إعـــــــلان

Collapse

.

,
See more
See less

قواعد شراء سيارة مستعملة : راشة - مغيرة موتور - عداد عالى (الجزء التانى)

Collapse
X
 
  • Filter
  • الوقت
  • Show
Clear All
new posts

  • قواعد شراء سيارة مستعملة : راشة - مغيرة موتور - عداد عالى (الجزء التانى)

    الجـــــــــــــزء الاول
    اولا : الرش
    الرش الخارجى
    العربية لو كانت رشة خارجى وبيقولك صاحبها دى راشة نظافة دا حسب موديل العربية لو نظافة يبقى
    لازم العربية فى المتوسط يكون عدى عليها 4 سنين .
    ممكن تكون عربية موديل حديث ورشة دى بتكون حسب السواقة وظروف التشغيل للسيارة يعنى ممكن
    واحد تكون عربيتة اتخبطت خبطة خارجية ومعندوش خلفية فيروح للدهان يروح الصنايعى يقنعه ان
    العربية الوانها حتختلف والعربية لازم تترش كلها فيضطر يوافق لانه بيكون مش بحالة لان عربيتة مخبوط
    فمش بتفرق معاه ناس كتير بيحصل كدا معاها ,
    ايه اللى ممكن ياثر على العربية لو راشه برا . لو الخبطة اللى برا دى مسمعة فى جسم العربية
    هل الرش الخارجى مؤثر فعليا على العربية هو فى الحقيقة مش مؤثر ولكن اللى بيشتى عربية بيختصر الموضوع ان العربية دى راشة ولا لاء . بمعنى ان العربية لو مكنتش راشة برا يبقى مش راشة جوة يبقى فابريكة يبقى مضمونة
    دا السبب اللى بيخلى الناس تبعد عن عربية راشه
    ازاى اعرف ان العربية راشة برا ؟
    - العتب اللى تحت الباب لو لقيت لونة مختلف او فاتح عن لون السيارة يبقى راشة (مع الاخذ فى الاعتبار ان ممكن سنة الموديل بتخلى اللون الداخلى والخارجى وختلف
    - الجلد اللى فى الاطراف اللى القوايم (قوايم الشنطة والابواب)
    يتم اخراجة من مكانة ويوجد تحتة تدبيس المصنع عبارة عن بروز للداخل كل 2سم تقريبا لو شكلها مختلف يبقى راشة
    - الصاج نفسة لو ملاحظتش حاجة بعيبنك فى الدهان ومررت ايدك لقيت الملمس مش طبيعى عن باقى جسم العربية يبقى راشة ولكن اللى قفلها فنان
    - الكلبسات البلاستيك اللى راكبة فى الصاج نفسة
    - حوض الموتور يتم النظر فى الاحرف وفق البطاحة مقفلة تقفيلة مصنع بفليتو لو لقيت اختلاف يبقى راشة

    الرش الداخلى
    طالما راشة جوا يبقى راشة برا فى الغالب
    هل الرش الداخلى مؤثر فعليا على السيارة
    طبعا مؤثر بنسبة كبية فى اغلب الاحيان
    ما تاثير الرش الداخلى على العربية ؟
    1- اتزان العربية بيختلف
    2- ابعاد العربية بتختلف
    3- عيوب فى العفشة غير صالحة للتعديل
    4- قواعد الموتور مش مكانها الطبيعى
    ودى اهم التاثيرات اللى ممكن تاثر على العربية اللى راشة جو
    ولكن الرش الداخلى بيحتاج حد فاهم شوية ودايس علشان اغلب الرش الداخلى بيقى مش ظاهر ومتغطى باجزاء الموتور مثلا او الصاج


    الجزء الثانى

    س1: ما هى الخطوات للكشف على السيارة واعرف انها راشة جوا ؟


    -يتم النظر فى جميع اجزاء السيارة وتلف جواليها لفتين علشان تعرف تطلع الفرق فى الدهان من زاوية

    بعيدة لان الزاوية القريبة مش بتوضح فرق اللون على السيارة .

