عمل عقد بيع مسجل و الرخصة منتهية

[mahamad9999]

السلام عليكم

انا اشتريت عربية من سنة 2011 ودفعت حوالي 90 في المية من تمنها مع الاستلام وعملنا عقد ابتدائي وباقي للبايع 4 الاف - بعد استلام العربية ودفع الفلوس اكتشفت انها عاملة حادثة وطبعا البايع رفض يرجع الفلوس وياخد العربية ومن بعدها غير رقمة ومكنتش عارف اوصلة

دلوقتي وصلتلة وعايزة يعملي عقد مسجل مش توكيل

السؤال بقة - دلوقتي الرخصة انتهت من سنة 2011 - ينفع نعمل عقد مسجل على الوضع دة ولا لابد من تجديد الرخصة الاول ؟

وحاجة اخيرة - العربية كان معاها تصريح مش رخصة - بس التصريح دة شكلة نفس الرخصة بالظبط - الفرق الوحيد ان مكتوب علية تصريح تسيير سيارة ( بدلا من رخصة تسيير سيارة ) وكانت مدتة 3 شهور - فهل دة يحل محل الرخصة وينفع نعمل بيع العقد المسجل ؟

[Honda_lover]

مينفعش تعمل عقد بيع مسجل بتصريح لازم رخصة وتكون سارية او شهادة بيانات موجهة للشهر العقاري بالتحديد

[mahamad9999]

طيب ينفع نطلع شهادة بيانات موجهة للشهر العقاري بالتصريح المنتهي ؟ و بشهادة البيانات نعمل عقد مسجل

انا مش عايز اجدد الرخصة قبل ما العربية تكون بأسمي لاني لو جددت على الوضع الحالي و الرخصة لسة بأسمة مضمنش انة يكمل اجراءات البيع

[Honda_lover]

طيب ينفع نطلع شهادة بيانات موجهة للشهر العقاري بالتصريح المنتهي ؟ و بشهادة البيانات نعمل عقد مسجل

انا مش عايز اجدد الرخصة قبل ما العربية تكون بأسمي لاني لو جددت على الوضع الحالي و الرخصة لسة بأسمة مضمنش انة يكمل اجراءات البيع

ينفع طبعا بس هتدفع المخالفات الاول وبعدين تطلع شهادة بيانات موجهة للشهر العقاري وتروح تسجل العربية باسمك عادي جدا

[احمد المصرى]

يعنى انت من سنه 2011 معاك عربيه مش بتاعتك ودافع فلوسها ومش قادر تستخدمها ربنا يكون فى عونك بجد


هتروح تجيب شهاده بيانات موجهه للشهر العقارى بس ما تدفع المخالفات وبس كدا وتروح الشهر العقارى يعملك عقد بيع مسجل

[mahamad9999]

شكرا يا رجالة لمساعدتكوا

سؤال اخير - دلوقتي البايع بيقولي انة كان بيدفع ضريبة السنين الي فاتت لغاية السنة الحالية 2014 وطبعا عايز ياخد فلوس الضريبة منى لان العربية كانت معايا في الوقت دة بس الايصال ضايع منة

فهل معنى اني اطلع شهادة بيانات موجهة للشهر العقاري دة اثبات ان الضريبة مدفوعة لغاية سنة 2014 ولا شهادة البيانات بتطلع حتى لو العربية عليها ضريبة مش مدفوعة ؟

[2CODE]

شكرا يا رجالة لمساعدتكوا

سؤال اخير - دلوقتي البايع بيقولي انة كان بيدفع ضريبة السنين الي فاتت لغاية السنة الحالية 2014 وطبعا عايز ياخد فلوس الضريبة منى لان العربية كانت معايا في الوقت دة بس الايصال ضايع منة

فهل معنى اني اطلع شهادة بيانات موجهة للشهر العقاري دة اثبات ان الضريبة مدفوعة لغاية سنة 2014 ولا شهادة البيانات بتطلع حتى لو العربية عليها ضريبة مش مدفوعة ؟

معلش قوله يعني ايه تدفع ضريبه (وهو باعلك العربية - بالعقل كده مش هيدفع حاجة سنتين ورا بعض ويدفعهالك كده !!!!!!!)

قوله معلش اشوف الايصال ادفعلك الفلوس غير كده لأ خصوصاً انك من بداية الحكاية باين عليه واحد بتاع الاعيب وحرامي حبتين تلاته !!!!!!!!

[mahamad9999]

باعلي العربية بعقد ابتدائي بدون توكيل او عقد مسجل - يعني العربية لسة بأسمة

دلوقتي السؤال هل شهادة البيانات الموجهة للشهر العقاري بتطلع حتى لو الضريبة مش مدفوعة ولا شرط انها تكون مدفوعة ؟

[hesham fawzy h]

متابع

[Honda_lover]

باعلي العربية بعقد ابتدائي بدون توكيل او عقد مسجل - يعني العربية لسة بأسمة

دلوقتي السؤال هل شهادة البيانات الموجهة للشهر العقاري بتطلع حتى لو الضريبة مش مدفوعة ولا شرط انها تكون مدفوعة ؟

ملهاش دعوة بالضريبة بتطلع في كل الاحوال بس انت ممكن وانت فالمرور تسال علي الضريبة مدفوعة ولا لا