افيدونى لو سمحتوا

[احمد ابراهيم 1]

اشتريت سيارة نيسان صنى الشكل الجديد 2014 بتاريخ 19/2/2014 وبعد 3 اسابيع وانا فى الطريق الدائرى فوجئت بدخان من كبوت العربية ومفتاح الكونتكت لم يعمل فوقفت السيارة وبعد عذاب ساعتين فى الطريق تم ارسال ونش ليحمل السيارة ويحضرها البيت واتصلت بالصيانة تبع السيارة بزهراء المعادى وارسلت لهم السيارة وتم تغيير المارش بعد شراء السيارة ب 3 اسابيع قلت جايز حاجة بسيطة وقلت الحمد لله على كده واستلمت السيارة 12/3 وفى 12/4 وانا فى طريق الاوتوستراد تكرر نفس الموقف دخان وعلو صوت الموتور وتوقف مفتاح الكونتكت وايضا ذهبت بها الى الصيانة وهى الان هناك
الرجاء افادتى ماذا يجب ان افعل

[eng.salama93]

المفروض تعملهم مصيبة هناك

[sakr_skoda]

المفروض ترفض استلام السيارة**

وراسل الشركة المصنعة للسيارة حتلاقى ليهم ايميل فى اوراق السيارة لأن يبدو ان الصيانة شوية حرامية***

[eslamsubaru]

هام جدا تاخد الخطوة دى :

لازم تصر قبل ما تستلم العربية المرة دى انك تاخد تقرير مفصل بما حدث المرة الأولى و ما تم اصلاحه و ما تم المرة دى و ما تم اصلاحه و تغيره . و يكون تقرير مفصل و مختوم من الشركة الضامنة للسيارة .

و عليه تكرار نفس العطل مرتين فى اقل من سنة من تاريخ الاصلاح معناه انه هناك عيب صناعه و عليه حقك تغير السيارة .. و طبعا ده على حسب العيب هل عيب غير قابل للتصليح و لا لأ..

و ده مش هتضمن حقك الا بالتقرير ده أو فواتير مختومة بما تم اصلاحه و تغييره بالمرتين ..

و خليه معاك . و راسل الشركة الأم علشان تعرف رأيهم .
و ربنا معاك.

[J A G U A R]

لازم تطلع بيها على التوكيل وتفضحهم هناك

[K.Ossama]

هام جدا تاخد الخطوة دى :

لازم تصر قبل ما تستلم العربية المرة دى انك تاخد تقرير مفصل بما حدث المرة الأولى و ما تم اصلاحه و ما تم المرة دى و ما تم اصلاحه و تغيره . و يكون تقرير مفصل و مختوم من الشركة الضامنة للسيارة .

و عليه تكرار نفس العطل مرتين فى اقل من سنة من تاريخ الاصلاح معناه انه هناك عيب صناعه و عليه حقك تغير السيارة .. و طبعا ده على حسب العيب هل عيب غير قابل للتصليح و لا لأ..

و ده مش هتضمن حقك الا بالتقرير ده أو فواتير مختومة بما تم اصلاحه و تغييره بالمرتين ..

و خليه معاك . و راسل الشركة الأم علشان تعرف رأيهم .
و ربنا معاك.

هو ده الكلام المفيد
دى كانت نصيحتى برضو

[ahmedfathi]

ابعت شكوى لجهاز حماية المستهلك

[mahmoud.69]

الله يعينك علي مبالاك
الحق بيعها قبل مايجي عليها 12 في الشهر القادم الاشكلها بتستني 12 في الشهر