إعـــــــلان

Collapse

.

,
See more
See less

حادث على الطريق مصر-اسكندرية الزراعى فزعنى جدا

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    حادث على الطريق مصر-اسكندرية الزراعى فزعنى جدا

    منذ ساعات قليلة منذ الان كنت على طريق مصر-اسكندرية الزراعى
    كنت ماشى ورا ميكروباص وانا على يمينة
    ست بتعدى الطريق
    انا كنت فى الخلف والميكروباص سابقنى ب 20 متر تقريبا
    الست بتتقدم نحو مقدمة الميكروباص ومش عاوزة تقف
    سواق المكروباص حدف شمال اوى ناحية الرصيف وفادى مقدمتة من ان تصطدم بها وفرمل
    الست اتخبطت من الثلث الاولمن الميكروباص من الجنب
    ووقعت
    سواق الميكروباص فرمل تانى بعدها ب 20 متر ووقف
    انا اترعبت واعصابى باظت من صوت ارتطام جسدها بالميكروباص
    وفرملت ووقفت امام الميكروباص ب 10 متر من يمينة
    ولحظات صمت رهيبة وشئ مرعب
    سواق الميكروباص والركاب كان على رؤسهم الطير
    والعربيات وقفت كلها قبل الحادث بامتار
    انا خايف اتصرف او اعمل حاجة
    وفضلت فى العربية
    وانا لم اصدمها
    بس اللى يشوف الموقف بعد الحادث يظن اننى من خبطها
    الميكروباص وقف لدقائق ومحدش عاوز ينزل منة عشان الموضوع مايثبتش علية
    انا تذكرت موضوع المنتدى هنا والحادث واللى بيحصل للى بيتطوع
    سواق الميكروباص ظل فى مكانة وينتظر ان تاخذنى الشهامة وانزل اشوف الست
    فتثبت التهمة عليا
    ويفر بعدها هاربا والناس تمسكنى انا كانى انا اللى خبطتها
    وفجأة الست اتحركت وانا شايفها فى المرايا
    لحظات رعب واضطراب ومش عارف اتصرف
    مش عارف ايه اللى وقفنى وممشتش عادى لانى فعلا لم المسها
    لكنى ظللت متوقف عشان لو مشيت عادى ممكن يلبسونى الموضوع
    بس الحمد لله والست اتحركت
    وتقاذف راكبى المكروباص احاديث مع السائق
    وهرع بعضا منهم للنزول والتوجة للسيدة بالخلف
    ونزل سواء الميكروباص
    والحمد لله تنفست الصعداء والتهمة مش هتترمى زور عليا
    مشيت مئات الامتار وركنت السيارة ورجعت ماشى عادى
    كانى واحد عادى
    ولكنى لم اجد الميكروباص
    ولا السيدة
    وسالت الواقفيين على جانبى الطريق
    لم يتابع احد الحادث
    ولم يعلم عنة شيا
    فمن الواضح ان السزاق اخذ الست معاة وراح للمستشفى

    فانا الان خائف
    هل ممكن يرمى التهمة زور عليا ويكون لقط رقم عربيتى ويبلغ كانى انا اللى اقترفت الحادث عشان ينجى نفسة ؟
    مش عارف
    انا فعلا قلقان حد ياريت يطمنى
    ولو حدث ذلك كيف اثبت اننى لم اصدمها
    وبعد كام يوم لو محدش سال عنى فى البيت يبقى الموضوع عدى بسلام
    ياريت اللى يعرف يفيدنى يدلنى
    نصائح هامة عند شرائك سيارة مستعملة (منقول)
    [url]http://www.nilemotors.com/Nile/showthread.php?t=32679[/url]
    الكلمات الدلالية (Tags): 20, اسكندرية, التو, الزراعى, الطريق, تعديل, توقف, جدا, حادث, دى, سكندرية, سيارة, صوت, عربية, على, عن, فزعنى, في, كل, مشاكل, مصر, مصراسكندرية, مع, من, مين, هل, هنا, هي, وكيل
  • #2
    عيش حياتك عادي وأن شاء الله خير ادم السيدة عايشة وودها المستشفي وحتي لوحد أتبلي عليك أثار الحادث بتكون علي السيارة وانت سيارتك مافهاش حاجة وكمان لازم شهودعيان وشهادة المصابة الموضوع مش سهل اوي كده كل واحد يكتب رقم عربية ويقول انها خبطت حد
    https://t.me/pump_upp

