إعـــــــلان

Collapse

.

,
See more
See less

ايه اكتر اشتغاله سمعتها فى عالم السيارات ؟؟؟

Collapse
X
 
  • Filter
  • الوقت
  • Show
Clear All
new posts

  • #31
    هو فى اكتر من اشتغالة الجمارك و كل شوية هتنزل و مبتنزلشى
    الا بالحق هو فى كلام تنها هتنزل قريب

    Comment


    • #32
      السلام عليكم
      الموضوع جامد جدا
      انا فاكر وانا فى 3 ابتدائى من 30 سنة واحد زميلى فى الفصل كان مقنع كل الفصل ان عربية والده البيتلز كل يوم الصبح والده يدوس على زرار فى التابلوه قوم ايه لون العربية يتغير يوم احمر ويوم اصفر ويوم اخضر وكل يوم لون الغريب ان احنا كلنا كلنا كنا مصدقين لغاية امتحانات اخر السنة لما والده اجاله بالعربية وسالناه وعرفنا الحقيقة المرة

      Comment


      • #33
        اكتر اشتغاله , هى نزول الداتشيا لوجن من المغرب بسعر لن يتعدى ال50 الف جنيه .

        صوت الصوصوه الى بيطلع لما يكون بليه الدبرياج بايظه روحت لميكانيكى من كام شهر فبقوله مافيش علاج للموضوع ده قالى " يا باشا الصوت ده فى كل ال131 طبيعى " كان نفسى افتح دماغه ب مفك 35 او مفك انجليزى .

        واحد بتاع كاوتش زمان كان عاوز يبيعلى فرده كاوتش مستعمله نص كم ب 120 جنيه !!!

        و فى كتير اشتغالات لو افتكرت حكتبها .

        Comment


        • #34
          المحل اللي إشتريت منه الغطا (غطا قماش عادي مش بتاع العربية مخصوص ) فا بيسألني و العربية دي بقي إسمها إيه ؟ قلتله سيريون .. قاللي حلوة و الله .. بس انا سمعت إن ماتورها بيكح زيت ! قلتله بيكح زيت إزاي يعني ؟ قاللي زي ما بقولك كدة !

          حاولت أتخيل العربية و هي بتكح زيت معرفتش بصراحة .. كمان الراجل تحول في 3 ثواني من واحد مش عارف العربية إسمها إيه لخبير في العربية و موتورها و عارف كل عيوبها .
          [COLOR="gray"]
          [CENTER]Leadership is based on inspiration, not domination[/CENTER][/COLOR]

          Comment


          • #35
            المشاركة الأصلية كتبت بواسطة MoToRiZeR مشاهدة المشاركة
            المحل اللي إشتريت منه الغطا (غطا قماش عادي مش بتاع العربية مخصوص ) فا بيسألني و العربية دي بقي إسمها إيه ؟ قلتله سيريون .. قاللي حلوة و الله .. بس انا سمعت إن ماتورها بيكح زيت ! قلتله بيكح زيت إزاي يعني ؟ قاللي زي ما بقولك كدة !

            حاولت أتخيل العربية و هي بتكح زيت معرفتش بصراحة .. كمان الراجل تحول في 3 ثواني من واحد مش عارف العربية إسمها إيه لخبير في العربية و موتورها و عارف كل عيوبها .
            ايه ده مش عيب تبقى راكب العربية و متعرفش ان موتورها بيكح زيت :k48::k48:
            [COLOR="DarkRed"]ﻧﺤﻦ أﻓﻀﻞ ﺷﻌﺐ ﯾﺼﻨﻊ اﻟﺜﻮرات ﻟﻜﻨﻪ ﻻ ﯾﺤﺴﻦ ﺣﺮاﺳﺘﻬﺎ ﻓﯿﻌﻮد اﻟﻈﻠﻢ ﻟﯿﻠﺘﻒ ﻣﻦ ﺟﺪﯾﺪ , ﻓﻲ ﻛﻞ ﻣﺮة ﯾﺤﺪث ذﻟﻚ وﻻ ﻧﺘﻌﻠﻢ اﻟﺪرس[/COLOR]

