بتعمل ايه مع السايس الغلس

[mr_kenawy]

برده الثلاثة جنيه ارخص , ده غير الغلاسة و يقولك افتح الشنطو و يقعد ينخفس فيها.

[Nour_Peugeot]

انا لسه كنت راكن عند سيتي ستارز و ركن خلاص و قفلت العربية لقيت واحد بيصفر بيقلوي ايوه يا باشا

رحت قبله نعم قلي 3 جينة ركنه قولتله هتلي ورقة تثبت انك ليك حق تاخد مني فلوس رح بصيصبي كده و راح صفر لعربيية تانية

و لما رجعت و ماشب جالي واحد زميلة بيقلي حضرتك دفعت ال 3 جينة ركنه قولتله مفيش 3 جينة و اتنرفيزت عليهم

و قولتله معاك ورقة من الحي تثبت ان ليك حق هنا قلي لا انا بحمهالك من الونش قولتله لا سيب الونش يشله

عارف لو مكنوش اتكلمه كنت بديلة نص جينة زي صدقة كده بس

[Rsarabia]

بنفض بس لو مشيت و العربية مش كويسة فعلا و رجعت لقيته فعلا فعلا منضفها من اللى عليها و عامل العتب و كدا بديله لكن اللى بيستهبل و انا طالع بطلب منه يوقف و بنفض

[mohamed ibiza]

لما تكون دماغي رايقة بديلهم انما غير كده يضرب دماغه في الحيط خصوصا بقي السياس بتوع الداون تاون في اسكندرية يااااااااااااااااااااه قمة في الرخامة يقف ميعملش حاجة و ييجي و انت طالع يمسحلك الازاز و كل سنة و انت طيب يا بيه و عايز فلوس طبعا بديله في سنانه:d:d

[R A N A]

باركينج سيتي ستارز اول ساعة ب 5 جنية وتاني ساعة ب 3 جنية وكل ساعة بعد كدة ب 2 جنية
واجمالي ثمن اليوم 25 جنية لان مفيش بيات اطلاقا بيطلعوها بونش
ولو ضاعت التذكرة كلها تمنها 25 جنية
اكيد صاحبتك حاسبت غلط او الراجل غالطها في الحساب
ولو دخلتي سينما تاخد 3 ساعات ب 5 جنية
ولو اشتريتي حاجات من سبينس تاخدي عن كل 100 جنية في الرسيت خصم ساعة
بحد اقصى 3 ساعات

بس فعلا ده حصل قدامي يااستاذ كريم احنا كنا في رمضان اللي فات وكان الإفطار بتاع الشركة في الإنتركونتيننتال بتاع سيتي ستارز يومها فطرنا ولفينا شوية فيالمول ودوخنا لحد ماوصلت لمكان العربية لانها نسيت هي راكناها فين :D ودفعت المبلغ ده.
وكمان السنة دي بردة في رمضان كان الفطار بتاعنا في نفس الفندق برده وانا معدية سألت الحارس هناك اللي عند المول والفندق في واحد قالي الساعة مش عارفة ب 3 جنيه وبعدين بتقل بعد كده بس مش متأكد، والتاني قالي الساعة ب 7 جنيه وده تقريبا بالنسبة لأول ساعة والسعر ده تقريبا من الساعة 6 لحد الساعة معرفش كام .
غالبا الفرق ده ممكن يكون بين باركنج المول وباركنج الفندق بيبقي اغلي شوية لاني سمعت كده فعلا والله اعلم.
بس برده يعني لو ركنها في الباركنج اقل واجب في الليلة دي هاتدفع 10 ل 15 جنيه يبقي ال 3 جنيه اوفر وياسلام بقي لو عرفنا ننفض للسايس ومدينالوش فلوس خالص يبقي تمام اوي :D

[tamohsen]

بتتكلمو في أيه
خلاص مفيش فايده
دول وباء واستشري خلاص
بقت مهنه كل عاطل وبلطجي
ربنا يخلصنا منهم

[amr_elrashidy]

هى فعلا اكتر حاجه تخليك ممكن تاكل المنادى ده لما ييجى يستظرف و يقولك فلوس اول ماتركن و كأنك ركنت فى جراج عمه..ساعتها اول حاجه بتبقى نفسك فيها انك تحطه تحت العجل..او تلزقه شلوت ..المهم يختفى من قدامك

[alaa_dash]

طيب اذا سيبته يخبط راسه في الحيط و يشرب من البحر ...

