استفسار عن التامين

[ahmedmohamed7]

مساء الخير ....كل سنة و حضراتكو طيبين
دلوقتى واحد صاحبى عمل حادثة .....و العربية متامن عليها شامل .......
السوال بقى ....لو العربية اتكهنت (لانها جايبة شاسيه ____طلعت فوق الرصيف و بعد كده دخلت فى عمود نور بجنبها ) بوليصة التامين ب 110 الف و العربية ماكملتش سنة ؟ ايه الاجرائات و شركة التامين هتتصرف ازاى ؟ هيدولة كام ؟ و هيخصمه كام ؟

[ahmedmohamed7]

الشركة اسمها المصرية للتامين التكافلى

[adventurier]

متابع

[Salamonti]

هياخد حاجة وتسعين الف تقريبا عشان خصم الاهلاكات والمصاريف الادارية والونش ونقل الملكية واللذي منه
الكلام ده لو البوليصة مافيهاش نسبة تحمل وشركة التأمين ما أثبتتش نسبة خطأ على السواق يقللوا بيها مبلغ التعويض
يعني إيه الكلام ده؟
شركة التأمين بتدور على أي سبب تخلع بيه او تقلل خسايرها
يعني لو سكران ولا مبرشم يبقا بح ملكش تأمين
لو اثبتوا قيادة متهورة او رعونة بح ملكش تأمين
باختصار بيحاولوا يدرسوا ظروف الحادث ويشوفوا اي حاجة لصالحهم ولو ثبت نسبة خطأ على السواق بيبتدوا يساوموه انهم يخفضوا قيمة التعويض
أما لو الحادث لظروف خارجة عن الارادة وغصب عنه زي انه ماشي ضمن السرعة المسموحة وحد كسر عليه او بيفادي مشاة او حفرة او فردة كاوتش ضربت يبقا خلاص مفيش كلام

الخلاصة ان الرقم اللي هايطلع من شركة التأمين هايبقا في احسن الاحوال حاجة وتسعين الف
لو العربية كاش هتاخدهم بشيك تصرفه لحسابك وشكرا
لو العربية قسط هايطلعوا بشيك لصالح البنك اللي عامللك القرض
يخصم منه فلوس القرض بالفوايد بتاعته كلها ويديك الباقي
يعني هتخسر فرق الفوايد من البنك فوق خسارة الاهلاكات والرسوم من شركة التأمين

[adventurier]

هياخد حاجة وتسعين الف تقريبا عشان خصم الاهلاكات والمصاريف الادارية والونش ونقل الملكية واللذي منه
الكلام ده لو البوليصة مافيهاش نسبة تحمل وشركة التأمين ما أثبتتش نسبة خطأ على السواق يقللوا بيها مبلغ التعويض
يعني إيه الكلام ده؟
شركة التأمين بتدور على أي سبب تخلع بيه او تقلل خسايرها
يعني لو سكران ولا مبرشم يبقا بح ملكش تأمين
لو اثبتوا قيادة متهورة او رعونة بح ملكش تأمين
باختصار بيحاولوا يدرسوا ظروف الحادث ويشوفوا اي حاجة لصالحهم ولو ثبت نسبة خطأ على السواق بيبتدوا يساوموه انهم يخفضوا قيمة التعويض
أما لو الحادث لظروف خارجة عن الارادة وغصب عنه زي انه ماشي ضمن السرعة المسموحة وحد كسر عليه او بيفادي مشاة او حفرة او فردة كاوتش ضربت يبقا خلاص مفيش كلام

الخلاصة ان الرقم اللي هايطلع من شركة التأمين هايبقا في احسن الاحوال حاجة وتسعين الف
لو العربية كاش هتاخدهم بشيك تصرفه لحسابك وشكرا
لو العربية قسط هايطلعوا بشيك لصالح البنك اللي عامللك القرض
يخصم منه فلوس القرض بالفوايد بتاعته كلها ويديك الباقي
يعني هتخسر فرق الفوايد من البنك فوق خسارة الاهلاكات والرسوم من شركة التأمين

الوثيقة ب١١٠
و تقريبا بيدفعو ٧٥٪ من تمن الوثيقة
لو كل حاجة تمام اعتقد هيدفعو ف حدود ٨٢.٥ وللا انا بتكلم غلط؟

[adventurier]

هل لو الairbags فتحت ده يتخصم م التأمين؟

[Salamonti]

لو الايرباج فتحت بتتخصم من الوثيقة
والنسبة اللي هايعوضوك بيها كالتالي:
مبلغ الوثيقة الأصلي مطروح منه 10% عن كل سنة استهلاك للسيارة من تاريخ ترخيصها (وكسر السنة يتحسب سنة) مطروح منه أي اهلاكات أخرى لا تغطيها الوثيقة (زي الايرباج) مطروح منه اي حاجة تنقص من العربية بعد الحادثة (زي ان يتسرق منها الجنوط أو الكاسيت وده احيانا بيحصل) مطروح منه المصاريف الإدارية ومصاريف نقل الملكية في الشهر العقاري والمرور والمخالفات وخلافه

[adventurier]

يخصم منه فلوس القرض بالفوايد بتاعته كلها ويديك الباقي
يعني هتخسر فرق الفوايد من البنك فوق خسارة الاهلاكات والرسوم من شركة التأمين

بيكون فيه غرامة ع ان هسدد القرض مرة واحدة ع غير المتفق مع البنك قسط كل شهر؟

[adventurier]

لو الايرباج فتحت بتتخصم من الوثيقة

هو بيخصم تمن الايرباج كامل؟ مش حتي نسبة منه؟

حضرتك تنصح بشركة مصر للتأمين مستقبلا؟ أو فيه شركة تانية أفضل؟