    Comment

    • #3
      الله يكرمك يا اخى

      بس فعلا الموضوع فزعنى جدا
      وصورة الست وهيا بتتخبط مش عاوزة تروح من بالى
      وكمان عدم نزولى لمساعدتها مضايقنى فعلا
      ومنزلتش لانى اتصدمت
      ولما لقيت سواق الميركوباص مش عاوز ينزلها فى الاول فعرفت انه عاوز يلبسنى في الموضوع ويهرب هوا بجريمتة
      وكمان كنت خايف انزل ليها عشان الموضوع اللى مكتوب فى المنتدى هنا قريته من فترة فعلا شئ مرعب ومحزن ان دا يكون حالنا فى بلدنا
      والف شكر لتطمينك ليا
      نصائح هامة عند شرائك سيارة مستعملة (منقول)
      [url]http://www.nilemotors.com/Nile/showthread.php?t=32679[/url]

      Comment

      • #4
        الموضوع اهو



        نايل موتورز - NileMotors.net
        http://www.nilemotors.net/Nile/showthread.php?t=30321&highlight=%E3%C7%D0%C7+%CA%DD%DA%E1
        نصائح هامة عند شرائك سيارة مستعملة (منقول)
        [url]http://www.nilemotors.com/Nile/showthread.php?t=32679[/url]

        Comment

        • #5
          للأسف فعلاَ ده حال الطريق في مصر

          اللذيذ إن الواحد بيشوف حاجات تشيب عالطريق بس بيبقي لازم ينزل يسوق تاني يوم هيعمل إيه :)

          شئ مفزع جداَ أتمني إنك تكون بخير و الخضة أثرها راح أصل عارف الحاجات دي بتكمل مع الواحد و بتقعد قالقاه في دماغه فترة
          [COLOR="gray"]
          [CENTER]Leadership is based on inspiration, not domination[/CENTER][/COLOR]

          Comment

          • #6
            الحمد لله انك متورطش في مشكلة وربنا يستر على الست اللي اتصدمت
            وانا شايف انك اتصرفت صح انك منزلتش بس حاول تستفيد من خطأك انك في موقف زي كده تركن بعيد وبعدين تنزل تساعد علشان محدش يقدر يورطك .. وخليك واثق ان ربنا معاك وان مش بالسهولة ان حد ممكن يلبسك اي تهمة .
            [CENTER][SIGPIC] [/SIGPIC][/CENTER]

            Comment

            • #7
              طب ياشباب عندى سؤال

              اللى ماشفش الست لحظة التصادم وشاف سيارتى والميكروباص بعد التصادم اثناء وقوفنا هيقول انا اللى صدمتها

              طب مش ممكن الناس فى الميكروباص مع السائق يقولواانى انا اللى صدمتها ويبلغوا عن رقم سيارتى عشان ينجوا السائق ؟

              وهل عدم نزولى فعلا انقذ موقفى لانى لو كنت نزلت وسواق الميكروباص هرب كنت هتورط فى الموضوع ؟
              نصائح هامة عند شرائك سيارة مستعملة (منقول)
              [url]http://www.nilemotors.com/Nile/showthread.php?t=32679[/url]

              Comment

              • #8
                يا سيدى خوفك ده هيلبسك خمسين تهمه

                حمد لله على سلامتك والاكيد الست مفيهاش شى طالما قامت مفيش داعى للقلق عيش حياتك عادى خالص

