لو عندى شامبو للشعر بس منتهى الصلاحية ممكن اغسل بيه العربية ؟؟

[joseph661]

دلوقتى انا بسال لو عندى شامبو للشعر بس منتهى الصلاحية هل ممكن اغسل بيه العربية ؟؟

واية البدائل اللى ممكن اغسل بيها العربية غير البريل والاريال والكلام ده وتكون رخيصة :)

[geley_cola]

ممكن تغسل بيه لو العربية عندها قشرة :) ههههههههه
أعتقد أنه مش حينظف كويس زي الصابون السائل لأن فروة الرأس حساسة فمش بيبقى الشامبو قوي في ناحية التنظيف على أد ما بيبقى علاج للشعر وحماية
خليك في المعتاد وهو الصابون السائل
ولو عايز الكاوتش يبقى حكاية بلله بفوطة مبلولة بيبسي او كوكاكولا

[MohammedAladel]

ممكن تغسل بيه لو العربية عندها قشرة :) ههههههههه
أعتقد أنه مش حينظف كويس زي الصابون السائل لأن فروة الرأس حساسة فمش بيبقى الشامبو قوي في ناحية التنظيف على أد ما بيبقى علاج للشعر وحماية
خليك في المعتاد وهو الصابون السائل
ولو عايز الكاوتش يبقى حكاية بلله بفوطة مبلولة بيبسي او كوكاكولا

حلاوة جيلى كولا ................يااااااااااااااااه فكرتنى بأحلى أيام

[kokowasfy]

عادى اى حاجة تعمل رغوة وخلاص مش مشكلا

[Eng . megoo]

بص يا سيدي انا هقولك انته تعمل بيه ايه

انته الاول تجيب حاجه كبيره فاضيه و تحط كمية ميه مناسبه للشامبو و ترغيه قوي و لما يطلع الرغوة خد الرغوه بس من غير ميه و نظف بيها الفرش هينضف جدا و نفس الوقت ريحة العربية هتكون جميله

[exact]

بتسأل تعسل بيه العربية وللا لا؟؟

يا بيه انت ممكن تغسل بيه شعرك عادي جدا... ولمدة اكترر من سنة بعد انتهاء التاريخ وعادي

[ضى القمر]

عادى

[mo3tazanas]

اللى ما ترضهوش على شعرك ماترضهوش على عربيتك

[J A G U A R]

وهو البريل وحش ولا ايه ..

[Elawany13]

وهو البريل وحش ولا ايه ..

فيه ناس بيقولوا غلط وفيه صودا كاويه وبيضيع لمعة العربيه
وبيقولك استعمل شامبو ومش اى شامبو
شامبو جونسون بتاع الاطفال لا دموع بعد اليوم
بس بصراحه ان شايف ان كد مبالغه زايده عن حدها قوى

Sent from my GT-S6500D using Forum Runner

[sasatony]

اللى ما ترضهوش على شعرك ماترضهوش على عربيتك

جامد المثل ده

[S O P H O S]

اعتقد انه عادي مفيش مشكلة