حد يعرف تكلفة فحص شامل عند ناشيونال موتورز

[Ahmed_m7md_A5]

و خاصة فرع اسيوط عشان عايز أودى لانسر مستعملة افحصها قبل ما اشتريها

[monamize4]

بلاش تكشف عندهم ,, انا عارف انك قلقان و مش واثق ف الصنايعيه اللى بره
و عايز تكشف عند توكيل عشان تبقى مطمن لكن الصنايعية اللى هناك مش احسن من اللى بره

و دا عن تجربة ,, مره رحت اكشف عندهم على عربية ,, قعدونى 3 ساعات
و ف الاخر طلعوا ريبورت عن حالة العربية كلها و للاسف معرفوش ان العربية كانت راشة جزء من بره
التكلفة على ما اتذكر كانت 150 -200 جنية ,, مش فاكر بالظبط بس ممكن ادور على الفاتورة لو انت
عايز رقم بالظبط

الافضل تروح لسمكرى و كهربائى و ميكانيكى من الجماعة المعروفين عندنا ف اسيوط
او انك تكشف عليها ف توكيل متسوبيشى ف القاهرة لو قلقان اوى

[Ahmed_m7md_A5]

شكرا يا باشا المشكلة أن معروض لانسر أول فئة أوتو 2007 1600 محزمة نضافة 92000 عايز فيها 75000 جنيه
فأنا شاكك فيها أخر حاجة لان معندناش في أسيوط الاسعار دي ومنقدرش نروح القاهرة بسبب أحوال البلد
عامة أنا عرفت كام واحد هنروحلهم
أمتي عملت الكشف ؟
شكرا لأهتمامك

[monamize4]

الكلام دا كان من حوالى سنة

السعر دا غريب شوية خصوصا ان زى ما انت عارف ان الاسعار ف اسيوط اغلى من
الاسعار العادية زى اللى ف القاهرة مثلا و اصلا الاسعار الطبيعية غليت

انت متاكد من ورقها و ان ليها ملف مظبوط ؟ شوفت ملفها بنفسك ؟
العربية نمر اسيوط ؟ فيها حاجة مميزة يمكن اكون عارفها ؟ لقيتها عند تاجر ؟

ياريت تخلى بالك كويس و انت بتكشف عليها و ياريت تكشف عند صنايعية ثقة
لان التجار بيبقوا عارفين الصنايعية كويس
و لو احتجت اى حاجة يا باشا مهما كانت صغيرة ,, ياريت ماتتكسفش

[Ahmed_m7md_A5]

شكرا جدا علي أهتمامك للأسف أنا كنت بلف علي تجار المستعمل و لقيت دي و سمعت أسعار خزعبلية بجد ، لأ حقيقي اسعار ملهش منطق خد عندك واحد عند مدرسة المستقبل عارض لانسر 2006 أوتو 1600 ماشية 64000 فابريكا بالكامل عايز 93000 ههههه
لما شوفت لانسر 75000 كنت باخد فكرة فقط عشان ابلغ الوالد فمسألتش عن الورق و كان باليل و الحته عند العربية مفيهاش نور طبعا السعر مريب