غبور يتواطئ مع الشرطة المصرية لتصنيع ونشات للمرور !!

[Trondo]

اللى بتعمله دا تشهير و تتحاسب عليه

غير اسم الموضوع افضل

[akmm]

مفيش تواطؤ ............. شركه مصريه بتصنع او بتجهز الاوناش مش بدل الاستيراد ومشاكله ولو حتى بدون جمارك .... وشوف المشروع ده هيشغل كام مهندس وفنى ؟؟؟؟؟؟؟؟؟؟؟؟؟

[heeshooheeshoo]

أنا مش قصدي تواطئ بالمعنى الحرفي
أنا عامل الموضوع ده للتسلية فقط ، وقصدي منه إنه عيب قوي يكون توكيل بيصنع عربيات للمواطنين وبيخدمهم وفي نفس الوقت يصنع الونشات إللي تسحب وتكسر عربياتهم ، تحس في نوع من التناقض

أكيد بقلش :)

بصراحة حتى بعد قرائتى لكل الردود بما فيها رد حضرتك هذا .. مازلت مش فاهم برضه إيه هو العيب على حد تعبيرك !!!
يعنى حضرتك عايز وزارة الداخلية مثلا تستورد الأوناش منين علشان مايبقاش فيه تواطؤ ؟؟
وهل إستيراد الأوناش أحسن وللا صناعتها محليا ؟؟
وياترى لوتم تصنيعها عند منصور أو وكيل مرسيدس أو نيسان أو سبيرانزا أو بى إم دابليو أو ..... أو ...... أى مصنع تجميع سيارات مصرى ستعتبره تواطؤ أيضا وللا المقصود بالتحديد غبور ؟
يعنى من الآخر حضرتك بتذم فى غبور بالتحديد وللا الشرطة وللا الإثنين .. ويفرق إيه غبور من أى وكيل ماركة سيارا ت ؟؟

ياريت حضرتك توضح الغرض من الموضوع لأنه واضح أن محدش فاهم الموضوع فعلا.

[heeshooheeshoo]

المواطن اللي بيركن مخالف وميحترمش الطريق يستاهل يتولع في عربيته مش تتشال بالونش بس

فى حالات كثيرة جدا من مخالفات الإنتظار يكون السبب أن الناس عايزة تركن أمام الباب اللى حتدخله سواء كان مول تجارى أو عمارة سكنية أو نادى أو مدرسة وبتكسل تركن بعيد شويه مسافة 50 او 100 متر ويسيبلك السيارة فى أى وضع حتى لو كانت صف ثالث أو رابع بمنتهى الإستفزاز .. ولما تشوف إللى كان مكسل يركن بعيد شويه تلاقيه شاب فى العشرينيات أو الثلاثينيات يكسر الدنيا بصحته والمستفز أكثر أن تجده مثلا راكن صف رابع أمام باب نادى رياضى علشان داخل يلعب فى الجيم !!

[amrico]

:m_yes[1]:

فى حالات كثيرة جدا من مخالفات الإنتظار يكون السبب أن الناس عايزة تركن أمام الباب اللى حتدخله سواء كان مول تجارى أو عمارة سكنية أو نادى أو مدرسة وبتكسل تركن بعيد شويه مسافة 50 او 100 متر ويسيبلك السيارة فى أى وضع حتى لو كانت صف ثالث أو رابع بمنتهى الإستفزاز .. ولما تشوف إللى كان مكسل يركن بعيد شويه تلاقيه شاب فى العشرينيات أو الثلاثينيات يكسر الدنيا بصحته والمستفز أكثر أن تجده مثلا راكن صف رابع أمام باب نادى رياضى علشان داخل يلعب فى الجيم !!

والله عندك حق، على فكرة معظم اللي بيعملوا كدا فعلا بتلاقيهم شباب صغيرين

[S O P H O S]

مش فاهم اوي الامر بصراحة

[Dr.A.Nabil]

انا شايغ انه عادي
الونش موجود في كل دول العالم

[hossam_elwani]

الخﻻصه ان البلد الى مستفيدين منها خمسين واحد على بعض على قديمه

[Ahmed.Essam]

فين التوطؤ يا باشا
وحضرتك بتتكلم عن الشرطة المصرية زي ما تكون شرطة اسرائيل !

[تامر.محمد]

اللي مش فاهمين العنوان هايفهموه لما عربياتهم يشيلها الونش :-)


عرفتوا منين انها شرطة اسرائيل؟ :-)

Sent from my GT-N7000 using Forum Runner

[heeshooheeshoo]

فين التوطؤ يا باشا
وحضرتك بتتكلم عن الشرطة المصرية زي ما تكون شرطة اسرائيل !

حضرتك جبت التايهه وخلصت الموضوع بدرى .. الموضوع من الأول عامل زى لعبة المتاهه .. الهدف مالوش غير سكة واحدة مفتوحة
ثم من ناحية أخرى لا يخاف من الونش .. أو بمعنى أشمل لا يخاف من القانون إلا من ينوى مخالفة القانون

[M I D O]

افتح يابني قوس الفساد وضيف غبور وسيب القوس مفتوح

[M7amD_7amDy]

انا اللى محيرنى حاجة واحدة

هو الكرسى اللى قاعد عليه العسكرى ده بيجى مع العربية ولا شارينه من بره :)

معلش أصلها تفرق برده

وأوبشن عن أوبشن يفرق :d

[shawke hamed]

للأسف لا تعليق سوي ....

الهيونداي تغوووووووووووووووور
من وش غبوووووووووووووووور
اللي
مش أمووووووووووووووووووور

+1 كلها مصالح