي ) والغريب الناس في الشارع معدية عادي ولا كأن في أي حاجة بتحصل ...

ومع الاسف مع الأسف لم يكن بيدي أي شيء
لا صاحب العربية موجود ... ولا حتى العربجي صاحب الحمار موجود ...وبيني وبينكم جالي إيح بااااااااط ، من كتر السلبيات الي بشوفها قلت لنفسي ياعمي كبر دماغك هيا بقيت كده خلاص ... هتنزل تتكلم هسمع كلمتين ملهومش لازمة من حتت عيل ملهوش لازمة ده اذا متشتمتيش كمان وأتهزئت فعلى أيه الطيب أحسن وعلى رأي المثل : (( عيش سلبي تموت سعيد ))

واللي يجننك لمن يجي الراجل صاحب العربية يفكر يبعها ... يجو بقه الزباين والناس يطنططوو عليه ويقلوا لا يا فندم العربية واخدة خبطة في القايم يبقى أكيد كانت مقلوبة قبل كدة ... ويفضلو يا عيني يقص قصوا في ريش صاحب العربية لغايت ما ينزل في سعرها ويبخس في تمن العربية وكل ده علشان المسكين لا بيه ولا عليه راكن عربيتو تحت بيتهم ... يعني تبقى قاعد في بيتكم نايم ومرتاح ومتهني وعربيتك بتتخبط تحت بيتكم عااااادي جداً ... بس أذا أفترضنا إن الحمار الي بيجر العربية الكرو حمار ... أمال صاحب الحمار والعربية الكارو ده نسميه إيه !! ثم إيه الغل المكنون والمخزون جوا العربجي هل هو غبااااااااء منوو ( ماااااااا الشارع فااااااااااضي ) ولا خلاص حبكيت أنو يوقف حماروا جمب عربية الراجل المسكين !! بجد أنا عن نفسي مش فاهم الحته دي هل هو غبااااء من العربجي ... ولا هو حقد منو على صاحب العربية الرينو على أعتبار أنوا راجل غني ومعاه عربية ودهب وياقوت ومرجان وفيلا في مرينا عشر تدوار !!

حسبي الله ونعم الوكيل

@@@@
وتحياتي

[Ahmed.Essam]

ما وقفش الحمار ورا العربية ليه ماهو المكان واسع وفاضي اهو !! :019f3b~14:
البلد دي بقا الانسان والعربيات فيها كمان بتتهان والمشكلة العيب فينا احنا مش في البلد

[amr011111]

بالنسبه لاستفساراتك عن العربجى فاحب ان اجيبك

انه اسلوب حياة

[Mo3taz Selim]

على فكره فى إحتماليه إن الزبال كان سايب العربيه بعيد و الحمار يكون إتحرك لوحده

[abohend]

ممكن

في إحتمال إن يكون العربجي مش غلطان أوي
يعني غلطان بس نص نص
إنه يكون ساب الحمار بعيد عن العربية و الحمار هو اللي إتحرك من نفسه بعد العربجي ما مشي
و هنا تكون غلطته إنه سايب الحمار لوحده لكن هو مقصدش اﻷذية
مجرد تصور و الله أعلم الحكاية ايه

[J A G U A R]

صاحب العربيه اللوجان وبتاع الكارو غلطانين علشان ده جراج وممنوع الوقوف

[kokowasfy]

الجماعة الى بيجبو الوم على الحمار الحمار دا تجيبو يمين يدخل يمين تجيبو شمال يدخل شمال و احينا كمان الحمار بيكون بيفهم اكتر من الى سايقو

[mk3]

حصل معايا نفس الحادث بس الحمد لله جت فى فانوس خلفى

[Y a r i s]

الشهادة لله اني أنا شفت العربجي وهو نازل بكل برود بعد ماحضن العربية الكرو جمب العربية اللوجن ... يعني أرجوكم يا جماعه بلاش تظلموا الحمااااار .

حتى حاولت أزعق للعربجي وأقولوا أبعدها بعيد يا أخي لكن العربجي أظاهر كان مستعجل ودخل العمارة الي قدام مني بسرعه تقلش الزبالة هتطير !!! ههههه ... وتحياتي .

[amada68]

على فكره فى إحتماليه إن الزبال كان سايب العربيه بعيد و الحمار يكون إتحرك لوحده

+111111ممكن
ربنا يعوض على صاحب العربية
بس سرعة بديهة من كاتب الموضوع انه يصور الموقف
طبعا مش فصدى موقف الحمار
هههههه
على العموم ايه اللى صح فى البلد

[kazamodia]

انا رحت بعربيتي يوم واحد في طنطا ركنتها تحت البيت رجعت الصبح لاقيتها محكوكة من الجنب
الحمد لله على نعمة المدن الجديدة

[ashrafwolf]

يا باشا انت المفروض كنت اخدت رقم الحمار و رخصة العربجي و بلغت شركة "الكارو للتأمين "
كلام بجد ده اصلا شغلته عربجي ياعني هتشتمه ايه اكتر من كده

[hugan]

صدقني الحمار مظلووم مع اشباه البشر
الحمار بيفهم وعارف الصح من الغلط
لكنه وقع في ايد واحد عقله اقل من عقل الحمار لكنه بيتكلم

[محمد بدر]

يا أهل الخير
الشارع المصري زمان ومش من زمان قوي يعني قول كده مثلا حتي اوائل الثمانيات كان ثقافة احترام الشارع موجودة في العربجي وغير العربجي
يعني لما كان العربجي يحب يشرب شاي ولا يقضي مصلحة كان لازم يربط الحمار من رجليه الأمامية علشان يعيقه عن الحركة تماما طبعا المنظر ده اختفي
مين فينا كان وهو يمشي في الشارع يسمع ألفاظ تخدش الحياء
مين فينا كان يسمع سب بهذا الشكل الفظيع علي الفاضي والمليان ومن شباب المفروض صغير المفروض انهم ولاد ناس فما بالك من ولاد الشوارع
طبعا وللأسف الشديد والنصيبة السوداء قضاء الحاجة والمنتشرة خاصتا علي الطرق السريعة وكأنها أصبحت نوع من أنواع التباهي لأنهم يقفون علي حافة الأسفلت مش قادر يمشي 2 ولا 3 متر يستر نفسه دي حتي تلصحراء واسعة شاسعة
حسبنا الله ونعم الوكيل

[محمد بدر]

يا أهل الخير
الشارع المصري زمان ومش من زمان قوي يعني قول كده مثلا حتي اوائل الثمانيات كان ثقافة احترام الشارع موجودة في العربجي وغير العربجي
يعني لما كان العربجي يحب يشرب شاي ولا يقضي مصلحة كان لازم يربط الحمار من رجليه الأمامية علشان يعيقه عن الحركة تماما طبعا المنظر ده اختفي
مين فينا كان وهو يمشي في الشارع يسمع ألفاظ تخدش الحياء
مين فينا كان يسمع سب بهذا الشكل الفظيع علي الفاضي والمليان ومن شباب صغير المفروض انهم ولاد ناس فما بالك من ولاد الشوارع
طبعا وللأسف الشديد والنصيبة السوداء قضاء الحاجة والمنتشرة خاصتا علي الطرق السريعة وكأنها أصبحت نوع من أنواع التباهي لأنهم يقفون علي حافة الأسفلت مش قادر يمشي 2 ولا 3 متر يستر نفسه دي حتي ا
لصحراء واسعة شاسعة
حسبنا الله ونعم الوكيل