الفاميه و كماين المرور

[Omar Gamal]

مساء الفل عليكوا يا جماعة،

كنت عايز أعرف بس هو إيه موقف المرور و الكماين اليومين دول من الفاميه؟ الواحد والله نفسه يعمله عشان الشمس بس خايف من أقاويل الناس عن إنهم بيرخموا بسببوا في الكماين و بيدخل الواحد في مشاكل. هل الكلام ده حقيقي؟

و هو أنا لو دخلت على كامين بفاميه لازم أشيله، مينفعش أدفع غرامة بس و يتساب؟ و هل نفس الكلام ده ينطبق لو أنا عملت فاميه ورا بس؟

آسف إني طولت عليكوا بس الموضوع ده عاملي حيرة شديدة، شكرا جدا

[hugan]

مش شغالين غير علي الفاميه
تقولش الفاميه هو السبب في تدهور حال البلد
سابو العربيات المسروقه وبيدور و علي الفاميه
كمين الخلفاوي
وقفني ضابط كان امين شرطه
اخره صول في المرور

بيقولي فاميه
قولت له ماعنديش
قالي اومال الموجود ده ايه
قولت مثبوت في الرخصه
بص كده واتكسف
قالي دعامه اماميه
طب عايز ايه
40 جنيه
وكان موقف صف من الناس
كلهم فاميه
ياتدفع 40 جنيه يا يسحب الرخصه
نفس الكلام في في الكوربه
يوميا اقف بسبب الفاميه
بس للا مانه
ضباط كليه
الفاميه وبس

[Omar Gamal]

هههههه لا حول ولا قوة إلا بالله

يعني الواحد يدفع ال 40 جنيه و يعدي أهم حاجة؟ أنا كنت فاكر إنهم بيسحبوا الرخص مباشرة لما بيكتشفوا إنه مش متثبت في الرخصة.

[J A G U A R]

انا مفيم الزجاج الامامى وستائر فى الخلف وكل يوم بيقابلنى كماين وساعتها بنزل الزجاج على طول وبعدى ومفيش اى مشاكل .. بس ممكن لو ظابط رخم شويه يقولى ارفع الزجاج .

[zadreamer]

انا ثبته على الرخص بس بالحب
برا المرور
والجيلاتينيه تمام
بس ربنا يستر

[Elawany13]

امشى عدل وإلتزم أحسن يحتار المرور فيك

[kokowasfy]

يبقى الحل الوحيد الستاير الكبس انا عندى مركبة ورا وقدام لو امين شرطة اتكلم و لا عمل حوار انزل شيل الستاير و بعد الكمين ركبة تانى مفيش مشاكل انا عندى عامل كدا و حدش بيقدر فيهم يفتح بوقة خالص وسيبك من الفامية

[gade2]

يبقى الحل الوحيد الستاير الكبس انا عندى مركبة ورا وقدام لو امين شرطة اتكلم و لا عمل حوار انزل شيل الستاير و بعد الكمين ركبة تانى مفيش مشاكل انا عندى عامل كدا و حدش بيقدر فيهم يفتح بوقة خالص وسيبك من الفامية

فعلا الستاير افضل شئ اصلها مش ناقصه وجع دماغ

[darshing]

انا الصبح بنزل الازاز وبليل بفتح نور الصالون وانزل الازاز بتاعي بس وزاي الفل الحمد لله

[Omar Gamal]

ماهو يا جماعة الستائر بتقعد كل شوية تقع و شغلانة، و الفاميه أشيك بصراحة. محدش قالي بردو، الفاميه لو اتعمل هدفع في كل وقفة كامين 40 جنيه بس و أمشي؟ مفيش سحب رخص ولا تجريح في الإزاز و شيل الفاميه و الكلام ده؟

[Mohamed.Raafat]

ماهو يا جماعة الستائر بتقعد كل شوية تقع و شغلانة، و الفاميه أشيك بصراحة. محدش قالي بردو، الفاميه لو اتعمل هدفع في كل وقفة كامين 40 جنيه بس و أمشي؟ مفيش سحب رخص ولا تجريح في الإزاز و شيل الفاميه و الكلام ده؟

الموضوع مش سهل كده
انت بتقف في الكمين و يا اما تشيل الفاميه قدام الكمين او يتسحب منك الرخص
و كل كمين على حسب دماغ الضابط اللى واقف فيه

يا تريح نفسك و تدفع لك لوكشة فلوس في المرور و تثبت الفاميه يا تقضيها مخالفات

[شاهين - بنز]

موضوع الفاميه واللجان يعتمد بالدرجة الأولى عالعربية هل هي شبابي وعليها ستيكرات وشكلها ملفت ولاشكلها عواجيزي
يعني أنا مثلا معايا فانتازيا ومفيم بدرجة 03 ثالث درجة وفي خلال أكتر من سنة متسحبتش الرخص غير مرة واحدة بس ورجعت فيمتها تاني في نفس اليوم إللي فحصت ورجعت فيه الرخص، مقدرتش أعيش من غيره الصراحة بيفرق جامد في التكييف + بيدي إحساس جامد بالخصوصية
والفاميه ليه ثلاث مخالفات ممكن يحصلوا
١- يقولك شيل الفاميه من غير مايدفعك غرامة
٢- يدفعك ٤٠ جنيه فوري
٣-ودي أرزلهم إنه يسحب رخصة العربية ويخليك تروح المرور إللي إنت تابع ليه تفحص تاني وتدفع غرامة ١١٠ جم ، وده إللي حصل معايا ووصلت الرخصة للمرور بعد شهر ونص وفي خلال الفترة دي كنت كل شوية بروح المرور عشان أجدد صلاحية الوصل لحد أما الرخصة توصل

]انا الصبح بنزل الازاز وبليل بفتح نور الصالون وانزل الازاز بتاعي بس وزاي الفل الحمد لله

الحركة دي ممتازة صاحبي لسه قايلي عليها قريب