أماكن الباركنج

[Hany Hussain]

السلام عليكم
كتير مننا اتعرض لموقف انه راح مكان وحاول يعمل باركنج وماعرفش وضيع وقت جامد عشان يدور على أقرب باركنج ومش بعيد يكون أخد مخالفة كمان
عشان كده بقترح ان كل اللي يعرف مكان للباركنج (موقف أو حتى أرض فاضية) ياريت يقول عليها ومكانها يمكن نستفيد منها لو رحنا يوم المكان ده
يارب تكون الفكرة دي كويسة

[Hany Hussain]

يبدو أن الموضوع ممل أو أنني الوحيد الذي يواجه مشاكل في انتظار السيارة
عموما سأحاول البدء بمشاركة متواضعة.. عندما أكون في وسط البلد أفضل جراج الأوبرا ثم التحرك على الأقدام (أوبالتاكسي) لصعوبة التحرك في هذه الشوارع

[A.Saad]

اول ش رمسيس من عبد المنعم رياض
اول ساعة 2.5
التانية 1.5
الكسر او الساعة التالتة 1 جنيه

فيه بردة
اما دار القضاء العالى اخر ش 26 يوليو

ش دمشق
فيه ساحة بجوار موقف اتوبيس روكسى

كوبرى الدقى
ساحة انتظار اسفله فى الميدان

الملك الصالح

ساحة انتظار اسفل الكوبرى

[أحمد كمال]

وسط البلد:

جراج البستان:

اول ساعة 2 جنيه و بعد كده جنيه الساعة

جراج الاوبرا:

شرحه

[as01241]

فيه البارك اللي إتعمل مكان محطة الكهربا اللي عند عبد المنعم رياض مكان واسع ولسة جديد هو غالي شوية أول ساعة ب 3 جنيه بس بينفع لأن وقت الزحمة مش هتلاقي مكان تركن وخاصة بعد ما منعوا الركن تحت كوبري 6 أكتوبر وفيه كمان البارك اللي عند موقف السوبر جت في التحرير وده الركن فيه بتذكرة ب 2 جنيه قدام بتوع الورد العربيات بتركن بالطول جنب بعض بس ده صغير وأغلب الوقت بيبقى زحمة وفيه واحد تالت جوة في الشارع بتاع هيلتون رمسيس بعد الفندق وقهوة النرجيلة على الشمال قبل مبنى التليفزيون وده أول ساعة فيه ب 2.5 جنيه

[Hany Hussain]

شكرا على التفاعل وجزاكم الله خيرا