محتاج نصيحة بخصوص تركيب تكييف للشاهين

[MEDOMAN2006]

السلام عليكم ياشباب المنتدي الجميل
أنا معايا عربية شاهين 2001
1400 سي سي
وعاوز أركبلها تكييف
أنا عاوز إيه رأيكم
هل الموضوع ده فاشل ولا هيبقى تمام
ولو تمام أركبه فين في القاهرة وماركته إيه وبكام ؟؟

مستنى ردودكم
وشكراً

ممنوع استخدام اللون الأحمر إلا فى المداخلات الإدارية
وتم تغيير العنوان ليناسب محتوى الموضوع
طبقاً لقواعد المنتدى
مشرف ب 5

[hamo81]

انا رأيي الشاهين حتى لو 1600 التكييف ملهوش لازمة المشكلة مش في التكييف المشكلة في تقفيل العربية وتوزيعة التكييف مش كويسة ومهما كان الكباس قوي مش هيسقع العربية
انا كان معايا دوجان 94 ماتور 1600 والتكيف كباس ساندن ياباني ولا عامل أي حاجة تحسه يدوب مروحة مش أكتر

[Ahmed Saad]

من رايي موضوع تركيب التكييف علي عربيه مش مجهزه غير مجدي في ناس بتركب سيستم ساندن ياباني في حدود 3000ج بس زي العضو الفاضل قال بيبقي ضعيف ده غير هيبقي محمل علي الموتور لانه 1400 فلو عايز تكييف اوي بيعها وجيب حاجه مكيفه افضل او تعايش معها علي كده

[ahmedalaahosny]

مافيش حاجة تتقال بعد اللي قالوه السادة الاعضاء بس احب اضيف حاجة مشكلتك ف تركيب التكيف اولا واخيرا تصميم العربية دي لانه بدرجه كبيره تصميم الفيات ١٣١ يعني تصميم سبعينات فده هيعملك مشكله ان الابواب هتسرب الهوا من جوا البارد ومن بره صهد فبكده مش هتحس بالتكيف غير توزيع الهوايات ف التابلوه وتصميمها خلي مهمه التسقيع صعبه وزي ماتفضل احد الاعضاء وقالك انك هتحس انه مروحه مش اكتر

[ahmedalaahosny]

وبرده قبل ماانسي لو هتركب تكيف يبقي لازم هتشيل الصالون الاول وتركب عوازل حرارية ف العربية بالكامل وخاصة الحته بتاعه التابلوه دي لغاية الدواسات الحتت دي بيطلع منها صهد رهيب من الموتور صيف وشتا حاجة بشعه وطبعا هتعزل الابواب والجلد بتاعها

[trise2]

مع احترامي لكل الاعضاء بس انا مركب تكيف في الشاهين بعد ماشتريتها ب3 سنين و مممممتاز

في عز الضهر بارد وبالليل مش بستحمله

[ahmedalaahosny]

مع احترامي لكل الاعضاء بس انا مركب تكيف في الشاهين بعد ماشتريتها ب3 سنين و مممممتاز

في عز الضهر بارد وبالليل مش بستحمله

موديل سنة كام ؟

[mr_vampire]

واحد صاحبي كان مركب عالشاهين بتاعته وكان كويس ومقبول. لو عرفت منه حاجة هكتبهالك.

[elpasha1]

كنت بصلح التكييف بتاعي في الجيزة وشفت تاكسي شاهين كان بيركب تكييف
الراجل اسمه احمد الاسناوي في شارع مراد تانيي شارع يمين اول ماتنزل من الكوبري

[trise2]

موديل سنة كام ؟

2002…
1400 cc

[mizomizomizo]

