نايـــل موتورز - سيارة العام فى مصر

[Sharky]

الموضوع دا كان حلم من ضمن أحلام قريتها من د/ أحمد سامى فى موضوع
بتحلم بإيه فى نايل موتورز

بصراحة الفكرة عجبتنى قوى و قررت إننا نبدأها دلوقتى و حتى لو مبسطة و مع مرور الأعوام إن شاء الله تكبر و تبقى مهم لكل المصريين

حتبدأ الفكرة أولا عن طريق تقسيم السيارات إلى فئات :
1- فئة المينى .
2-فئة السوبر المينى .
3-فئة العائلية الصغيرة .
4- فئة العائلية المتوسطة.
5- فئة العائلية الكبيرة.
5-فئة العائلية الفخمة.
7- فئة الدفع الرباعى
8- فئة الدفع الرباعى الفخمة.
9- فئة الإستيشن.
10 فئة الكابورليه.

التقييم حيبقى 5 درجات لكل واحدة من الاتى:
1- التصميم
2- الجودة.
3- الأداء
4-الإتساع الداخلى .
5- الكماليات.
6- الامان.
7- الثبات.
8- سعر إعادة البيع
9- التوكيل.
10- أسعار الصيانة و قطع الغيار.


و بعد كده نختار أفضل 3 عربيات فى كل فئة للمرحلة النهائية وأخيرا السيارة الأفضل فى كل فئة لعام 2008

يا ترى إيه رأيكم ؟؟

[Rsarabia]

فكرة ممتازة يا مان و انا معاك

[Nile_Storm]

اخاف يا شاركي من التعصب الاعمي و ان كل واحد يرشح سيارته

و ان كانت افكره جيده لذا اري مثلا ان كل عضو يرشخ في كل الفئات الا الفئه اللي فيها سايرته

زائد ان فيه مشكله السعر لازم يتحدد زنج السعر بمعني مثلا اكيد مش هقارن نوبيرا بباسات و الاتنين كومباكت كار دي في اول التمانينات و دي في ال 200 الف
ياريت تكون وجهه نظري وصلت و نفكر بصوت عالي علشان نوصل لحل فيها

[MoDyBeNz2008]

it's a good idea dude

[Eslam_A]

فكرة كويسة جدا ياريت ننفذها

[blazer]

فكره حلوه جدا
وهتساعد اللى عاوز يشترى عربيه كمان
وبلنسبه للأسعار
احنا عوزين يكون تقيمنا خاص بمصر يعنى نراعى ظروف الطرق والحاجات دى
وان مثلا العربيات فى مصر بتبقى متعدده الاستخدامات (مش زى اوربا عندنا واحده للسفر وواحد ل و ووو)

[medo_2060]

فكره جميله وهتساعد الناس وهى بتشتري عربيات

[Hosam_Optrawy]

فكره موفقه

[Ahmed Samy]

الله ينور يا ابو حميد

بس الموضوع محتاج شوية نقط توضع في الإعتبار علشان نكون بنعمل تقييم محترم وقوي :

1 - بسبب الجمارك العقيمة فهناك فروق سعرية شاسعة بين بعض السيارات في نفس الفئة بسبب التصنيع المحلي أو نقص الكماليات أو اختلاف بسيط في السعة اللترية
لازم نفكر و نشوف مخرج للنقطة دي لأن السعر ممكن يظلم عربيات كتير

2 - موضوع الفئات الاستخدامية ما عتقدش هو الأقوى في التصنيف في مصر لأن معظم المصريين بيحددوا رينج السعر الأول و بعدين يقارنوا (ماعندناش رفاهية عربية عيلة و عربية مصيف و عربية الخضار)

3 - موضوع الأداء يجب جعله في مؤخرة قائمة التقييم لأن معظم سياراتنا بتلعب في في منطقة الأداء الردئ أساسا الا بعض السيارات طبعا.
يعني لو عربية 109 حصان وعربية 105 حصان يكونوا في التقييم متساويين في القوة

