عربية ندمت أنك اشتريتها (موضوع للنقاش)

[ma7med]

والدي اشترى لانوس 99 اوتوماتيك طلعت عنيننا كل شوية تعطل ده كانت كل اسبوعين عند الميكانيكي
و اخرتها العربية كانت اول لما تدورها وتدوس على الاكسلاتير و لا كأنك بتدوس و لازم تستنى 10 دقائق عشان تتظبط
وطلع انها عاوزة تغير الكومبيوتر طبعا زهقنا منها و اتباعت الحمد لله بعد مصاريف قد كدة

[rompo10]

بيجو 406 وماحدش يسالني عشان مانمسكش في بعض

[elpasha1]

كرستالة 98
العربية اساسيات سليمة بس
اي حاجة تاني فيها شغل
طلعت عين اللي جابوا امي

[maheralsisi]

على فكرة العربيات قرف (بكسر القاف زى القرفة كده ) و تمشى قرف برضه
ممكن تبقى مع غيرك زى الفل تيجى معاك يركبها عفريت تبيعها تلاقيها ماشية مع اللى اشتراها زى الفل عادى
انا بالنسبة لى كانت فورد اسكورت . كانت غريبةةةةةةةةة
يبقى فيها العيب قدام عينك . اول ما تروح للميكانيكى تلاقيها ظبطت لوحدها و الراجل يحتار العيب فين و طبعا ما يعرفش و كده يعنى .
كل ما تركن و تطلع البيت تلاقى حاجة . فانوس مكسور . عجلة ع الارض كلب ع السقف .
مرة مكنة زجاج و مرة الزجاج . جننت اهلى و فى الاخر عملت حادثة هههههههه و بعتها بحادثتها زى ما هى

[mahmoud.69]

ندمت اني اشتريت بي ام موديل 93 وكان معايه دايو مريحاني موديل 2005 بعتها علشان اجيب الغم ليه
اوﻵ مع حبي الشديد لي البي ام لكن البي ام مايتركبش غير موديل 2000 لكن موديل قديم ميت وبتعالجة لا هيشفي ولا هيقوم
طلعت كنت موهوم بي المثل الاهبل الي بيقول اسد عجوز ولا قرد بصحتة طلع ان القرد كفائة
البي ام لما كنت بتدخل علي ميكانيكي ينطبق عليه المثل الي بيقول ماشفش الحمه شاف ك....... اتجنن اسعار مصنعيه هبلة وكمان العربية في السحب مافيش مكنتش اعرف ان البي ام في 1600 الدايو تكلها كانت مكنة عيانة اووووي وكل الميكانيكي يقولي سقط 2500 سي سي يانهار ابيض هيا مصر فيها مكان للجري اصﻵ علشان اسقط 2500 وكمان هو الواحد فاضي يقعد جمب الميكانيكي وياعالم هيطلعها مظبوط ولا هفضل اجري بيها علي الميكانكية وفي الاخر تغلبني ويبقا كل مرتبك ضايع علي العربية فانصيحة لي اي واحد متجوز زي ابعد عن القديم بقرفة انا عندي فيرنا افضل مليون مرة من بي ام موديل 90

[osama 2014]

نوبيرا 2009 عارف انكم ممكن تتهموني بالجنون بس العربية دي رغم انها كانت تقريبا انضف عربية في اسكندرية بس مع ذلك كانت جاية معايا بالعكس وكانت كل شهر بتطلب مني حاجه كبيرة .. مرة طقم دبرياج كامل ديسك واسطوانة وبلية وفورش
مرة طرمبة المياه
مرةسير التقسيمة اتقطع ومش حقول ع اللي حصل ساعتها ..
كل ده بالرغم من اني شاريها ماشية 12 الف كيلو وكانت خراف بس تقريبا كانت واخده عين محترمة بس مع ذلك بعتها بيعه كويسة وبسعر كويس وبعدها ربنا كرمني بال A4 بس بعتها برضه ودلوقتي معايا A4 برضه بس حالة احسن بكتير

ربنا يباكلك في عربيك ويكفيك شرها

[osama 2014]

الحمد لله مندمتش على حاجه

يبقى أكيد ماشتريتش عربيه مستعمله صح؟

[osama 2014]

