بتعمل ايه مع السايس الغلس

[mrghost]

السلام عليكم ورحمة الله وبركاته
ايه الحكايه اليومين دول كل ماتروح حته تلاقى واحد واقف جنب الرصيفغ اللى هو مفروض شارع تركنت جنبه عادى وتلاقيه ماسك صفاره ويقولك تعالى يمين تعالى شمال ياباشا كأنك بتركن فى جراج لدرجة انى لقيت واحد واقف تحت بيت جدى اللى بركن عنده علطول وكأن المكان جراج وطبعا لازم تدفع وانت ماشى مع انه كده كده وجوده زى عدمه لان العربيه لو اتسرق منها حاجه مش هتعرف تجيبه لانه اساسا على باب الله (رئيس جمهورية نفسه ) مش شغال تبع الحى او المحافظه فياريت كل واحد يقول بيعمل معاه ايه
1-بتديله فلوس عادى كأنه يستحق الفلوس دى؟
2-لو زيارتك للمكان متكرره مابتديلوش تانى؟
3-بتنفض وتمشى وكأنه مش موجود؟

[mrghost]

نسيت اقول انى بديله بس بصراحه ببقى متضايق لان الفلوس دى فى غيره اولى بيها (مثلا الكناسين اللى فى الشوارع علشان فعلا بيتعبوا وبيشتغلوا ومهنه شريفه وفى نفس الوقت بيفيدنى) على الرغم ان فيه انواع بيكون السايس متضايق لما تديله فلوس قليله كأنه حق مكتسب واجبارى انك تدفع يعدنى مره كنت راكن فى الشارع اللى فيه سيتى ستارز بجوار دار الاشاره وبدى السابس 2 جنيه اتضايق وقاللى 5 جنيه وكأنى راكن فى الجراج بتاع سيتى ستارز !!!!!!!!!!!!!!!!!!!!!!!! وطبعا نفضت ليه ومشيت وماديتلوش ولا مليم وسبته يخبط دماغه فى الحيط

[sasatony]

ساعات بديله وساعات كتيرة بعمل عبيط وانفضله

[m_marmoush]

نسيت اقول انى بديله بس بصراحه ببقى متضايق لان الفلوس دى فى غيره اولى بيها (مثلا الكناسين اللى فى الشوارع علشان فعلا بيتعبوا وبيشتغلوا ومهنه شريفه وفى نفس الوقت بيفيدنى) على الرغم ان فيه انواع بيكون السايس متضايق لما تديله فلوس قليله كأنه حق مكتسب واجبارى انك تدفع يعدنى مره كنت راكن فى الشارع اللى فيه سيتى ستارز بجوار دار الاشاره وبدى السابس 2 جنيه اتضايق وقاللى 5 جنيه وكأنى راكن فى الجراج بتاع سيتى ستارز !!!!!!!!!!!!!!!!!!!!!!!! وطبعا نفضت ليه ومشيت وماديتلوش ولا مليم وسبته يخبط دماغه فى الحيط

ليه حق يضايق و يطمع مدام مديلوه 2 جنيه حته واحده

معلش هو الشارع ده كان ورث وارثه عن المرحوم والده وانت ركنت فيه ولا أيه

معلش هوه أخره 50 قرش, أيوه خمسين قرش ويا تديهمله يا متديهلهوش لأنه بصراحه أستنطاع ومعملش حاجه.... هوه فى الأخر شحات أو عاطل مستسهل شغلانه بعد الظهر

[egynoor]

انا عن نفسي لا أعطي أكثر من 50 قرش, و لو أظهر أي علامة من علامات الأعتراض أو الضيق اخذة منة مرة أخري و أقولة اللي فيه النصيب. يا جماعة ده ما هو اللا متسول.... ليس لدية الحق في أن يحدد ما اعطية أياة و الا تحول الي بلطجي. زمان كان المنادي يمسك فوطة و ينظف السيارة أما الآن فيمكن تنزل تلاقية جالس علي العربية

[Mohamed-Saoud]

العادي 50 قرش و لو عايز أبحبحها شويه :) يبقي جنيه بحاااااله (ممكن في الزمالك و الحتت دي) :)

[hanystar]

نسيت اقول انى بديله بس بصراحه ببقى متضايق لان الفلوس دى فى غيره اولى بيها (مثلا الكناسين اللى فى الشوارع علشان فعلا بيتعبوا وبيشتغلوا ومهنه شريفه وفى نفس الوقت بيفيدنى) على الرغم ان فيه انواع بيكون السايس متضايق لما تديله فلوس قليله كأنه حق مكتسب واجبارى انك تدفع يعدنى مره كنت راكن فى الشارع اللى فيه سيتى ستارز بجوار دار الاشاره وبدى السابس 2 جنيه اتضايق وقاللى 5 جنيه وكأنى راكن فى الجراج بتاع سيتى ستارز !!!!!!!!!!!!!!!!!!!!!!!! وطبعا نفضت ليه ومشيت وماديتلوش ولا مليم وسبته يخبط دماغه فى الحيط

