بتعمل ايه مع السايس الغلس

[Noha.M]

لا انا غالبا بنفض خصوصا لو مقعدتش غير 5 دقايق مثلا او بسحب فلوس من atm او نازلة اجيب كارت او مية لكن لو مطولة فى مكان بدى اللى فيه النصيب و خلاص

[sa3dawy]

انا غالبا بديلة علشان مضطر ... بلاقية راجل اكبر منى وبتاع فبتكسف اققولة حاجة

[homme49]

خلو بالكو يا جماعه مره كنت راكن قدام سيتى سنتر و لما جيت امشى اديت للسايس 2 جنيه و ساعتها قالى استنى و لقسته طلع حجر من تحت العربيه

أعتقد أنه كان يستخدم ذلك الحجر لإيقاف السيارة و منعها من الإنزلاق و ليس لمكروه ينوى عمله - و يقال فى ذلك الصدد : يحجر العربية (أى يمنعها من التحرك بوضع ظلطة أو حجر صغير أمام العجل )

[Amrrr]

أعتقد أنه كان يستخدم ذلك الحجر لإيقاف السيارة و منعها من الإنزلاق و ليس لمكروه ينوى عمله - و يقال فى ذلك الصدد : يحجر العربية (أى يمنعها من التحرك بوضع ظلطة أو حجر صغير أمام العجل )

يتوقف على حجم الحجر وانا بركن كل يوم وفعلا بيبقى حجر صغير يوقف بيه العربية عشان يحجز مكان او يوسع مكان لحد يركن او يطلع وكدة واذا عشقت العربية او شديت فرامل اليد ، بيتعافوا على العربية ويزقوها بالعافية
بس هي فكرة فعلا ان السايس يحط حاجة تحت العربية تعورها لو مدفعتلوش ويشلها لو دفعتلة الواحد بقى بيتوقع اي حاجة دلوقتي

[م.احمد زكريا]

أنا بصراحة احب اقدر الي بيعمل شغل

يعني مثلاً لو لقيتة هو الي بيستقبلني وبيشاورلي على المكان ويساعدني وانا داخل وانا خارج أو عمل اي مرحلة منالمراحل دي

اديله طبعاً حسب تعبه

اما لما انا الادور واركن واطلع وبعد ما اطلع وانا ماشي الاقي الي جاي بيجري ينادي يا باشا ويا بيه والحركات القرعة دي
باعمل نفسي مش شايفة وامشي

[shoudy2005]

الحجر اللى انا بقول عليه هو حجر الرصيف يعنى كبير و شاله من وسط العربيه على العموم انا قبل ما بركب ببص لو فيه حاجه تحت

[medomada]

أنا عادة لا أعطى نقود الى من لا يستحق لانى أعتبر ده نوع من التشجيع على البلطجه و أتذكر إن مرة كنت راكن فى شارع العريش فى الهرم و أنا بطبعى أرفض مساعده حد لى فى الركنه علشان أنا مش سايق مقطوره المهم لما جيت أمشى لقيت حد جاى بيجرى و بينده يا بيه يا بيه , أنا عارف هو عايز ايه و مع ذلك وقفت قام طلب فلوس ,سألته فى مقابل أيه ؟ قال الركنه , قلت أنا بادفع للحكومه مقابل إستعمال الشارع أنت بقه علاقتك أيه ؟ قام قال إحنا بنأجر المكان من المحافظه و طلع إيصال كده من جيبه , المهم قلته إنت فعلا بتعمل كده ؟ رد و قال أيوه , قلتله أوك ما تعملش كده تانى و إوعى تخلى الحكومه تضحك عليك و سبته و مشيت...طبعا النماذج كتير لكن لما حد بيغلس بأوله عندك النمره خدها و بلغ. لكن طبعا مستحيل أعمل كده قبل ما أركن خوفا من إنه يعمل حاجه فى العربيه و أنا دائما أرفض و بإصرار موضوع الدفع المسبق ده.

[Noha.M]

أ أنا دائما أرفض و بإصرار موضوع الدفع المسبق ده.

طيب حتة زى قدام سيتي ستارز دي نعمل فيها ايه؟ اصلا الولد مش بيمشيك و بيفضل يحجز عليك لحد ما تجيب التلاتة جنيه مقدما !! و بجد من كتر الخنقة بدفع و خلاص مع ان نظام الاستقطاع دة مبطيقووش بس هعمل ايه طيب و حلها ايه؟ و اخاف امشي و اسيبله العربية يجيبلي الاربع فرد على الارض ولا حاجة و لا بعمل فيها اى مصيبة !!

بجد تحس انك ملوى دراعك . مش بيديك فرصة تعمل الحاجة بنية كويسة

[solycar]

على فكرة يا جماعة

الناس دى بلطجية

و نفس الوقت جبنة جدا و من اقل حاجة بتخاف

و لو فكرت تزعق له و تهدده هيقفل بقة

جرب و مش هتندم

بس انا مش مسئول :)

[medomada]

قوليلو لما أرجع و ألاقى عربيتى كويسه و مش مخبوطه أبقى أديلك , و بعد كده إدفعى اللى انتى عايزاه بس و لو عاجبه.

[ابوهاشم]

انا بدفع بس مش عشان همو يستاهلو ولا حاجه لكن خوف منهم ليعملو حاجه فى العربيه وانا مش موجود لكن الحقيقه انهم شوية بلطجيه فرضو نفسهم علينا

[sherif_m72]

انا بقه بعمل حاجه بسيطه جدا بس فعاله جدا جدا
بعمل ظابط بس والله بدون قصد او تعالي بس هم فعلا بيفتكرونى كده
وطبعا برجع الاقى العربيه زى الفل وبديله اللى يكون فيه النصيب
والميزة بقه انه بيخدهم ويسكت وساعات كتير ميرضاش ويقولى لا والله ياباشا ميصحش
وانا لقيتها مصلحه واتعودت عليها

[king_de_egypt]

انا بقولهم شرطه و اسبهم و امشى :d و بيعظمولى كمان و بحس انهم هما اللى هيدونى الفلوس

[Goodle]

الحجر اللى انا بقول عليه هو حجر الرصيف يعنى كبير و شاله من وسط العربيه على العموم انا قبل ما بركب ببص لو فيه حاجه تحت

لأ كده واضح فعلا إنه كان حاطه عشان غرض غير "تحجير" العربية من الإنزلاق !!
خدوا بالكوا يا جماعة !!!

[Goodle]

انا بقه بعمل حاجه بسيطه جدا بس فعاله جدا جدا
بعمل ظابط بس والله بدون قصد او تعالي بس هم فعلا بيفتكرونى كده
وطبعا برجع الاقى العربيه زى الفل وبديله اللى يكون فيه النصيب
والميزة بقه انه بيخدهم ويسكت وساعات كتير ميرضاش ويقولى لا والله ياباشا ميصحش
وانا لقيتها مصلحه واتعودت عليها

طيب بتقول إيه ولا بتعمل إيه يا باشا
عشان الواحد يسبكها ونكتمهم بدل الصداع؟
يعني بتتصرف إزاي ولا بتقول إيه ؟؟