لما سواق الميكروباص يخبط عربيه الشرطه

[ah-elgendy]

المكان شارع شبرا عند الدوران الساعه 5 فى عربيات ميكروباص بتقف تحمل و تعطل الطريق والشرطه جت بتمشى العربيات ديه فواحد منهم بيرجع بظهره راح خبط فى عربيه الشرطه خبطه عبيطه جداااا راح الباشا الظابط خبط ع الميكروباص وقاله انت مش شايف يا ابن .......... وراح فاتح باب الميكروباص وقاله انزل يا ابن ........... وخده ع البوكس وعسكرى راح خد الميكروباص ع القسم بصراحه انا كنت مبسوط وانا بتفرج علشان الواحد شاف من الميكروباصات ديه الكتير بس تفتكروا لو كان ملاكى اللى عمل كده كانت هتبقى نفس المعامله ولو معاك مراتك او خطبتك او امك هيبقى احساسك ايه وانت مش عارف ترد ( الناس اللى ليها ظهر ملهاش دعوه طبعا ) ؟

[hugan]

ياريت كان ضرب سواق الميكروباص بالجزمه في الشارع
سواقين ميكروبا ص شبرا
قمه في قله الادب والسفاله والاجرام
عيال بلطجيه ومسجلين
واحد منهم خبط سواق تاكسي من يومين في شارع روض الفرج
خبط له العربيه وضربه هو التباع
وطلعوا سلاح علي الناس اللي واقفه في الشارع لما حبوا يدخلوا

[aymanshebl]

و الله لو واحد محترم و معاها عيلته مش هيخبط بالمنظر اللى انت شوفته و حتى لو عمل كده الشرطة هتشوفه محترم و كمان بيتكلم كويس و يتاسف فما فيش مشكلة انما المكروباصات ديه فئة احنا عارفينها و مينفعش معاها للاسف غير كده

[Mamoud salah H]

انا من شبرا وعايز اقولك اني مبسوط جدا من الي بتحكيه ده عشان ياما شفت من السواقين بنت النيت دول وبالذات في شارع روض الفرج نفسه وبتهيألي لو ملاكي المعاملة هتختلف لان بصراحة كل الكماين والظباط الي عديت عليهم كانت المعاملة والكلام محترم

[amrelsaqqa]

انا مش مبسوط لان الظابط عمل كدة انتقاما لنفسه لا اكثر ولا اقل بالاضافة ان في طرق اكتر تحضر وانسانية للتعامل حتى مع المجرمين وتجيب نتيجة برضه

[mshmshm3]

و ايه يعني ده اقل واجب
ده كدة ظابط محترم

[eng.m7md.ali]

انا مش مبسوط لان الظابط عمل كدة انتقاما لنفسه لا اكثر ولا اقل بالاضافة ان في طرق اكتر تحضر وانسانية للتعامل حتى مع المجرمين وتجيب نتيجة برضه

طول عمري بتفق مع حضرتك في كل حاجة الا الكومنت ده

ده اقل واجب يحصل فيه ولو طال يموته كمان انا هبقى مبسوط جداً .. متقوليش ده انسان ومتنفعش المعاملة دي لان ده مش انسان .. ده بلطجي حيوان شيطان مجرم مسجل خطر على هيئة انسان

[Ahmed Elseufy]

طيب انا هقولك علي حاجة ده لو كان مكان الظابط شخص عادي كان هينزل ويتخانق معاه وهيكون نفسه يطلع عينه
وده اللى قدر يعمله الظابط مع سواق الميكروباص
احترامي للجميع

[ashouhdy]

لو سواق ملاكي هو اللي كان اتخبط من الميكروباص كان زمان سواق الملاكي في العناية المركزة

[Falcon.Crest]