    وفى هذه الاثناء يتك فتح جميع الابواب والشنطة والكبوت وملاحظة الفرق فى الدهان .

    بعد هاتان الخطوتان :

    - يتم النظر والتفحيص فى جميع الزوايا الداخلية والسوك والالتواءات والانبعاجات الاصلية (بتاعة المصنع)

    زى مثلا فوق الكرتيرا او فى الزواية الخلفية لجسم الشنطة اللى هى نازلة لتحت او الالتواءات الطبيعية

    للقوايم وهكذا .

    - وطبعا الجزئية دى منقسمة لجزئين جزء خاص بالدهان وجزء خاص الصاج وكلاهما متساوى فى صعوبة

    الكشف ولكن الدهان صعب شوية من وجهة نظرى .

    س2 : ما هى الاماكن صعبة الكشف فى جسم السيارة من الداخل او التى تحتاج لمهارة عالية وخبرة ؟

    1- فردتين السلاح يمين وشمال
    ودول بيكونو غير ظاهرين من اجزاء المحرك



    س3 : كيفية الكشف على فردتين السلاح


    اولا تنظر نظرة متفحصة فى صدر العربية الفبر والاجزاء البلاستيكية لو شكيت انها مش تقفيل مصنع يبقى

    ركز على النطر على فردتين السلاح وثانيا فردتين السلاح فى غالب السيارات بيكون اخرهم فتحة باتجاه

    الامام للسيارة وبتكون مربعه لو كان فى اختلاف بين الفردتين فى الشكل او الابعاد يبقى العربية دى

    فيها خبطة فى السلاح .


    2-الجزء الخارجى من البطاحات اللى هو فى اتجاه الرفرف(الرفرف بيكون مغطيه)

    ودا طبعا من مكانة انه مش ظاهر فممكن العربية تكون واخدة خبطة ومش مسمعه لجزء البطاحة اللى

    ظاهر فوق , وحل الجزء دا انك بتحاول تشيل الكرتيرة البلاستك وتبص بصة سريعة لان صاحب العربية

    طبعا حيعرف انك مذاكر كويس فمش حيسبك بارحتك طبعا لو لقيت انو ادايق من الفحص يبقة عربيتة فى

    الغالب معيوبة اما لو واثق من عربيتة مش حيهمة بس طبعا تفحص بدون اتلافات

    3- فردة الشاسية اللى قدام اللى خلف العجل

    ودى طبعا من الاجزا الصعبة بسبب ان العربية ممكن تكون دخلت فى حاجة ولكن مش مرتفعه واثرت

    على الشاسية ولم تصل للاجزاء العليا ودى فى عربيات بيكون متغطية بقطعة من الصاج المجلفن او

    الكرتيرة البلاستيك بتكون مغطياها

    ودا مكدبش عليكم عايزا واحد يكون عندو خبرة فى موضوع الكشف لان اللى عربيتة بتتخبط فى الاماكن

    دى غالبا بيكون الfinishبتاعها عالى فصعبة الكشف


    ولكـــــــــن

    علشان عيون ناايل موتورز ليها حل فى الكشف

    يكون معاك شىء مستخبى متر صغنن مثلا او شريط متوريهوش لحد علشان ميقولكش انت جى تشترى

    عربية ولا حتشترى ارض وتقيس .

    اه حشترى ولكن كلة بالمقياس والمكيال

    تبص على الابعاد بين المسامير بتاعة الرفرف اليمين والرفرف الشمال لو ابعادهم متغيره يبقى فى شك

    او لو لقيت العربية كله تمام وحسيت ان الرفرف مش بتاعه او مغيره رفرف وتطبيع الرفرف على الاكسدام

    مش اد كدا يبقى فيها شك بردو .

