تجديد رخصة القيادة من مرور غير مرور الرخصة الأصلية

[afarouk]

سلام يا شباب

أنا رخصتى طالعة من مرور الأسكندرية ولكن أنا الأن أعيش فى القاهرة ورقمى القومى تم تغيير العنوان به للقاهرة والأن أريد أن أجدد رخصة القيادة فماذا أفعل ؟ هل لازم أروح إسكندرية لتجديد الرخصة هناك ؟ أم يمكن من القاهرة علطول ؟

[midooo_119]

التجديد حسب العنوان

[afarouk]

التجديد حسب العنوان

يعنى حتى شهادة المخالفات ممكن اطلعها من القاهرة ومش لازم اروح الأسكندرية ؟

[mohamed_selim]

لا طبعا
هتروح اسكندريه تعمل شهادة المخالفات و تطلع على القاهره تعمل الرخصه الا اذا مرورك كان على الشبكه و ساعتها تطلع شهادة المخالفات من اى نيابة مرور(بس ممكن يغلسو ويقولك روح مرورك) او من على النت

[kantofanto]

فعلا لازم تروح مرورك الاول ، يأخى متنساش انك بتتعامل مع موظفين حكومة يعنى لازم يتعبوك.

[afarouk]

هو شهادة المخالفات ممكن تطلع من على النت ؟ ايه اسم الموقع ؟

شكرا لجميع الردود على محاولة المساعدة

[salsat]

هو شهادة المخالفات ممكن تطلع من على النت ؟ ايه اسم الموقع ؟

شكرا لجميع الردود على محاولة المساعدة

[Imhotep]

لو الرخصة لسه سارية هتحتاج شهادة مخالفات بس. . . لو منتهية هتحتاج شهادة مخالفات و شهادة بيانات من مرورك الاصلى . . . خد بالك عشان انت موضوعك فيه سفر

[شريف]

شهادة مخالفات من النت ازاي؟

[kantofanto]

تعرف المخالفات عن طريق النت لكن شهادة المخالفات من نيابة المرور

[A.Saad]

شهادة المخالفات
تستخرج من النت برسوم حوالى 25
تصل الى المنزل والعمل
مختومة بخاتم النيابة عادى
وممكن تدفع المخالفات ان وجدت كمان على النت

[S O P H O S]

والله ياريت تبقي اكتر من 25
ويرخص العربية كلها ويوفر علينا يوم المرور

[mohamed_selim]

ممكن تجدد الترخيص من على الانترنت بس لو فى فحص لازم تروح

[elpasha1]

ممكن تجدد الترخيص من على الانترنت بس لو فى فحص لازم تروح

اجدد ازاي من علي النت
انا تابع لمرور فيصل
اوسخ مرور في مصر

[mohamed_selim]

https://www.egypt.gov.eg/services/servicesdetails.aspx?ID=939&section=citizens

بس مش عارف بالظبط الاجراءات ايه