السايس اللى طلب 5 جنيه دة مجنون !!!
هو كان شارى الشارع واللا حاجة !!!
هو الواحد بيديهم طبعا - يعنى 2 جنيه حلو قوى
ولو مديتهمش الواحد يخاف يعمل حاجة فى العربية من غيظه واللا حاجة

[michohat]

مرة نزلت اجيب طلبات من وسط البلد فركنت عادى ولقيت السايس شكله غلبان فقولت اكسبه حاجه قولت له لو معاك فوطه خد العربية بيها وقولت له انا طالع على طولورحت وغيبت مده مش زياده عن 10 دقائق رجعت لقيته لسه مش عمل حاجه واول ما شافنى وقفنى جنبه وقالى استنى هعملها لك
لقيته بالفوطه اللى معاه بيزود بهدله ف العربية قولت له كفايه ورحت مديله 3 جنيه (والله يعلم انى بديها له بنيه انى اساعده ) قالى لا يا بيه لسه 2 جنيه قولت له ليه راكن فى الشيراتون
وكنت هترازل عليه وهقوله هات الفلوس علشان اديله خمسه جنيه على بعضها (وكنت ساعتها مش هديله ابيض ولا اسود) فقولت لا كفايه عليك كده قال لى مش ينفع ده معرفش مين فى البلديه مأجر له المكان ده باليوم ملقتش حاجه ارد بيها عليه لانى كنت صايم فسيبته ومشيت

[MohabSaeed]

بنفضله , كأنه هواء , شى هلامى وغير مرئى .

فى الغالب لما بشوف سايس واقف فى المكان مش بقف فيه اساسا .

بس ........... فى بعض الاحيان لو لقيت ان السايس كبير فى السن و محترم و مش لازق فى العربيه و متنح بديله فلوس كنوع من الصدقه مش لانه خدمنى لانه فعلا مخدمنيش فى حاجه .

[mrghost]

ايه ده ياجماعه الظاهر انى مش لوحدى اللى مخنوق من الناس دى اللى بتعمل سايس وما هو الا نوع من التسول وخلاص وفى انتظار باقى نتائج الاستطلاع

[Abdo_Eldesokey]

النهاردة بردوا وأنا طالع من الـ Parking بتاع الجامعة

تلاقي واحد جاي جري عليا ، كل سنة وانت طيب يا أستاذ

كل مرة بنفضله ، بس المرة دي لقيت نص جنيه تحت إيدي فاديتهوله

لكن بردوا كنت مدايق ... هوا كان عملي إيه عشان أديله فلوس أساسا ً ؟

ولا لمع العربية ولا طلعني من ركنة ولا أي حاجة

الواحد لازم يبقى جبلة مع الناس دي ، لكن للأسف مش بيقدر

[sh21s]

الناس دى بتبص على اللى راكب عربية على إنه قاعد على تل من الفلوس إيه يعنى لما تديلوا 5 ولا 10 جنيه، مش عارفين إن العربية أصلا عشان ضروريات الحياة و ترحمنا من بهدلة المواصلات.
عادة الواحد بيدى للى عامل نفسه سايس اللى فيه النصيب ساعتها نص جنيه أو جنيه و لو مش عاجبه أسيبه وأمشى.
اللى بيدايق أكتر لما يكون سايس تابع للمحافظة وعايز ياخد جنيه فوق التذكرة أو مش عايز يديك التذكرة عشان ياخد الفلوس لنفسه.

[Mustafa_Farouk]

بنفضله , كأنه هواء , شى هلامى وغير مرئى .

فى الغالب لما بشوف سايس واقف فى المكان مش بقف فيه اساسا .

بس ........... فى بعض الاحيان لو لقيت ان السايس كبير فى السن و محترم و مش لازق فى العربيه و متنح بديله فلوس كنوع من الصدقه مش لانه خدمنى لانه فعلا مخدمنيش فى حاجه .

