حاجة غريبة بعد ما غيرت لزيت توتال

[joseph661]

انا اشتريت عربية مستعملة ومكنتش عارف صاحبها حاطلها زيت اية المهم العربية كانت بتعرف مياه من الشكمان قبل تغيير زيت لكن بعد تغير لزيت توتال الاقى العربية مش بتعرق مياه من الشكمان

تفسير ده اية بقى ؟؟

[mona_881]

طيب ماهو ممكن يكون الزيت ملهوش علاقة ؟
ياريت الناس اللي جربوا زيت توتال يقولولنا عامل معاهم ايه
انا كنت عاوزة اغير برضه لزيت توتال

[ghaith_peogeut]

لا اعتقد ان للزيت علاقة بهذا الموضوع

[aw2100]

انا اشتريت عربية مستعملة ومكنتش عارف صاحبها حاطلها زيت اية المهم العربية كانت بتعرف مياه من الشكمان قبل تغيير زيت لكن بعد تغير لزيت توتال الاقى العربية مش بتعرق مياه من الشكمان

تفسير ده اية بقى ؟؟

كل الحكاية ان صاحب العربية كان حاطط زيت تقيل احادى 50 ومعاه زيت شمبر علشان يقفل على الشنابر فى الموتور بتاع عربيتك واضح ان موتور عربيتك خفيف شوية فهو عمل كده علشان الموتور كبسه يبقى مظبوط والدليل التعريق اللى كان بيعرقة قبل ماتغير الزيت وده شائع قوى من تجار العربيات الحرمية والغشاشين بيحطوا زيت شمبر علشان دخنة الموتور تختفى وضعف الكبس يقوى واول ماتغير الزيت تلاقى العربية بتدخن زيت من الجكمان او الموتور كبسه يروح وحسبى الله ونعم الوكيل فيهم لكن زيت توتال 10/10 ماتظلمهوش وربنا يقويك !!

[exact]

ممكن عشان الجو بدأ يدفي اليومين دول شوية والرطوبة انخفضت... انا عندي العربية كانت بتطلع نافورة ميه واليومين دول بطلت تماما

[amrelsaqqa]

معرفش بس لو زيت شنبر مش هيظبط الموتور يعنى لدرجة انه يخليه يعرق مية من الشكمان وكأنه زيرو وهو اصلا خفيف ! ، بالاضافة ان زيت الشنبر ريحته مميزة شوية وتأثيره بيبان على العربية
عامة لو كدة هيبان في نقص الزيت لا قدر الله

موضوع تعريق المية ده مرتبط بظروف الجو ومش حكم على العربية انت اللى هتلاحظه بعد تغيير الزيت سرعة استجابة العربية والحرارة واستهلاك البنزين

[محمود سامح]

انا بغير زيت توتال على طول ليس لة دخل نهائى

[aw2100]

معرفش بس لو زيت شنبر مش هيظبط الموتور يعنى لدرجة انه يخليه يعرق مية من الشكمان وكأنه زيرو وهو اصلا خفيف ! ، بالاضافة ان زيت الشنبر ريحته مميزة شوية وتأثيره بيبان على العربية
عامة لو كدة هيبان في نقص الزيت لا قدر الله

موضوع تعريق المية ده مرتبط بظروف الجو ومش حكم على العربية انت اللى هتلاحظه بعد تغيير الزيت سرعة استجابة العربية والحرارة واستهلاك البنزين

زيت الشمبر ده مصيبة بيعمل المعجزات وخصوصا لو حطيته مع زيت ثقيل عاده تعاون او مصر للبترول وانا بقول الكلام ده عن واقع وتجربة مع غش العربيات من التجار النصابين وللاسف ممكن تأثيرة مايظهرش غير مع تانى تغيره زيت وخصوصا لو مغيرتش الفلتر بيبقى فية أثار لزيت الشمبر وفعلا بيظبط موتور العربيه لو الموتور حالته مثلا 60% يخليه يعرق ويبقى 90% بس ده على حساب استهلاك الموتور وبيقصفه ولو يعيش على حالته سنتين يخلص علية فى كام شهر ولو موتور مدخن ومفوت بيمنع الدخنة بنسبه 80% ويزود كبس الموتور !!

[hugan]

ممكن او اكيد
بسبب تغيير درجه الحراره
الشتاء خلاص ولي وراح

[lad]

تغير درجة الحرارة ليه دخل اكيد

[Honda_lover]

لزوجة الزيت ليس لها اي علاقة نهائيا بخروج مياه من الشكمان خروج المياه من الشكمان راجع لسببين
الاول عمليه الاحتراق مظبوطة
الثاني مرور العادم ذو درجة حرارة مرتفعة علي معدن الشكمان البارد اثناء الشتاء
وممكن يكون المحرك مفوت وبينزل مياه من الشكمان عادي جدا

[joseph661]

هو ممكن يكون فعلاً بس درجة حرارة الجو دلوقتى

[S O P H O S]

الزيت ملوش دخل فأعتقادي

[aw2100]

لزوجة الزيت ليس لها اي علاقة نهائيا بخروج مياه من الشكمان خروج المياه من الشكمان راجع لسببين
الاول عمليه الاحتراق مظبوطة
الثاني مرور العادم ذو درجة حرارة مرتفعة علي معدن الشكمان البارد اثناء الشتاء
وممكن يكون المحرك مفوت وبينزل مياه من الشكمان عادي جدا

معلومه لحضرتك صعب تلاقى موتور مفوت بيعرق او بينزل مية من الجكمان غير لو جوان وش السلندر بايض
معنى كلمة موتور مفوت انه مابيحرقش البنزين كويس نتيجة دخول زيت الموتور غرفة الأحتراق فبيلخبط نسبة خلط البنزين بالهواء فالموتور يهبب من الجكمان واستحاله الموتور يعرق
زيت الشمبر بيمنع الزيت انه يخش غرف الأحتراق فالموتور يحرق البنزين حرق كامل والنتيجة الموتور يعرق وينزل مية وكل ده بيضيع مع غيار الزيت يرجع الموتور يحرق الزيت تانى والموتور يتلخبط وسحبة يضيع الكلام ده نتيجة خبرة فى العربيات المستعملة واساليب غش التجار الحرمية فى العربيات دى ويقولك الموتور بيعرق بص بينزل مية من الجكمان وهو رايح فى 60 داهية وجوان الوش بايض !!

[amrelsaqqa]

على فكرة احيانا المواتير الخفيفة دى بتجري جري السنين وبيبقى سحبها حلو نتيجة حرق الزيت مع البنزين وناعمة نتيجة ضعف الكبس