ساعدونى بالله عليكم عايز اشترى عربية وهتجنن

[wael_adly]

ساعدونى بالله عليكم عايز اشترى عربية بالقسط ومش عارف اختار
انا هقولكم على ظروفى وانتوا ترشحولى العربية لانى لفيت على المنتدى ولاقيت الناس لهم بيشكروا وبيشتموا فى العربيات بالتبادل
انا عايز العربية فى حدود 80000 إلى 85000 حنيه
بعد خصم القسط مش استحمل اى مصاريف زيادة للعربية يعنى عايز عربية معمرة وقطع غيار رخيصة
قالوا ايمجراند 7 ، فيرنا ، شيفروليه لانوس ، لوجان

[the lawyer]

لوجان شكل جديد وش حاول تجيب تاني فئة في حدود 86000 جنيه

[shiko85]

فيرنا او لانوس

[midooo_119]

امجراند 7

[wael_adly]

الايمجراند 7فيها عيوب صناعة كتير
الفيرنا مشكلتها فى الفرامل والثبات
الانوس شيفروليه مبوظها
اللوجان الجديدة محدش جربها كتير وجايه من الجزائر مش المغرب
انا بقى اعمل ايه

[shiko85]

الايمجراند 7فيها عيوب صناعة كتير
الفيرنا مشكلتها فى الفرامل والثبات
الانوس شيفروليه مبوظها
اللوجان الجديدة محدش جربها كتير وجايه من الجزائر مش المغرب
انا بقى اعمل ايه

حضرتك قلت عايز عربية معمره وقطع غيار رخيصه
اعتقد ان الفيرنا هى الأختيار المناسب
مشكله الفرامل و الثبات فالفيرنا حلها تغيير الكاوتش لمقاس اكبر

[wael_adly]

يعنى وبالنسبة للصيانة هغير ايه بعد كم كيلو متر

[wael_adly]

معلش انا عارف انى تاعبكم معايا
بس بجد انا خصرت فى العربيات كتير اجيب مستعمل واصرف لحد ما اتخنق وابيع والخ 3 عربيات بهذا الشكل فمش عايز اخسر تانى

[shiko85]

يعنى وبالنسبة للصيانة هغير ايه بعد كم كيلو متر

الصيانه تعتبر ثابته او متقاربه جدا فكل العربيات لكن الأختلاف فى المصنعيه و سعر قطع الغيار
الميزه فالفيرنا انك مش محتاج غبور و ممكن تستغنى عنه خالص و تروح اى مركز خدمه معتمد و فيه مراكز بتشترى حضرتك قطع الغيار و هم يركبوها و تدفع المصنعيه و ممكن تتعامل مع ميكانيكى خارجى لو مش عايز تربط نفسك بالصيانات الدوريه بس نصيحه بلاش على الأقل او سنه

[kokowasfy]

الحالة بتاعتك فيرنا مناسبة ليك او لانوس

[D.Ahmed Ismail]

الرانج ده كل العربيات اللي فية وحشة
يبقي انت تشتري عربية تمشي الحال ماتعطلش و ماتصرفش عليها و تبيعها بعد كدة بسعر كويس و تركي حاجة عدلة
لذلك
لانوس او فيرنا فقط
لانهم بلا اعطال و اعادة بيع ميه مية

[J A G U A R]

لانوس وفيرنا مناسبين

[Hobgoblin]

Verna

[S O P H O S]

الفيرنا او لوجان

[drcobra]

عربية عائلية ومناسبة للبلد بس بدون شد (لوجان )
عربية شبابية للشد والجرى بس مش مناسبة لعائلة (فرنا)