دعوة لعيد ميلاد المنتدي السابع فى العين السخنة

[Karim_Monir]

السلام عليكم ورحمه الله
كل سنة وانتم طيبين
بفضل الله تعالى اتممنا 7 سنين كاملين من عمر المنتدى و بفضل الله تعالى نبدأ عامنا الثامن
ان شاء الله هنحتفل مع بعض زى كل سنة بعيد ميلاد المنتدى
والسنة دى هنعمل المقابلة خارج القاهرة وفى مكان قريب برضه بناء على طلب العديد من الاعضاء
اننا نحتفل ونغير جو في نفس الوقت ونبعد عن القاهر وجوها ونشم هوا البحر ونستمتع بيوم مختلف
ان شاء الله هنتقابل الجمعة 4/4/2014
في فندق بالميرا العين السخنة
داى يوز قضاء يوم كامل على حمام السباحة والبحر مع غذاء اوبن بوفيه ب 160 جنيه للفرد
الطفل تحت 6 سنة مجانا من 6 ل 12 سنة ب 120 الطفل
الغرفة المزدوجة للمبيت 610 لليلة مع فطار وعشاء

حاولنا نجيب فندق بسعر اقل من كده ولاقينا فعلا ب 120 الفرد و ب 130 بس قابلنا شكاوى كتير من الفنادق دى
سواء من ناحية الاهمال وقلة النظافة وانتشار الذباب فى الغرف والمطاعم او سوء الشواطئ من صخور وعدم امكانية النزول فيها لصعوبة طبيعتها
وايضا عدم نظافة حمامات السباحة
لذلك اختارنا مكان يمكن يكون اغلى نسبيا لكنه افضل في كل حاجة بحيث تقضوا يوم حلو وميكونش في اى شئ يعكر استمتاعكم باليوم




كمان السنادي في تورتاية زي ما عودناكم ومش هانعملها في الاوتيل هانعملها عند حلواني كبير وشهير عشان نلاقي حاجة حلوة بجد زى السنة اللى فاتت كده ان شاء الله

وكمان في مفاجئات يوم الاحتفال وفي هدايا قيمة وخصومات مذهلة بجد هتعدى ال 160 بكتير ;)
هيحصل عليها الحضور فقط ومش هنعلن عنها هنخليها مفاجأة :)

الحجز من دلوقتي لغاية يوم الثلاثاء 25 مارس عشان اعمل تاكيد مع الاوتيل بالعدد
يعني معاكم لحد ما القبض الجدي ينزل :)
الفرد 160
رقم الحساب كلكم عارفينه تحط رقم المبلغ وتبعتلي الاسماء برسالة على الميل اللي في توقيعي
736-10029904283-96
كريم سراج منير
qnb الاهلى
البنك الاهلي سوستيه جينرال سابقا
وكمان وانت بتعمل الايداع تكتب اسمك ثلاثي تاكد على الكاشير يدخل اسمك الثلاثي عشان اعرف راسي من رجلي الله يكرمكم

في انتظاركم وكل عام وانتم بخير
وان شاء الله يكون يوم ما يتنسيش زي كل ايام نايل موتورز
المكان عالخريطة
Palmera Beach Resort, العين السخنة. احجز فندقك الآن! - Booking.com

نبدأ الاعلان عن الخصومات الخاصة لعيد ميلاد المنتدى للحضور

خصم خاص من جينز كار 50% لكل الاعضاء اللى هيحضروا المقابلة

خسم 50% عل زيت 5/40 من زيوت وولفر و20% على باقى المنتجات للحضور

كوبونات بخصومات عالية من مركز الصفا

تمبولا على 5 هدايا قيمة من نايل موتورز + 5 ستيكرات

و تمبولا عالجائزة الكبرى المقدمة من جينز كار فرش سيارة

ولسة في مفاجات تانية كتير

http://www.nilemotors.net/Nile/411214-a.html

[EngAhmedSayed]

كل سنة و المنتدى بأفضل حال يارب و من نجاح الى نجاح
يارب العالمين
و متنسوش تحطو اسمى على التورتة
بالتوفيق للجميع

و ان شاء الله بسجل حضورى

ربك المستعان

م / أحمد سيد
منسق قسم سكودا

[MTAK]

كل سنه و المنتدي بخير جاي مع عيد ميلادي بالضبط ، :'( :-)
ان شاء الله يكون يوم جميل و نتقابل علي خير

[kokowasfy]

الف مبروك لمنتدنا الجميل و عقبال 500 سنة مش 7 سنين

[المنسي]

ان شاء الله اكون معاكم السنة دى

[J A G U A R]

الف مبروك لعيد ميلاد المنتدى الرائع وعقبال 1000 سنه

[Samah AbdAllah]

كل سنه و المنتدي بخير جاي مع عيد ميلادي بالضبط ، :'( :-)
ان شاء الله يكون يوم جميل و نتقابل علي خير

سبحان الله
كل سنة وانت طيب
لعلمك بقا ده عيد ميلاد حد تانى معانا برضه
لو قولت مين هنديلك خصم 75 قرش :)

[abouzaid555]

كل سنة و نايل موتورز بخير و سعادة و الى اعلى درجات التقدم و الرقى يا منتدانا الغالى

[Amro_ON]

ميلاد سعيد علينا كلنا.....طب لو حد حب يضيف او يبيت ليله مثلا

[bassem.naguib]

ربنا يسهل يا كريم إن شاء الله وأقدر أجي

[MTAK]

سبحان الله
كل سنة وانت طيب
لعلمك بقا ده عيد ميلاد حد تانى معانا برضه
لو قولت مين هنديلك خصم 75 قرش :)

ههههههه
انا عيد ميلادي 3-3 و المنتدي 4-4 يبقي زي بعض
حد خد باله اني باسءم علي التورتايه من دلوقتي

[Samah AbdAllah]

ههههههه
انا عيد ميلادي 3-3 و المنتدي 4-4 يبقي زي بعض
حد خد باله اني باسءم علي التورتايه من دلوقتي

تعالى انت بس وملكش دعوة
هنسيبك تطفى الشمع

[الغزالى]

الكلام ده بجد وجدانى
السخنه وتغير جوو والكلام ده

[kh_talaat]

كل سنة والمنتدى بأعضاؤه .. بمشرفيه .. بمديره .. برئيس مجلس ادارته .. بألف خير وسعادة

والى الامام دائما

[محمود السيد]

كل سنة والمنتدى وأعضاؤه بألف خير