    4 – قواعد الموتور ممكن تكون العربية واخدة خبطة من تحت فالقواعد مشعرة او مغيرة قنطرة وتغير

    القنطرة صعب الكشف علية لانها بيكون فبريكة

    ولكن طالما العربية مغيرة قنطرة بالتبعية يبقى مغيرة ريداتير وصدر ووو

    5 – الرفرف الخلفى

    دا بيكون من الداخل طبقات لباد وعزل وما شابة من هذا القبيل او القبيلة

    ف

    صعب طبعا انك تفك الطبقات دى كلها ولو قلت واوعى تقول لصاحب العربية كدا حيقولك ياعم انت جى

    تشترى عروسة دى عربية

    اه بالنسبالى عروسة النيل

    الحل : الكلبسات بتاعة المصنع والتقفيل فى المنطقة دا بيبنا

    ف

    لو لقيت التقفيل مش اد كدا فى الجزء اليمين او الشمال تروح بسرعة وتحضر ايدك

    لو شكيت فى الرفرف الشمال يبقى تحسس بالايد اليمين والعكس علشان بطن ايدك يكون مطبع على

    الصاج وتعرف تقارن بينهم . (انا قبل كدا حصلت معاايا ومعرفتش انها راشة رفرف خلفى بالتسخين كمان

    الا بالصدفة) فمش عايز حد ينخدع كفاية مخدوعين فى حاجات كتير.............

    خلاصة الاربع نقاط اللى فاتو مش معنى ان عربية مخبوطة يبقى معيوبة لا بالعس لو الخبطة دا مش

    ماثرة يبقى استفاد سيادتك من فرق السعر

    والحاجات دى لازم العربية تنزل لايقل :: لو عربية 100 الف يبقى تنزل من 4 الاف الى 10 الاف ودا اللى

    ماشى فى السوق حسب معلوماتى .

    مغيـــــــــــــــــــرة موتــــــــــــــــــــور

    تغير الموتور فى حالتين

    1- اما ان العمر الافتراضى بالمسافة او الوقت انتهى

    ازاى

    يعنى لو عربية سفرها كتير 400 الف مثلا بالمنطق اجزاء المحرك استهلكت

    او عربية ليها 12 سنة مثلا

    2- حادث اليم او عدم صيانة وعدم اهتمام فابالتالى العربية عايزا موتور


    العربية طالما مغيرة موتور ومكنش عدى عليها 5 سنين ابعد عنها وغنيلها (راى شخصى)

    اما لو العربية كانت مغيرة موتور تعديل (مثلا واحد صاحبى عربيتة كروز مغيرا موتور من 1600 الى 1800

    سى سى)

    س 4: هل تغير الموتور يؤثر على العربية ككل او على السعر؟

    طبعا موثر فى السعر الى حد ما اما لو نص عمرة مثلا او شمبر اظن مش مشكلة

    س 5 : كيفية الكشف على الموتور واختبار حالتة الصحية والنفسية ؟

    - دور العربية دوس بنزين على الاخر لمدة 3 ثوانى لو فى كركربة او الصوت مش منتظم اذن الموتور

    يعانى من الربو المزمن ويحتاج الدخول للمستشفى .

    - دور العربية وحد ايدك على الشكمان (احذر ميكونش سخن وتدعى عليا) لو لقيت الكبس قوى والكبس

    يبعد ايدك للخارج اذن الموتور فى حالة صحية جيدة وضغط الدم بتاعه مظبوط

    - دور العربية وشيل المقاس بتاع الزيت وافتح غطا الزيت والعربية مدورة

    وخلى حد تبعك يزود بنزين او سولار

    لو لقيت فى بخرة طالعة وا نقط زيت او رزاز يبقى الموتور عندو سيولة فى الدم وهشاشة فى العظام

    ومحتاج مستشفى تخصصى . والا حيزعلك ويدخل فى غيبوبة .