                وبلاش الخوف طالما انت مش اللى صدمت الست لو عارف انك مصدمتش الست وان ربنا معاك لانك على حق

                يبقى تخاف من حتت سواق ميكروباص ولا غيره ؟؟؟ ليه

                انا رائى انك كنت ركنت بعيد من الاول ورجعت مشى كانك مار عادى عشان تساعد

                لكن تركن قريب وتقعد متربص مين اللى يبدا برده الفعل الاول انت ولا سواق الميكروباص لالا يمكن السواق واللى معاه معارف او اهله كانوا هيلبسوها لك لو ماتت اكيد
                [CENTER][SIGPIC][SIZE=3][B]لا اله الا انت سبحانك انى كنت من الظالمين[/B][/SIZE][/SIGPIC][/CENTER]

                Comment

                • #9
                  الموضوع مش خوف من سواق ميكروباص او غيرة
                  الموضوع ومافية انى اول مرة اتحط فى موقف مثل دا ومعرفش اتصرف ازاى
                  انقذ الست او امشى
                  اللى بيسمع الموضوع ممكن ميحسش نفس الاحساس غير اللى شاف
                  والست مشفتهاش واقفة ...... دى اتحركت فقط وهيا نايمة على الاسفلت فى الطريق السريع !
                  الخبطة جامدة وصوت ارتطام جسمها بالعربية كان مرعب فعلا

                  ياجماعة انا بشر وبحس وبتاثر ومش قلبى حجر
                  انا ممكن ابكى لو صدمت قطة
                  وفى احدى المرات ركبت قطة صغيرة جدا بالخطأ داخل الكبوت ورحت مشوار لما وقفت بالعربية نزلت منها
                  متعرفوش انا يومها عملت ايه فى الشارع عشان امسكها وارجعها مكانها تانى
                  كان فى تفكيرى ازاى هتعرف تعيش بعيد عن امها وعملت المستحيل ومحاولات بالساعات ودفعت فلوس كمان لناس تساعدنى انى امسكها عشان ارجعها
                  (معلش محدش يضحك من الموقف دا)

                  دا بالنسبة لحيوان
                  فمابالك لو انسان شفتة انصدم امام عينى على بعد امتار قليلة منى

                  بس انا فعلا بتاثر اوى من اى منظر انسانى مؤثر

                  دا من جهه
                  ومن جهه اخرى
                  مش عارف ايه مدى قانونية وشرعية التعامل فى مثل هذة المواقف
                  هل البعد عنها هوا الحل
                  ام التدخل هوا الحل
                  نصائح هامة عند شرائك سيارة مستعملة (منقول)
                  [url]http://www.nilemotors.com/Nile/showthread.php?t=32679[/url]

                  Comment

                  • #10
                    توكل على الله وماتخافش واكيد الناس مش هتتبلى عليك وبعدين الناس اللي كانوا راكبين الميكروباص مش هيفتروا عليك عشان خاطر السواق

                    وبالنسبة للمواقف دي " انت في مصر " بصراحة الحمد لله ماواجهتش موقف زي ده وربنا يبعدنا عنها يارب كلنا جميعا بس بصراحة لو شفت موقف زي ده همشي مش هتاخدني الشهامة :d