4 - وهو الأهم يكون التقييم من اتجاهين ....
الأول : لجنة تقييم تجمع خبراء في مختلف المجالات و نتكلم عليها بعدين و اللجنة دي تعمل اختبار للسيارات زي ما أقترح شريف شاكر في موضوع قبل كده
وتكون الاختبارات موثقة قدر الإمكان

الثاني : تصويت الأعضاء ولا نستثني صاحب السيارة من التصويت لها لأنه امتلاكه لها هو دليل على صدق رأيه في التصويت


و اتمنى حد يلاقي حلول للي طرحته او يكون عنده نظام أسهل و أفضل

[TAG_Turbo0]

انا موافق على الفكره دى

[Nour_Peugeot]

فكره ممتازة و الله يلا نبدا بقي انا برشح البيجو هههههههههههههههههههههههههه

يهزر يا جماعة لا إن شاء الله يبقي في حيادية علشان نوصل للاحنا بنفكر فيه

[Sharky]

واضح يا جماعة إن كله موافق على الفكرة

طيب نبدأ مبدئيا نحط الإقتراحات

فيه حد عنده إقتراح زيادة عن إللى حطيته أو مش عاجبة إقتراح من إلللى حطيته ؟

مبدأئيا أنا ححط السيارات فى كل فئة و نشوف رأى الأعضاء فى الموافقة على ما فى هذه الفئة

[Ahmad Allawy]

فل يا باشا..
تسلم الايادي..و انا تحت امركم في اي حاجة..
اي تست ولا اي تقييم ولا اي رأي انا ف الخدمة..

[Nile_Storm]

واضح يا جماعة إن كله موافق على الفكرة

طيب نبدأ مبدئيا نحط الإقتراحات

فيه حد عنده إقتراح زيادة عن إللى حطيته أو مش عاجبة إقتراح من إلللى حطيته ؟

مبدأئيا أنا ححط السيارات فى كل فئة و نشوف رأى الأعضاء فى الموافقة على ما فى هذه الفئة

شاركي مردتش علي اللي كتبته

[Sharky]

فئة المينى :
1- سوزوكى التو.
2-شيفروليه سبارك.
3-كيا بيكانتو.
4- هيونداى I10
5- فيات باليو.
6- سبرانزا A113
7- بردوا كليسا
8- إيديا
9- شيرى QQ
10- جريت وول

فئة السوبر مينى :
1- فيات سيينا.
2- رينو لوجان.
3-شيفروليه أفيو.
4- هيونداى جيتز.
5- هيونداى فيرنا.
6- هيونداى نيو أكسنت.
7- دايهاتسو سيريون.
8- بروتون جين 2
9- تويوتا ياريس.
10-كيا ريو.
11-هوندا سيتى.
12-ميتسوبيشى كولت.
13-سكودا فابيا.
14-سوزوكى سويفت.
15-سيات إيبيزا.
16-بيجو 207.
17-سيتروين C3.
18-فيات جراند بونتو.
19-سبرانزا A516
20-مازدا 2
21-فولكس بولو.
22- هيونداى ماتريكس


فئة العائلية الصغيرة ِA:
1- ميتسوبيشى لانسر الشكل القديم
2- نيسان صنى
3- شيفروليه أوبترا
4-هيونداى النترا
5-كيا سيراتو
6- بروتون واجا
7- فيات لينا
8- سوزوكى SX4
9- دايهاتسو ماتيريا


فئة العائلية الصغيرة ِB:
1-نيسان تيدا.
2-أوبل أسترا.
3-رينو ميجان.
4-بيجو 307
5-تويوتا كرولا.
6-ميتسوبيشى لانسر EX
7-هوندا سيفيك
8-بريليانس سبلندور
9-مازدا 3
10-هيونداى I30
11-سوبارو إمبريزا
12-فورد فوكس.
13-سيات ليون
14-سكودا أوكتافيا
15-فولكس جيتا/جولف
16-فيات برافو
17-اودى A3
18- BMW 1
19- سيتروين C4
20-مرسيدس A
21-فولفو S40

فى إنتظار أراء الأعضاء