    متخافش لو دوست بنزين وحسيت الموتور بيهتز دا دلاله على انة عايز الحذاء بتاعة اتاكل وعايز قواعد

    موتور بس هاتلو حاجة طرية علشان الاهتزازات تقل


    العربية دا عدادها عــــــــــــــــــالى اوى لا ياعم دا سفر وخارج المدينة دى كانت بتروح الشرم صد رد

    س6 : ازاى اعرف ان العربية دى عدادها مضروب ؟

    اغلب اللى على النت العداد مضروب

    ثانيا لو عربية ليها 3 سنين مثلا اذن كل سنة لاتقل من 13 الف الى 20 الف لو لقيت الرقم قل بدرجة الثلث

    او الربع يبقى العربية عداد مضروب يامعلم

    وبالتوفيق دائما فى المستعمل والجديد

  • #2
    بسم الله ما شاء الله

    سؤال ايه هو فردتين السلاح اللي عند الموتور دول ؟؟؟؟؟؟

    Comment


    • #3
      الله ينور يا باشا ..
      استسمحك لي تعليق علي الكشف علي الموتور..
      - قوه غازات العادم من الشكمان ليس دليل علي قوه الموتور , لان الكبس ممكن يضيع او يضعف في وصلات الشكمان او الفرن نتيجه تسريب او خروم - معيارك من الشكمان هو ان ايدك تبقي نظيفه ( الكربون قليل) ويا سلام لو لقيت ميه - صوت ضربه الشكمان لازم تسمع فيها اشواط الطرد ال4 .

      - لما تفتح غطاء الزيت وتلاقي رزاز زيت وانت بتزود بنزين مش معناه ان الموتور تعبان . ده حاجه طبيعيه جداا
      وان كان بعض الميكانيكيه القدامي بيقولوا ان ده معناه ان ضغط طرمبه الزيت جديد , بس مش كلام منطقي
      انا معاك في الدخنه البيضاء او ريحه عادم ( تلف كاوتش الصباب) انما رزاز الزيت لا . تقبل تحياتي
      اخوكم /فادي محمد عيد ..من مواضيعي المصوره للفيكترا بي ....

      [URL]http://www.nilemotors.net/Nile/97671-b.html#post3872017889[/URL] تغيير اويل سايل اسبراتير
      [URL]http://www.nilemotors.net/Nile/130445-b.html#post3872432932[/URL]تنظيف الايديال كونترول
      [URL]http://www.nilemotors.net/Nile/150353-b.html#post3872669019[/URL]تعديل في اضاءه التابلوه
      [URL="http://www.nilemotors.net/Nile/143705-b.html#post3872580355"]http://www.nilemotors.net/Nile/143705-b.html#post3872580355تغيير فرش السقف للفيكترا[/URL]
      [URL="http://www.nilemotors.net/Nile/181441-a.html#post3873046581%D8%AA%D8%BA%D9%8A%D9%8A%D8%B1"]http://www.nilemotors.net/Nile/181441-a.html#post3873046581تغيير[/URL] جوان وش التاكيهات

      hellboy سابقا

      Comment


      • #4
        المشاركة الأصلية كتبت بواسطة 2code مشاهدة المشاركة
        بسم الله ما شاء الله

        سؤال ايه هو فردتين السلاح اللي عند الموتور دول ؟؟؟؟؟؟

        اللى هما اخر جزء من الشاسية فى الامام
        يمين وشمال

        Comment


        • #5
          المشاركة الأصلية كتبت بواسطة فادى محمد مشاهدة المشاركة
          الله ينور يا باشا ..
          استسمحك لي تعليق علي الكشف علي الموتور..
          - قوه غازات العادم من الشكمان ليس دليل علي قوه الموتور , لان الكبس ممكن يضيع او يضعف في وصلات الشكمان او الفرن نتيجه تسريب او خروم - معيارك من الشكمان هو ان ايدك تبقي نظيفه ( الكربون قليل) ويا سلام لو لقيت ميه - صوت ضربه الشكمان لازم تسمع فيها اشواط الطرد ال4 .