بعد الي شوفته في تعامل حيوانات الميكروباص مع زوج و زوجته و انهم ضربوا سيده بسيخ حديد لا انا مبسوط و يا ريت كان ضربو بالنار دول شويه زباله لا يستحقو الحياه اساسا

http://www.nilemotors.net/Nile/420548-a.html

و شوف يا افندم الموضوع ده علشان تعرف انهم فئه ادني من الحيوانات وصلت بيه الدرجه انهم يضربو سيده تحمل ابنها الرضيع بسيخ حديد

[تامر.محمد]

عندنا مشكلتين
الاولى اننا عايشين في غابة سببها ظابط الشرطة ده
لو سواق المكروباص سحل بتاع ملاكي ، الطبيعي انه ما يعملش كده خوفا من الشرطة ، لكن الشرطة بتحمي نفسها بس

ثانيا ، لأننا في نفس الغابة ، فظابط الشرطة لو عمل اللي عمله ده في مواطن واحد ايا كان مستواه الاجتماعي ، يبقى بقى مسموح له يعمل كده مع الكل ، و هو و مزاجه بقى ، و ده اللي مش قادرين نتعلمه لحد دلوقت

بالبلدي عشان اللي بيتضايق من الكلكعة ، ضابط الشرطة مسك السواق رنه العلقة التمام ، ايه الجديد ؟ سواق المكروباص هياخد باله اوي من عربيات الشرطة بعد كده
و عربياتنا ؟ لا جديد طبعا ، اعمل اللي انت عايزه و لو نطق المطواه في التابلوه و شكرا

لا قادرين نحدد مين دوره ايه ولا قادرين نحدد مين حقه ايه

Sent from my GT-N7000 using Forum Runner

[ashouhdy]

الي تامر

معترض تماما محاولة القاء اللوم و السلام علي ضابط الشرطة وبس

انا يوميا بشوف في الشارع ضباط كتير بيؤدي واجبهم من اول الكماين لحد الخناقات العادية اللي الناس

محاولة صنع المثالية متنفعش مع ناس عيارها فلت وسواق الميكروباص دة اتعلم الادب وحيفكر الف مرة يتخانق ليجي ضابط شرطة يظبطة

الناس (مش انت) عمالة هايصة عالنت الان بصراحة افترا وبس علي ضباط الشرطة بس لاهداف سياسية

صديقي (ضابط) وعندة طفل سنتين عاي فكرة واسرة برضوا لسة متاخد رصاصة في فخذة من مجرمين في برج العرب كانوا بيثبتوا عربية ملاكي فيها اسرة . مينفعش التعميم وادخال الفكر السياسي في اي مشاركة تخص الشرطة او القانون او القضاء عامة كدة

[mahmoud_ali]

انا متفق معاك فى اللى الضابط عمله وعلى فكره الظابط ميقدرش يعمل كده مع ملاكى

[toty_305]

عندنا مشكلتين
الاولى اننا عايشين في غابة سببها ظابط الشرطة ده
لو سواق المكروباص سحل بتاع ملاكي ، الطبيعي انه ما يعملش كده خوفا من الشرطة ، لكن الشرطة بتحمي نفسها بس

ثانيا ، لأننا في نفس الغابة ، فظابط الشرطة لو عمل اللي عمله ده في مواطن واحد ايا كان مستواه الاجتماعي ، يبقى بقى مسموح له يعمل كده مع الكل ، و هو و مزاجه بقى ، و ده اللي مش قادرين نتعلمه لحد دلوقت

بالبلدي عشان اللي بيتضايق من الكلكعة ، ضابط الشرطة مسك السواق رنه العلقة التمام ، ايه الجديد ؟ سواق المكروباص هياخد باله اوي من عربيات الشرطة بعد كده
و عربياتنا ؟ لا جديد طبعا ، اعمل اللي انت عايزه و لو نطق المطواه في التابلوه و شكرا

لا قادرين نحدد مين دوره ايه ولا قادرين نحدد مين حقه ايه

Sent from my GT-N7000 using Forum Runner

-مفيش كلام يتقال بعد كلام حضرتك ده Summary بتاع المجتمع المصري

[lanos2004]

منطق غريب فى التفكير
وفيه شماته وفرح لانه جاى على هواك