لسة مركب تكيف من شهرين في شاهين 1400 التكيف مشكلة
1- وسط صالون السيارة ثلاجة النحية الشمال بالنسبة للسواق او اليمن حرارة الجو الخارجي وتم حل المشكلة بتفيم السيارة اول درجة
2- كونسول التكيف يركب في وسط التبلوة تحت الكاسيت ودة لية ميزة وعيب الميزة تكيف ثلاجة بمعنة الكلمة العيب التكيف يضرب في روكب السائق وتضر تقفل هواية ناحية السائق ام تركيب التكيف علي هويات التبلو ملوش اي لزمة هيضيع قوة تبريد السيارة

3- موديل السيارة 2005 ودة كان سبب في ان مينفعش يركب مشترك تعلية ار بي ام السيار ة في حالة فتح التكيف اوتومتك لان الكاربراتير هذا الموديل غير مجهز لذلك مما اضر لتعلية الشفاط سنة قبل واثناء عمل التكيف داخل المدينة وجاري البحث عن حل لهذة المشكلة بدون تغير الكاربراتير

4- العربية بتسخن في الزحمة اثناء الظهيرة فقط ودية بتتحل عن طريق تظبيط دورة التبريد وتركيب عدد 2 مروحة علي الردياتير
5- ارتفع نسبي في استهلاك الوقود لكن لايقارن براحة الوحد من ارف الحر

لكن بشكل عام التكيف خلة العربية تعرف تركبة في الجو الحر وعزلك عن دوشة الشارع بدون لعرق و ارف لكن لو عندق قدرة علي تغير العربية بعربية مكيفة اصلا هيكون احسن

[Elawany13]

لسة مركب تكيف من شهرين في شاهين 1400 التكيف مشكلة
1- وسط صالون السيارة ثلاجة النحية الشمال بالنسبة للسواق او اليمن حرارة الجو الخارجي وتم حل المشكلة بتفيم السيارة اول درجة
2- كونسول التكيف يركب في وسط التبلوة تحت الكاسيت ودة لية ميزة وعيب الميزة تكيف ثلاجة بمعنة الكلمة العيب التكيف يضرب في روكب السائق وتضر تقفل هواية ناحية السائق ام تركيب التكيف علي هويات التبلو ملوش اي لزمة هيضيع قوة تبريد السيارة

3- موديل السيارة 2005 ودة كان سبب في ان مينفعش يركب مشترك تعلية ار بي ام السيار ة في حالة فتح التكيف اوتومتك لان الكاربراتير هذا الموديل غير مجهز لذلك مما اضر لتعلية الشفاط سنة قبل واثناء عمل التكيف داخل المدينة وجاري البحث عن حل لهذة المشكلة بدون تغير الكاربراتير

4- العربية بتسخن في الزحمة اثناء الظهيرة فقط ودية بتتحل عن طريق تظبيط دورة التبريد وتركيب عدد 2 مروحة علي الردياتير
5- ارتفع نسبي في استهلاك الوقود لكن لايقارن براحة الوحد من ارف الحر

لكن بشكل عام التكيف خلة العربية تعرف تركبة في الجو الحر وعزلك عن دوشة الشارع بدون لعرق و ارف لكن لو عندق قدرة علي تغير العربية بعربية مكيفة اصلا هيكون احسن

بس الشاهين 2005 انجكشن مش كربراتير
بالنسبة لمشكلة السخونة مع التكييف كان فيه اعضاء هنا حلوها بتركيب مروحة أوبل فيكترا أو استرا بالقميص بتاعها بدل مروحة الشاهين
وفيه اخ تانى ركب مروحة تمبرا

[mrghost]

التكييف مجدي بصراحه
انا مركبه عندي ف شاهين 2004 والحمد لله كويس معايا

[Gelgel2004]

اسال عند كوول اير م ايمن
26202455
بيركبه و بيلغى السخن علشان يكبر الثلاجه و التبريد بيبقى تلاجه
جرب و اسال و ان شاء الله تلاقى رد
بلغهم من نايل موتورز

[Omar Mahmoud]

هو هيبقي مكلف لكنه هينفعك جامد في الحر
و الكلام عن تجربة في عربية لادا 2107 ايام ما درجة الحرارة كانت معدية 40 كان نافع اوي وقتها