ايه الوضع لو حد رجع لقى عربيته فيها خبطة هنا او خدش معتبر هناك ؟؟؟

[Amrrr]

بديله لو ساعدني فعلا في الركن او عند الشغل (سيتي ستارز جنيه في اليوم عشان مايعملشي حاجة في العربية وطبعا مرة في مرة مش لازم ادفع كل يوم وصاحبتهم بس دا عشان عند الشغل وهشوفهم كل يوم ( هي مجموعة مش واحد ومقسمين الشارع )
والبداية كانت ان لما باركن الصبح مش بيبقوا موجودين وبيظهروا وانا مروح ، أول يوم قلتله عايز ايه ؟ وهو واقف جنب العربية ؟
قاللي اتنين جنيه
قلتله : ليه ؟ ادفعلك ليه اتنين جنيه ؟ انت عملتلي ايه ؟ طبعا مانا هاركن كل يوم فلازم أأمن عليه !!!!!
جاء راجل كبير من وراه ( سايس معاهم برضة قالو خلاص وقاللي خللي يابيه ) فناقشتة وقاللي خلاص معاك حق وحسيت انه كدة راضي فعلا ومتنازل عن الاتنين جنيه رحت مديلة الجنيه وخلاص بقت عادة بس لو مش عايز ادفع خلاص بامشي وهو مش بيترازل وبييجي يطلعني بالعربية ( عشان العربيات بتبقى لازقة في بعضيها وبيقعدوا يزقوا في العربيات عشان يطلعك ) ومش بيطلب الفلوس
غير كدة في اي مكان لو السايس عمل حاجة بدفعلة جنيه أو نص او اتنين حسب المجهود اللي عملة لو كان زق عربية مثلا او كدة
ولو السايس معملشي حاجة وبيبلطج يبقى . . . . . ومفيش ولا قرش

[meeezo333eg]

طيب و تعمل ايه لو لقيته خربشهالك او كابلك عليها بوية و تكلمه يقوللك وانا اعرف منين يا بيه , ما شفتهاش مش شغلى

[shanodaa]

طيب و تعمل ايه لو لقيته خربشهالك او كابلك عليها بوية و تكلمه يقوللك وانا اعرف منين يا بيه , ما شفتهاش مش شغلى

بكره الحكومه تاخد كل الاماكن وتبيعها للقطاع الخاص ويخدو ثمن الوقوف باساعه
السايس ارحم

[homme49]

منذ عدة سنوات مررت بظرف غريب من مدعى عمل السايس فى أحد أيام الأعياد (العيد الكبير) .
نزلت من المنزل بعد صلاة العيد أرغب فى شراء خبز و حصلت عليه بصعوبة و وضعته على الكنبة الخلفية فى السيارة حتى يبرد و رغبت أيضا فى شراء جريدة الأهرام و لكنى لم أعثر عليها فى أى من شوارع مصر الجديدة و خطرت لى فكرة أن جريدة الأهرام لن يكون عليها طلب كبير فى الفنادق ، فذهبت إلى فندق شيراتون هليوبوليس و كان البارك
متاح به أماكن خالية متعددة و لم يكن هناك من ينظم عملية الدخول و الخروج و بعد أن إشتريت جريدة الأهرام من المحلات الموجودة داخل الفندق و عندما هممت بركوب السيارة و التحرك بها جرى خلفى أحد عمال الفندق ينادى بصوت عالى فتصورت أن هناك أمر مهم و عندما إقترب منى طلب ثلاثة جنيهات و عنما أدركت أنه بيستعبط سألته هل سوف أحصل على تذكرة مقابل تلك الجنيهات فنفى و قال يا بيه الدنيا عيد و كل سنة و إنت طيب فقلت له أننى ليست معى فكة و هممت بالإنصراف ثم توقفت بعد عدة أمتار فأتى إلى مهرولا فمددت له يدى برغيف خبر و قلت له خذ علشان تاكل عيش

