مخالفة رادار

[enayat]

امبارح كنت رايحة من المنصورة لطنطا وقبل مدخل المحلة فوجءت بوجود كاميرا رادار وعسكري قاعد بيصور انا معرفش انا اتصورت واخدت مخالفة ولا لاء لاني كنت ماشية علي 80 مش كتير يعني بس انا معرفش الطريق ده مفروض 60 ولا 90 واذا كنت اخدت مخالفة رادار اعرف منين

[hany63]

هتعرفي لما تجددي رخصة العربيه او لو فيه امكانيه تكشفي كمان شهر و لا حاجه عن المخالفات بالنت
و الغرامه هتبقى ٣٠٠ جنيه

[rompo10]

بدل ماوقفتيش في لجنه يبقي ماتصورتيش لو هاتجيلك مخالفه علي الرخصه هاتبقي 305

[manfromegy]

أعتقد الرادار بيكون بعده كمين بيسحب الرخص أو يدفعك مختلفة الرادار طالما محدش وقفك يبقي خلاص

[enayat]

شكرا للرد
لايوجد امكانية لكشف المخالفات ع النت لاني مرور المنصورة لسه مدخلتش عندنا الخدمة
مفيش قدامي فعلا غير الإنتظار سنه لاني هجدد الرخصة بكرة وطبعا مش هتلحق المخالفة تكون نزلت

[J A G U A R]

اعتقد 80 مسموح بيها .. ولو فى مخالفه مع تجديد الرخصه وهاتدفعى 300 .. بس احتمال متكونيش اتصورتى علشان انا قبل كده كنت متصور على 160 وبعديها ب 2 كيلو كان فى لجنه لقيت العسكرى بيبص عليا من وسط العربيات وبيقولى مخالفه رادار ودفعت 150 فورى

[the lawyer]

السرعة في الطريق دا 60 كم وللإسف انا دفعت 150 جنيه من حوالي شهرين ، بس ما دام مسحبوش رخصتك يبقي مفيش مخالفة اتسجلت