          انا مش بشرح الجانب العلمى من قوة الموتور او كبس الشكمان وغيره (ويوجد جهاز للكشف على كببس الموتور )ودا للانسان المتوسط فى خبرة السيارات انا بشرح واحد حيشترى عربية يادوب نص ساعة او ثلث ساعة وياخد قرار


          - لما تفتح غطاء الزيت وتلاقي رزاز زيت وانت بتزود بنزين مش معناه ان الموتور تعبان . ده حاجه طبيعيه جداا
          وان كان بعض الميكانيكيه القدامي بيقولوا ان ده معناه ان ضغط طرمبه الزيت جديد , بس مش كلام منطقي
          انا معاك في الدخنه البيضاء او ريحه عادم ( تلف كاوتش الصباب) انما رزاز الزيت لا . تقبل تحياتي
          انا مقصدش الرزاز الطبيعى للصبابات والاجزاء الدوارة للموتور القصد : الرزاز الغير متناسق ومش منتظم
          الموضوع لافادة الناس مش عايزن نلخبط الناس
          اتمنى الافادة للاعضاء ولو بنص معلومة

          Comment


          • #6
            موضوع دسم رغم اختلافى مع بعض النقاط الى انت كتبها و المبالغة الشديدة فى الكشف على الصاج والعربية !!! و كمان فى بعد النقاط مش مظبوتة فى الكشف على المتور

            Comment


            • #7
              مع احترامي لتعب حضرتك في كتابة الموضوع إلا إنه مستحيل الكلام ده عايز واحد متخص جدا و أكثر من واحد علشان يطلعو بنتايج صح
              اما الشخص العادي لو حب يجرب سرد حضرتك ده يبقي هايلبس هايلبس
              يا جماعة العربية المستعمله تفحصها فحص الرجل العادي (فرش سليم - مفيش خرابيش- كماليات شغاله -اضواء ... و خلافة) عجبة حضرتك يبقي تطلع علي التوكيل بتاع العربيه تكشف و تاخد تقرير
              غير كده النقاط اللي حضرتك بتتكلم فيها مع حد فاهم تاخد اكثر من ساعة فحص علشان يطلع لكل نقطه نتيجة
              شكرا علي مجهودك
              وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ

              Comment


              • #8
                المشاركة الأصلية كتبت بواسطة hossam99;3875685110"
                مع احترامي لتعب حضرتك في كتابة الموضوع إلا إنه مستحيل

                والله انا مش متخصص وجرب المواضيع دى فى اكتر من عربية انا ولا تاجر ولاببيع وبشترى انا راجل فى البترول بس عندى هواية والكلام دا ناس اصحابى كتير مجرباه اما سيادتك شايفه مستحيل دا يرجعلك
                الكلام ده عايز واحد متخص جدا و أكثر من واحد علشان يطلعو بنتايج صح
                اما الشخص العادي لو حب يجرب سرد حضرتك ده يبقي هايلبس هايلبس
                والله انا مركز على كلمة (راىء شخصى) كذا مره وليس قاموس او كاتالوج لازم اى حد يمشى بيه كل واحد براحتة واللى بيروح التوكيل محدش بيعرف يطلع العيوب دى عن تحدى وناس فى التوكيل قالتلى كدا تجربة فى اكثر من سيارة اخرهم فحص بالكومبيوتر على ال ecuوجهاز بتاع البوهية يبينلو راشة ولا لاء
                وانا اجيبلك عربية راشة والجهاز بتاع كشف انها راشة ولا لاء مش حيكشفها نهائى لان اللى عملها دكتور وانا مشترى عربية قبل كدا وكشفت فى التوكيل وطلعت معيوبة فى الشاسية