[mrghost]

منذ عدة سنوات مررت بظرف غريب من مدعى عمل السايس فى أحد أيام الأعياد (العيد الكبير) .
نزلت من المنزل بعد صلاة العيد أرغب فى شراء خبز و حصلت عليه بصعوبة و وضعته على الكنبة الخلفية فى السيارة حتى يبرد و رغبت أيضا فى شراء جريدة الأهرام و لكنى لم أعثر عليها فى أى من شوارع مصر الجديدة و خطرت لى فكرة أن جريدة الأهرام لن يكون عليها طلب كبير فى الفنادق ، فذهبت إلى فندق شيراتون هليوبوليس و كان البارك
متاح به أماكن خالية متعددة و لم يكن هناك من ينظم عملية الدخول و الخروج و بعد أن إشتريت جريدة الأهرام من المحلات الموجودة داخل الفندق و عندما هممت بركوب السيارة و التحرك بها جرى خلفى أحد عمال الفندق ينادى بصوت عالى فتصورت أن هناك أمر مهم و عندما إقترب منى طلب ثلاثة جنيهات و عنما أدركت أنه بيستعبط سألته هل سوف أحصل على تذكرة مقابل تلك الجنيهات فنفى و قال يا بيه الدنيا عيد و كل سنة و إنت طيب فقلت له أننى ليست معى فكة و هممت بالإنصراف ثم توقفت بعد عدة أمتار فأتى إلى مهرولا فمددت له يدى برغيف خبر و قلت له خذ علشان تاكل عيش

والله فكره ههههههههه لو على رغيف عيش يبقى مقدور عليه خصوصا ان الواحد طالب وبيصرف لسه ولو ان حتى العيش مش عارفيتن نشتريه فى البلد دى حسبى الله ونعم الوكيل

[shoudy2005]

خلو بالكو يا جماعه مره كنت راكن قدام سيتى سنتر و لما جيت امشى اديت للسايس 2 جنيه و ساعتها قالى استنى و لقسته طلع حجر من تحت العربيه

[Karim_Monir]

بس فعلا ده حصل قدامي يااستاذ كريم احنا كنا في رمضان اللي فات وكان الإفطار بتاع الشركة في الإنتركونتيننتال بتاع سيتي ستارز يومها فطرنا ولفينا شوية فيالمول ودوخنا لحد ماوصلت لمكان العربية لانها نسيت هي راكناها فين :D ودفعت المبلغ ده.
وكمان السنة دي بردة في رمضان كان الفطار بتاعنا في نفس الفندق برده وانا معدية سألت الحارس هناك اللي عند المول والفندق في واحد قالي الساعة مش عارفة ب 3 جنيه وبعدين بتقل بعد كده بس مش متأكد، والتاني قالي الساعة ب 7 جنيه وده تقريبا بالنسبة لأول ساعة والسعر ده تقريبا من الساعة 6 لحد الساعة معرفش كام .
غالبا الفرق ده ممكن يكون بين باركنج المول وباركنج الفندق بيبقي اغلي شوية لاني سمعت كده فعلا والله اعلم.
بس برده يعني لو ركنها في الباركنج اقل واجب في الليلة دي هاتدفع 10 ل 15 جنيه يبقي ال 3 جنيه اوفر وياسلام بقي لو عرفنا ننفض للسايس ومدينالوش فلوس خالص يبقي تمام اوي :D

اه كدة كلام تاني
الفندق اكيد ليه اسعار تانية
انا بتكلم عن جراج المول
من بعد الساعة 5 اول ساعة ب 5 والتانية 3 واي تكرار 2 جنية
ده حتى كنت لسه هناك امبارح ودافع 3 ساعات ب 10 جنية