                    Comment

                    • #11
                      والله المفروض يتعمل تعديل تشريعى.... اللى يصدم شخص بالفعل... وينزل لمساعدته ... ويثبت من واقع التحقيقات أنه قد أتى فعلا ايجابيا كان من شأنه انقاذ المضرور من الموت أو وقف تفاقم حالته... مثلا كطلب الاسعاف والانتقال معه إلى المستشفى ومتابعة الحالة حتى بدء تلقيه العلاج الطبى اللازم.... وأنه لم يهرب أو يشرع فى الهروب من مكان الحادث....... أعتقد أنه يتعين أن يكون ذلك مانعا عقابيا من شأنه ثبوت المسئولية - عشان المسئولية المدنية لاحقا والتى بالطبع سوف يراعى فى تقديرها المسلك الايجابى للمخطئ نحو المضرور- ولكن من شأنه كذلك عدم عقاب المخطئ جنائيا عن خطئه... أعتقد أن مثل هذا التعديل لو تم فسوف يساهم إلى حد كبير فى انتهاء حالة " اضرب واجرى" أو حالة الخوف من تقديم العون لشخص ملقى على الطريق .. هذا الشخص قد يكون أنا أو أنت أو أحد أقربائنا المقربين - لا قدر الله-
                      لو دامت لغيرك .... ما وصلت إليك

                      Comment

                      • #12
                        والله ياباشا انا حاسس باللى حضرتك فيه...وفعلا الواحد لما بيحصله حاجه زى كده بتبقى دماغه مليانه افكار سودا..بالذات لو اول مره

                        بس ماتخافش هى الست ولا الركاب لو كانوا شكوا للحظه ان حضرتك اللى خبطتها كانوا نزلوا ومسكوا فيك. وكان السواق اولهم....

                        بإذن الله مافيش حاجه ....وربنا يسترها مع الجميع
                        [CENTER][COLOR="Lime"][COLOR="Yellow"]--[/COLOR][COLOR="DarkOrchid"]--[/COLOR]--[COLOR="DarkOrchid"]--[/COLOR][COLOR="Yellow"]--[/COLOR]
                        -::[COLOR="Purple"][SIZE="3"][COLOR="Yellow"]....[/COLOR] [COLOR="DarkOrchid"]I[COLOR="Lime"]'[/COLOR]M PR[COLOR="Lime"]O[/COLOR]T[COLOR="Lime"]O[/COLOR]NY[/COLOR] [COLOR="Yellow"]....[/COLOR][/SIZE][/COLOR]::-
                        --[COLOR="Yellow"]-[COLOR="DarkOrchid"]-[/COLOR]-[/COLOR]--[/COLOR]

                        [aldl]http://img825.imageshack.us/img825/7055/3333333388333335555.gif[/aldl]

                        [URL="http://www.facebook.com/group.php?gid=67622393715"][aldl]http://farm5.static.flickr.com/4051/4341840452_c91620bc9b_o.jpg[/aldl][/URL]

                        [/CENTER]

                        Comment

                        • #13
                          ربنا مابينساش عباده المخلصين

                          حمدلله علي سلامتك و ان شاء الله سليمة , و تذكر انه من غير المعقول ان تجد كل ركاب الميكروباص يشهدون ضدك , اكيد هناك واحد سيشهد بالحق

                          اما تصرفك فهو نابع من شهامة نادرة مختلطة بخوف مما نعرفه جميعا من القوانين و القواعد الجائرة التي تحكم الشارع المصري و لعلي كنت سأفعل مافعلته فياسيدي الفاضل صعب ان نحكم علي موقفك وقتها "اللي ايده في الميه مش زي اللي ايده في النار" كان الله في عونك و دعواتي لك بأن يمر الموضوع علي خير و سلام
                          [SIGPIC][/SIGPIC]

                          Comment

                          • #14
                            الحمد لله
                            متخفش أنت معملتش حاجه غلط
                            [SIZE=5][B][COLOR=SeaGreen][/COLOR][/B][/SIZE]
                            مهندس أحمد سمير

                            Comment

                            • #15
                              الحادثة

                              حمدالله عالسلامة :err:
                              [SIZE=6][COLOR=deepskyblue]:err:my heart will go on[/COLOR][COLOR=red]:funny34d:[/COLOR][/SIZE]
                              [SIZE=6][COLOR=black]د/محمد شاكر[SIGPIC][/SIGPIC][/COLOR][/SIZE]

                              Comment

                              السابق 1 2 template التالي
                              Working...
                              X