            Comment


            • #36
              بعد ما اشتريت العربيه بفتره و كنت جايبها في فتره التخفيض...
              روحت اسأل عليها بقيت بكام عند معرض ايام ما رجعت سعرها الاصلي و في نفس الوقت الفرنا رخصت ...
              قالي الاكسنت بي 57 الف
              قلتلوا و الفرنا بكام؟؟؟
              قال بي 60 الف
              قلتلوا و فرق 3000 جنيه بس ...يبقي اكيد الفرنا احسن
              قالي لأ ...
              ما هي الاكسنت بقيت قليله اوي في السوق و الفرنا موجوده كتير:k20:

              طبعا فهمت انه في البلاله و كبرت دماغي
              [SIGPIC][/SIGPIC]

              [CENTER]خلوها تصـــــــــــــدي و موديلها يعـــــــــــــــدي[/CENTER]

              Comment


              • #37
                المشاركة الأصلية كتبت بواسطة MoToRiZeR مشاهدة المشاركة
                المحل اللي إشتريت منه الغطا (غطا قماش عادي مش بتاع العربية مخصوص ) فا بيسألني و العربية دي بقي إسمها إيه ؟ قلتله سيريون .. قاللي حلوة و الله .. بس انا سمعت إن ماتورها بيكح زيت ! قلتله بيكح زيت إزاي يعني ؟ قاللي زي ما بقولك كدة !

                حاولت أتخيل العربية و هي بتكح زيت معرفتش بصراحة .. كمان الراجل تحول في 3 ثواني من واحد مش عارف العربية إسمها إيه لخبير في العربية و موتورها و عارف كل عيوبها .

                بصراحة انا جاتلي هيستيريا ضحك من موضوع العربية اللي بتكح زيت دي ...

                اظن لما سألته اعمل ايه عشان العربية ماتكحش... قالك يا بيه انت اولا تاخد الغطا التقيل ده ابو 500 جنيه وتغطي بيه العربية بالليل وتلفها بيه كويس واياك والسقعة عليها ...

                ثانيا قالك انا هأكتبلك على فوار تجيبه من عند المحل بتاع اخويا اللي في الشارع اللي ورانا وهو مش غالي ده ب 180 جنيه وبعدين تدوبه في شوية ميه مالحة ولازم تكون مالحة عشان العربية ما يجيلهاش اسهال وبعدين تحطهم في ماسورة الشكمان من تحت ... وابقى ادعيلي

                موتني من الضحك يا راجل
                Abou Ahmed سابقا

                "There are many people around you during summer, but when the rain starts falling, Only the umbrella protects you!!!"

                Comment


                • #38
                  المشاركة الأصلية كتبت بواسطة Mohamed_ElNaggar مشاهدة المشاركة
                  اظن لما سألته اعمل ايه عشان العربية ماتكحش... قالك يا بيه انت اولا تاخد الغطا التقيل ده ابو 500 جنيه وتغطي بيه العربية بالليل وتلفها بيه كويس

                  :D:D:D:D

                  تاخد الغطا ده تغطي بيه العربية تصحي تاني يوم تلاقيها عرقانة و زي الفل :D
                  [COLOR="gray"]
                  [CENTER]Leadership is based on inspiration, not domination[/CENTER][/COLOR]

                  Comment


                  • #39
                    ههههههههههههههههههههههههههههههههههههه
                    والله انا كنت متوقع اشتغالات كتيره بس مش بالشكل ده
                    عجبنى فكره السلندر ال 1600 اللى هتنزله فيرارى كرامة لسوق مصر العظيم

                    ولا الموتور اللى بيكح زيت ... هع هع وده ينفع معاه شرب ولا تدهن صدر الكبوت :D

                    بالنسبه لموضوع ال Bmw موتور V6 تصدق انا سمعت برضوا الموضوع ده بس مضحكش عليك انا معرفش انه اشتغاله :D