طيب خد عندك دي
فيات 126
اشتريتها وندمت اني اشتريتها
وكانت مطلعة عيني على الآخر رغم إني اللي بعمل كل حاجة فيها من ميكانيكا وكهرباء
وزاد ندمي لما بعتها
بدور على واحدة تانية
التانية شيري ايه 11
الكنترول باظ وقعدت سنة ادور عليه وراكن العربية وفجأة عدلتها لكاربيراتير واكتشفت انها جميلة وناعمة جدا وثابتة زي الألماني

ازاي ندمت انك بعتها وهي كانت مطلعه عينك ؟

[john55]

انا كنت جايب عربيه128 كنت بتعلم عليها بدل ماجيب عربيه جديده وتتبهدل مني خلال 6 شهور من شرائها كنت جايبها 12 الف صرف عليه 7 لاف جنيه ولما بعتها خسرت فيها الف جنيه ولقيت عليا مخلفه عكس اتجاه 1007 ودفعتهم يعني موت وخراب ديار جابت وش سلندر وبعد كدا الموتور وقع وانا ماشي كان فيها بارومه وكان يوم عالمي روحت البيت يومها الساعه 2الفجر من عند الميكانيكي والسمكري وحلفت انها تتباع بكره وبعتها الحمد لله وجبت بعد كدا اكسنت ار بي 2012 زيرو والحمد لله علي نعمه الجديد وشكرا

[osama 2014]

على فكرة العربيات قرف (بكسر القاف زى القرفة كده ) و تمشى قرف برضه
ممكن تبقى مع غيرك زى الفل تيجى معاك يركبها عفريت تبيعها تلاقيها ماشية مع اللى اشتراها زى الفل عادى
انا بالنسبة لى كانت فورد اسكورت . كانت غريبةةةةةةةةة
يبقى فيها العيب قدام عينك . اول ما تروح للميكانيكى تلاقيها ظبطت لوحدها و الراجل يحتار العيب فين و طبعا ما يعرفش و كده يعنى .
كل ما تركن و تطلع البيت تلاقى حاجة . فانوس مكسور . عجلة ع الارض كلب ع السقف .
مرة مكنة زجاج و مرة الزجاج . جننت اهلى و فى الاخر عملت حادثة هههههههه و بعتها بحادثتها زى ما هى

هههههههههههههههههههههه ربنا يعوض عليك دا شكله عفريت معلم بيصلح أي حاجه

[bassemali]

انا عن نفسي اسؤا عربيه ركبتها كانت هنا ف السعوديه كانت فورد كراون فيكتوريا موديل 93 والحقيقه مش انا اللي اشترتها والدي هو اللي اشتراها انا دايما بقول ان القديم مالوش لازمه ان شاء الله تكون مرسيدس ... وريتنا الويل فتيس وموتور وحراره مش عارفين لها سبب لغاية لما اتباعت ... الغريبه ان الراجل اللي اشتراها كانت ماشيه معاه زي الفل !!!
الخلاصه الجديد مافيش احسن منه ... ولو هتجيب مستعمل يبقى تاخد موديل حديث وتفحصها كويس وياريت تكون من حد معرفه .

[osama 2014]

انا عن نفسي اسؤا عربيه ركبتها كانت هنا ف السعوديه كانت فورد كراون فيكتوريا موديل 93 والحقيقه مش انا اللي اشترتها والدي هو اللي اشتراها انا دايما بقول ان القديم مالوش لازمه ان شاء الله تكون مرسيدس ... وريتنا الويل فتيس وموتور وحراره مش عارفين لها سبب لغاية لما اتباعت ... الغريبه ان الراجل اللي اشتراها كانت ماشيه معاه زي الفل !!!
الخلاصه الجديد مافيش احسن منه ... ولو هتجيب مستعمل يبقى تاخد موديل حديث وتفحصها كويس وياريت تكون من حد معرفه .

المستعمل بالذات في السعودية مش مضمون خالص هنا العربيه بعد خمس سنين بتتباع خرده دا أنا باشوفهم بيهروا العربيات جري وتفحيط(أمريكاني) وهيا لسا بأكياس الوكاله

[mr_green]

إللى بيبع بيبع لسبب من 3

1- العربية إستوت و بتصرف
2- معيوبة - حادثة أو غيره
3- للتغير للأفضل و ده قليل - بس موجود

فالغالب بيكون المعروض ماليان بلاوى متدارية