هيا بنا نفتى.....

[dr/hamza]

انا عامل الموضوع ده علشان كل واحد فينا يحكى تجربته مع فتى الصنايعية وغيرهم فى مجال السيارات فقط وان كان الفتى بقى موجود ف كل المجالات...
..يعنى انا مثلا كان معايا عربية الانترا بتاعة واحد صاحبى وغسلت الحوض ..ف المية خلت العربية تقطع...روحت لكهربائى بس ايه طلع بتاع اشتغالات 100%...قاللى ده كونترول ..سيبته وروحت لواحد تانى نفخ المية ..والعربية رجعت زى الفل..يا ترى ايه تجاربكم مع الفتايين او النصابيين..

[amrelsaqqa]

اللى فاكرها دلوقتى

الميكانيكى كان مركب شاكوش الاسبراتير غلط في عربية فليشيا لحد ما اتكسر والعربية مش مظبوطة والار بي ام بيلعب ، الكلام ده بعد عمل جوان وش سلندر واقول له في حاجة في كهربة العربية مش مظبوطة قاللى الار بي ام ده عيب كهربة مش ميكانيكا خلى الكهربائى اللى جنبى يبص عليه
رحت للكهربائى قاللى المؤشر عايز يتثبت
في الاخر قلتلهم انا مش مقتنع بالكلام ده ، فكيت الاسبراتير قدامهم ، لقيت الشاكوش مكسور ، كان شكلهم اندر هم الاتنين :d

[dr/hamza]

ا


في الاخر قلتلهم انا مش مقتنع بالكلام ده ، فكيت الاسبراتير قدامهم ، لقيت الشاكوش مكسور ، كان شكلهم اندر هم الاتنين :d

حلوة حلوة مفيش كلام..هههههههههههههههه

[Omar Mahmoud]

يا سلام ده انا كل مفتكر اعد اضحك كانت العربية الاوبل بتسخن و كنت انا و والدي و والدتي خارجين بالعربية و التربية سخنت و احنا في مشوار و الصدفة اننا كنا جنب الميكانيكي رحنا عملنا حاجة جامدة جدا شال التيرموستات اصله بيسخن العربية و حطلنا مكانه خشبة بس انا مكنتش مركز لحسن حظه و اكنا مستعجلين و عايزين نروح بس بعدها خليناه يرجعه تاني

[mk3]

الميكانيكى عندى اى حاجه يقولى نغير التيل عشان البيه بيبيعه لكن انا ببقى مركز معاه ومش بروحله الا وانا عارف العيب فين على قد ما اقدر

[Zing0]

يا ريس إحنا بقى عندنا فتى للركب
أحد العباقرة بيضبط التاكيهات بصفيحة المنشار الحدادى, بأقوله يا أسطى أنت بتضبط على مقاس كام؟
قالى ده أحسن مقاس للعربية !!!
قولتله يعنى ممعاكش فيللر feeler ؟
تنح شوية و قالى موجود بس ده الأحسن

مش عاوز أقولكم نتيجة الضبط العجيب بتاعه بقت عاملة إزاى
و أضطريت أنزل التوفيقية أشترى فيللر علشان أوريهوله و جبت مقاس التاكيه من موقع أجنبى و قولتله عليه
و مازال المنشار اللى كان بيضبط بيه معايا (هدية تذكارية للغباء و النصب)

[ahmed sa3ed]

الميكانيكى الى بروحلوا بيفتى بس بطريق عكسيه كل لما اروحلوا ااقولوا العربيه فيها كذا وكذا وكذا

يقولى مفهاش حاجه زى الفل كسلان يقوم يشتغل :d

فا اضطريت ابقى عارف العربيه فيها ايه واقولوا مثلا غيرلى التيل دا فبيقوم مغيروا فعلا انما لو قلتلوا شفلى الفرامل ضعيفه ليه هيقولى مفهاش حاجه حلوة :d

[S O P H O S]

كتير بس في موقف مع صديق
كان مصمم ان السوبارو صيني
وفضلت شهور لحد ما اقتنعته انها ياباني
حضر فبالي دلوقتي لان كل ما اشوف العربية
اضحك وافتكر كلامه