أحياناً بعمل زيك بس لم تكون في المهندسن أو الجيزة أو جاردن سيتي ، لازم تدي بقشيش وعلى الاقل ٣ جنيه عشان لم تجي تاني تقدر تلاقي مكان،أحياناً بديهم ليه وأنا مضايق بس الاماكن دي ملعونة د لو لقيت صف تاني تكون محظوظ، خصوصا من الصبح لغاية ٦ مساءً بعد كدة ممكن ممكن تلاقي بالصدفة.
الموضوع دة أصبح رخم جداً

[R A N A]

الموضوع ده فعلا بقي مستفز جدا جدا.
انا كل مرة انزل روكسي اجي اركن الاقي واحد واقف جنب العربيات واحيانا لما بيلاقيني بدور علي ركنة فاضية بيندهلي عشان اركن وممكن يساعدني في الركنة فبديله جنيه كل مرة على نفس الحال لان مقداميش حل تاني
بقالي كام مرة بنزل وملاقيش ركنات خالص ومبحبش اركن صف تاني اجي اركن حتى لو لاقيت الركنة بنفسي وركنت لوحدي من غير مساعدته الفظيعة ليا :D بلاقيه جاي جري عليا واول مانزل من العربية الاقيه بيمدلي ايده (ومليانة جنيهات مفرودة ورا بعضيها كده ) اقوله لما اجي اطلع هابقي اديك يقولي لا دلوقتي وفعلا عملتها مرة واديتله جنيه لاقيته بيقولي لا 2 جنيه ياانسة قلتله هو جنيه مفيش غيره وكل مرة بركن هنا بدفع كده لما يلاقيني مصرة بيسكت ويمشي الغريب بقي اني وانا طالعة لاقيت واحد تاني جاي بيطلعني وبيوقفلي الشارع ورايا عشان ارجع بظهري يعني ولاقيته بيبصلي قلته انا دفعت للتاني قالي معلش اي حاجة يعني قلتله وانا هادفع مرتين مرة للي مدخلني ومرة للي مطعلني قالي طب هاتي نص جنيه بس، بصراحة احرجت واديتله واعتبرتها صدقة وخلاص وهو كان راجل كبير يعني.
المرة اللي بعديها بقي جيت اركن لاقيت الاتنين واقفين ولما نزلت قلتله لما اجي اطلع هادفع قالي لا دلوقتي قلتله لما اجي اطلع انا مش هادفع مرتين انا كل مرة اركن كررها مرة رديت وقلته المرة اللي فاتت دفعتلك ودفعتله لما اجي اطلع هادفع للي مطلعني بقي وعليت صوتي (بخوفه يعني :D) فسكت ومشي وانا جاية طالعة بقي مجاليش لانه كان ملخوم في عربيات تانية فطلعت بسرعة ونفضته طبعا وانسبطت اني مدفعتش المرة دي :D بجد لانه فعلا مش من حقه انه يخلينا ندفع مكان ركنتنا في الشارع يعني.
اما بقي اللي قدام سيتي ستارز دول معلمين اصلا ده بيشترط عليك تدفعله 3 جنيه واول ماتنزل من عربيتك مش وانت طالع حاولت اقوله وانا راجعة قالي لا ياآنسة دلوقتي بس دي كانت اول مرة اركن في المكان ده خصوصا اني سألت علي باركنج سيتي ستارز لاقيت الساعة ب 7 جنيه وفعلا مرة كنت مع صاحبتي بعربيتها ركنت في الباركنج ودخلنا اكلنا واتمشينا شوية وخرجنا دفعت 36 جنيه وقتها تقريبا حق 4 ساعات فلاقيت ان 3 جنيه اوفر من 36 جنيه بكتير :D
بس فعلا ياجماعة انتوا متأكدين ان الناس دي مالهاش حق في الكلام ده في منهم بيقوا لابسين Uniform لونه بني كده بس مش بيبقي معاهم تذاكر وبتبقي الركنة بردة في الشارع.
طب سؤال بيطرح نفسه الحكومة ليه سايبة الناس دي كده بقي ؟ والغريب اني بلاقيه بيخلي الناس تركن صف تاني والامين بيبقي واقف الناحية التانية اساساً تفتكروا مظبط مع الامين ولا الناس دي بتركن وبتاخد مخالفات وهي مش عارفة وبتدفعله باركنج في نفس ذات الوقت؟:k41:

[Karim_Monir]

خصوصا اني سألت علي باركنج سيتي ستارز لاقيت الساعة ب 7 جنيه وفعلا مرة كنت مع صاحبتي بعربيتها ركنت في الباركنج ودخلنا اكلنا واتمشينا شوية وخرجنا دفعت 36 جنيه وقتها تقريبا حق 4 ساعات فلاقيت ان 3 جنيه اوفر من 36 جنيه بكتير :D
:k41:

باركينج سيتي ستارز اول ساعة ب 5 جنية وتاني ساعة ب 3 جنية وكل ساعة بعد كدة ب 2 جنية
واجمالي ثمن اليوم 25 جنية لان مفيش بيات اطلاقا بيطلعوها بونش
ولو ضاعت التذكرة كلها تمنها 25 جنية
اكيد صاحبتك حاسبت غلط او الراجل غالطها في الحساب
ولو دخلتي سينما تاخد 3 ساعات ب 5 جنية
ولو اشتريتي حاجات من سبينس تاخدي عن كل 100 جنية في الرسيت خصم ساعة
بحد اقصى 3 ساعات