                    Comment


                    • #40
                      المشاركة الأصلية كتبت بواسطة mshamy مشاهدة المشاركة
                      الاشتغالة الكبرى ان فيراري كانت حتنزل سيارات 1.6 علشان السوق المصري بعد قرار تخفيض الضرائب:k48:
                      هههههههههههههههههههههههههههههههههه
                      دى تبقى 100 100 بس انت مش واخد بالك عملوا ليه كدا عشان ينافسوا لامبورجينى اللى نزلت عربيه 1300 السنه اللى فاتت ومرسيدس هتنزل السنه الجايه مكلارين ماروتى 800 سي سي 1000 حصان
                      انا شكلى هيست كدا على العموم موضوع جميل واتمنى يثبت
                      [COLOR="Blue"]سبحان الله وبحمده ... سبحان الله العظيم[/COLOR]

                      Comment


                      • #41
                        المشاركة الأصلية كتبت بواسطة ahmed_su مشاهدة المشاركة
                        فى توكيل كيا والعربية مكملتش 1400 كم كان عندى مشكلة وكنت مش طيقهم


                        المهندس عاشان يرضينى رفع العربية على الرافعة وعدينا تحتيها وبيقولى

                        "بص .... العربية لسه زيرو !!! "


                        ولا تعليق

                        ضحكتنى يا باشا ليا زمان ماسمعتش نكتة حلوة كده

                        Comment


                        • #42
                          أنا زمان في ابتدائي ...أنا واصحابي مكناش عارفين في العربية المرسيدس ايه معنى ال 280s. فواحد صاحبنا كان مشتغلنا علي الآخر وعامل نفسه خبير عربيات ومفهمنا أن دي معناها ان العربية دي ليها 280 اسم (زى التمساحة والخنزيره و .....) ودي طبعا أحسن من ال 200.
                          الغريبة اننا فضلنا مصدقينه طول فترة ابتدائي وأي حد يسأل أو من غير ما يسأل نقوله علي المعلومة المهمه دي :)

                          Comment


                          • #43
                            واحد زميلنا على المنتدى هنا
                            كان مصمم أن البروتون ما هي إلا سيارة يابانية بمحرك و عفشة و شاسيه ياباني

                            أقنع فيه أنها ماليزي و صناعة ماليزي ....... مفيش فايدة
                            جبتله مقالات من ويكيبيديا .......
                            يقولي أنت بتصدق الكلام ده !!!!!

                            كنت ناوي أصورله قطع مكتوب عليها صنع في ماليزيا بس لقيت ان الجدال معاه أساسا مضيعه للوقت



                            واحد تاني قابلني عند ميكانيكي
                            و كان بيصلح تويوتا كريسيدا
                            العربية كانت ضايعة ......... بمعنى ضايعة

                            المهم أنه مقتنع أنها سابقة عصرها بعشرين سنة و يقولي تكنولوجيتها معمولة لسنة 2000 مع العلم ان العربية كانت موديل 1981 تقريبا

                            و المصيبة أن العربية بعد ما دارت سمعنا صوت الموتور اللي كان ضايع و ماشية بالعفية

                            و يوقلي دي أجدع من الكورولا
                            علشان دي عربية كانت معمولة للمستقبل

                            و تحيا مصر
                            [img2]http://i59.tinypic.com/2vxpukz.jpg[/img2]

                            Comment


                            • #44
                              كان فيه اشتغاله وكنت مصادقها لحد وقت قريب ان اسم Bmw ده اختصار ل Between Mercedes and Volkswagen

                              وتاريخ الشركه ان كان فى المانيا عربيتن ناجحين جدا هما Mercedes and Volkswagen فعلشان كده نزلت ال Bmw وسط بين الاتنين وقدرت تجمع شريحه كبيره اوى من الناس علشان كده اتسميت كده

                              اى كلام بيتقال ياعم الحج والله ونصحيه متصدق اى حاجه تتقال
                              [CENTER][shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71][/CENTER]

                              Comment


                              • #45
                                أول ما بدأت أسمع عن الهيونداي في أوائل التسعينات كنت باسمع إن الهيونداي دية عربيه مضروبه ووحشه عشان هي تقليد الهوندا :)
                                محمد سعيد
                                [B]"No act of kindness is ever wasted" [/B]

                                Comment

                                Working...
                                X