تأثير ازمات وسعر الوقود على اسعار السيارات فى مصر ؟

[mohfud]

سؤال محيرنى ؟؟
هل ارتفاع سعر البنزين يؤثر بالسلب على أسعار السيارات فى مصر ؟
وهل الازمات والنقص المفاجىء للبنزين يؤثر بالسلب ايضا ؟
ام ان مصر لها وضع خاص مهما استمرت وتصاعدت الازمات يظل ارتفاع الاسعار كما هو فى ارتفاع متزايد لا يؤثر فية شىء ؟؟؟؟!!!!!!!!!!!!!

[rotanamasoud]

اعتقد بالنسبه للمستعمل كلما زادت السعه التريه ادت لانخفاض سعر البيع والعكس
والجديد كلما كانت العربيه موفره فى سحب البنزين وتوافقها مع ال80زاد الطلب اى سعرها يزيد
يعنى بصفه عامه كل العربيات الاقتصاديه ترفع والغير موفره فى البنزين تنزل
خاصه ان الدعم فى خلال مده زمنيه عايزين يوصلوه صفر(تقريبا حيكون ال80 ب3.75 على ما اتذكر)
والله اعلم

[Merooxx]

الله اعلم

[mhi00002000]

عشان. انا مض متابع هو 92 بكام اللتر حاليا

[غزلة]

تماما كما قلت: ام ان مصر لها وضع خاص مهما استمرت وتصاعدت الازمات يظل ارتفاع الاسعار كما هو فى ارتفاع متزايد لا يؤثر فية شىء: خد عندك الدولار مثلا يكون نازل تحت الصفر في العالم اجمع الا في مصر بيرتفع

[mohamed sharm]

انا اقبل ما اخش على الموقع بثوانى كنت بافكر فى نفس السوال ... اعنقد ان الوضع فى مختلف زى كل حاجه فى البلد بعنى العربيات حتغلى برضه

[رامي مصطفى]

طيب ايه سبب الازمه الحاليه؟
مين بيهرب البنزين والسولار لغزه دلوقتيي

[Hazem_Ahmed]

الهجره هي الحل :(

[hateeem]

يا جماعه الفكرة مش فى ارتفاع الدولار او نزوله

الفكرة ان الحكومة عايزة تقلل الدعم عن المواد البترولية عشان يقلل العجز فى الموازنة العامة للدولة

وده اللى هيخلى اسعار البنزين تزيد

بس ياريت بقى تقليل الدعم ده يعود بالنفع ع البلد ونلاحظه ملاحظة ماديا ملموسة مش كلام والسلام

[رامي مصطفى]

يا جماعه الفكرة مش فى ارتفاع الدولار او نزوله

الفكرة ان الحكومة عايزة تقلل الدعم عن المواد البترولية عشان يقلل العجز فى الموازنة العامة للدولة

وده اللى هيخلى اسعار البنزين تزيد

بس ياريت بقى تقليل الدعم ده يعود بالنفع ع البلد ونلاحظه ملاحظة ماديا ملموسة مش كلام والسلام

بس ياريت بقى تقليل الدعم ده يعود بالنفع ع البلد ونلاحظه ملاحظة ماديا ملموسة؟؟؟؟؟؟؟؟؟؟
ملموسه؟ ناس طيبين اوي ياخال
يافندم هوا احنا لسه ما استويناش من كدب الحكومات من ايام فرعون الدعم ده هيوفروه فعلا بس مش عشاني وعشانك لأ
ده عشان الحراميه ايللي احنا وقفنا حالهم من السرقه من 25 يناير 2011 الى الآن يعوضوا خسايرهم

[waley]

كل ما السعة اللترية تقل سعر العربية هايرفع والعكس

[toty_305]

الدعم محدش هيشوف منه حاجة لان اصلا الميزانية فيها عجز الحبة اللي هيتوفروا هيسدوا العجز بسيط

[ahmed_sawalhy]

ربنا يسترها علي البلد ويحميها

[medo_31]

كل حاجة هتزيد من مواصلات وخلافه لكن سوق السيارات بالذات جديد ولا مستعمل ده حالة لوحده شغل عفاريتي كده لا ليه علاقة ببنزين ولا جاز , وكمان هي الاسعار هتروح فين بعد كده لما عربية من التسعينات بحاجة وخمسين الف تقولي كوري تقولي ياباني مش منطقي ابدا

[magyver]

المشكلة مش فالعربياات
المشكلة ان كل حااجحة تغلي لما البنزيين يغلي
حتي عود الجرجييير هاايغلي
لكي الله ياامصر