إعلان بيع عربية مستعملة

[Omar Mahmoud]

من إسبوع تقريبا كنت في شركة كونتاكت و شوفت إعلان لعربية معروضة للبيع و الإعلان بيقول"فابريكة برة و جوة -ماشية 58000 تقريبا-الإستبن منزلش الارض"
انها فابريكة برة و جوة دي حاجة هتعلي سعرها علشان-المفروض-هي معملتش حادثة قبل كدة
لكن إيه حكاية الاستبن؟؟هي دي حاجة ممكن تعلي او تقلل من قيمة العربية وقت البيع؟؟و ليه؟؟؟
شكرا

[J A G U A R]

ممكن يكون قصده ان العربيه ممشتش كتير والكاوتش لسه جديد وبحالته

[mhopa2440]

قصة ان الاستبن مش نزل الارض حاجة ملهاش اي لازمة ف اي حاجة
انا عربيتي موديل 2002 واول مرة اركب الاسبتن السنة دي كان بترصيص بلاده بالعلامات الصفراء والحمراء اللي ف الجنط والكاوتش

بس هي دليل ملوش لازمة على ان الكاوتش متخرمش واضطر يغيره بالاستبين يعني بيمش ف طرق نظيفة او مشيه قليل

بس لما هتشتري مظنش ان ف حد بيسال على الاستبن غير انه يتاكد انه موجود بس

[monamize4]

افتكاسة من افتكاسات المصريين ملهاش لازمة
و مابتفرقش ابدا ف سعر العربية ,,

[S O P H O S]

مجرد كلام
علشان العربية تحلي فعين المشتري وغير مؤثرة بالمرة
كان عندي زمان عربية بيجو موديل قديم قعدت سنتين الكاوتش مفيش فردة اتخرمت حتي