                يا جماعة العربية المستعمله تفحصها فحص الرجل العادي (فرش سليم - مفيش خرابيش- كماليات شغاله -اضواء ... و خلافة) الفحص اللى سيادتك بتقول عليه دا انوار وفرش لو كنت رايح المعرض ب200 الف تبص على الكماليات دى والخربوش اللى بتقول عليه
                عجبة حضرتك يبقي تطلع علي التوكيل بتاع العربيه تكشف و تاخد تقرير
                غير كده النقاط اللي حضرتك بتتكلم فيها مع حد فاهم تاخد اكثر من ساعة فحص علشان يطلع لكل نقطه النقط دى مش بتاخد اكتر من ربع ساعة بس سيادتك ملكش فى المستعمل تقريبا نتيجة
                شكرا علي مجهودك[/color][/size]
                فى الاخر دى خلفية ومعلومات عامة اللى مقتنع اوك اللى مش مقتنع ومش عاجبة الموضوع ياريت يوضح علشان الناس تستفيد مش موضوع خالف تعرف وخلاص
                نتمنى الاخلاص فى العمل

                Comment


                • #9
                  مجهود وطيب ووجهة نظر جيدة بحد كبير
                  واتمني فالجزء الثالث يكون التكيف والعفشة
                  تحياتي لحضرتك ..

                  Comment


                  • #10
                    طبعا مشكور علي المجهود
                    انا عن نفسي بطبق جزء من الكلام دا وانا بتفرج يعني بتفرج علي شكل الحوض من جوه بحاول ابص علي الكرتيرات والسلاح بقدر المستطاع بفتح الشطنة وابص علي طبليه الأستبن والستارة الخلفية للشنطه والفلتو الموجود فيها وبعدين بحاول بهدوؤ اشيل جزء من الموكيت المبطن للرفارف الخلفية من داخل الشطنه ورؤيه الصاج من الداخل لمعرفة وجود دق وتسخين من عدمه
                    مع طبعا الأخذ في الهتبار حاله الفرش الداخلي والطارة وتناسبهم مع عداد العربيه .
                    لو لقيت كله دا من وجهه نظري مرضي بقوم واخد العربيه وأروح أكشف عليها بره - ههههههه - علشان حد غيري يطمني في رؤيتي للعربيه - وطبعا في عربيات كتير ما بتوصلش لمرحله الكشف عند الفني او كركز الخدمة لعدم رضائي عنها او وجود عيوب تم أكتشافها بكشفي الظاهري عليها .
                    تحياتي

                    Comment


                    • #11
                      مجهود هايل
                      [rmade]http://www7.0zz0.com/2014/09/24/17/941743282.jpg[/rmade]

                      Comment


                      • #12
                        طب الواحد يوصل ازاى وهو مبتدئ انه بقدر يعرف مبدئيا ان تاعربيه دى كويسه
                        "ذلك من فضل الله عليناوعلى الناس ولكن اكثر الناس لا يشكرون"

                        الحمد لله

                        Comment


                        • #13
                          المشاركة الأصلية كتبت بواسطة gade2 مشاهدة المشاركة
                          طب الواحد يوصل ازاى وهو مبتدئ انه بقدر يعرف مبدئيا ان تاعربيه دى كويسه
                          ازاى تصل لمرحلة الاحترافية
                          اولا مفيش شىء مستحيل

                          الخطوات المبدئية لمعرفة ان العربية دى كويسة

                          1- المام عام بمكيانيكا السيارت(موتور فتيس اجزاء ميكانيكية)

                          2- المام بنوعيات البوهيات وطريقة الدهان الغير فبريكة بتكون ازاى
                          ومعرفة طريقة السمكرية فى طرقة الاستعدال للصاج

                          3 - معرفة النقاط السحرية فى اساسيات العربية الفبريكة زى تقفيل المصنع فى الالزوايا والانحناءات

                          , وتقفيل المصنع فى الاجزاء الميكانيكة المتحركة
                          وتقفيل المصنع فى الرش الخارجى ولمعة الفبريكة
                          وطريقة تقفيل كلبسات المصنع

                          وهكذا
                          بالتجربة والممارسة كلة سهل

                          Comment

                          Working...
                          X