تقرير j. d .power لدراسه اعتماديه السيارات

[medo_2060]

السلام عليكم ورحمه الله وبركاته
اخباركوا ايه جميعا .ان شاء الله تمام
شوفوا الصوره دي كدا يتوضح المشاكل اللى بتحصل لكل ماركه من العربيات بالنسبه ل 100 عربيه
اولا: التقرير بتاع سنه 2007



تلا حظوا من التقرير دا (بالنسبه للعربيات المنتشره في مصر بالذات)
1-بويك ولكزس في الصداره اللى مكنتش متوقعه هى بويك مع انها مش منتشره الا في امريكا حتى دول الخليج مش موجوده هناك بكثره ودا رد على اللى بيقول ان الامريكي اعطاله كتير.
2-هوندا سابقه تويوتا بمركز(هوندا عندها 169 عطل و تويوتا عندها 178 دا طبعا لكل 100 عربيه)
3-لكزس سابقه اكورا وانفينيتى يعنى الترتيب تويوتا و هوندا ثم نيسان بالنسبه للشركات دى المملوكه ليهم
4-لا حظوا ان هيونداى(228) زي ميتسوبيشى بالضبط وسابقه نسيان(247) وكيا(288) ومازدا(289) اللى جايه في الاخر ... شوفتوا هيونداى اللى سمعتها في مصر وحشه بالنسبه للاعطال سابقه مين(لا تعليق)
5-لاحظوا ان شركات اسطوريه زي هامر وبورشه وفولكس في نهايه القائمه
6-لاند روفر فى اخر القائمه(برضه لا تعليق)

دا بقى تقرير 2008


تلاحظوا فيه الاتى
1-لكزس في الصداره برضه وبويك بقت في المركز السادس بعد ما كنت الاول.
2-تويوتا تقدمت بسرعه للمركز الرابع(159) بعد ما كانت(178) وهوندا رجعت للمركز التاسع(177) بعد ما كانت(169) ودا اللى مزعلنى الصراحه المهم نكمل....
3-لاحظوا ان ميتسوبيشى(197) اتقدمت عن هيونداى(200)
4- نسيان تقدمت بسرعه وعندها(224) بعد ما كانت في 2007 (274)
5-هيونداى في سنه سبقت مرسيدس وانفينيتى(لااااااااااا تعليق)
6-سوبارو رجعت قوى في الترتيب كانت(192 مشكله) بقت في 2008 (228)
7- مازدا برضه اتقدمت كانت في 2007 (289) وبقت في 2008 (228)
8-كيا وفورد وفولكس مشاكلهم قلت واتقدموا في الترتيب بس مش كتير
9-شيفروليه نزلت في الترتيب كانت(229) وبقت(239)
10- برضه سوزوكى ولاندروفر في نهايه الترتيب زى 2007.

طولت عليكم بس اتمنى يعجبكم الموضوع

[ZOZ]

امال كل شوية بيقولوا هيونداي هيونداي ادي هيونداي اهي برا لكن برا غير جوه

[فادى]

فى تقرير 2008 هناك ثلاثة شركات امريكية فى المقدمة, ميركورى و كاديلاك و لينكولن و بويك, و ده بيفند موضوع عدم اعتمادية الشركات الأمريكية.
لازم بس نلاحظ حاجة فى التقارير دى:
- اولا هى تقارير مستهلكين.
- السيارات الأوروبية معقدة تكنولوجيا عن السيارات اليابانية و الأمريكية, و ده اللى بيخليها أكثر عرضة للأعطال و صعوبة الصيانة.
- السيارات الأوروبية بالاضافة الى صعوبة صيانتها, فان مراكز الخدمة الخاصة بها ليست على مستوى الكفاءة المطلوبة, مما يقلل من اعتماديتها, فالصيانة قد تجرى بشكل خاطىء مما يتسبب فى زيادة أعطال السيارة.
- مرسيدس لها مصنع فى الولايات المتحدة, يقول البعض أنه أسوأ من المصنع الأساسى فى المانيا, لذا فان أعطال مرسيدس الأمريكية أكثر من مرسيدس التى نعرفها هنا.
- يجب أن نلاحظ أن السيارات الأكثر انتشارا هى الأقل اعطالا, يرجع هذا الى أن التقرير للمستهلكين, و السيارة المنتشرة قد لا تكون أكثر اعتمادية, لكن فرصتها أكبر لنيل تقييم مرتفع.
فى النهاية فان التقييم لا يعتد به كثيرا, فهو عبارة عن تقييم احصائى لا أكثر للمستهلكين, و معظمهم له خبرة قليلة فى عالم السيارات, خاصة أن الأمريكيين ليسوا مثلنا, فهم أقل ثقافة فى تركيبة السيارة و كيفية صيانتها عموما من المصريين.

[Sharky]

امال كل شوية بيقولوا هيونداي هيونداي ادي هيونداي اهي برا لكن برا غير جوه

الناس فى مصر بتشتكى من عربيات هيونداى المجمة فى مصر و من مراكز صيانة غبور