استفسار بخصوص رخصة القيادة

[A.Adel]

هل لو العنوان اللي في البطاقة اتغير لازم تغيره في رخصة القيادة ؟
ولا لو الرخصة سارية مفيش مشاكل ؟

شكرا مقدما لكل اللي هيشارك

[mohabelnegm]

خلى بالك ..تلغى رخصة القيادة فى حالة عدم الإخطار بتغيير محل الإقامة الثابت بالرخصة إلى محافظة أخرى خلال ثلاثين يوماً من اليوم التالي للتغيير وعدم التقدم إلى قسم المرور بالمحافظة الجديدة بطلب نقل قيد الرخصة واستيفاء اجراءات نقل القيد خلال المدة

[A.Adel]

خلى بالك ..تلغى رخصة القيادة فى حالة عدم الإخطار بتغيير محل الإقامة الثابت بالرخصة إلى محافظة أخرى خلال ثلاثين يوماً من اليوم التالي للتغيير وعدم التقدم إلى قسم المرور بالمحافظة الجديدة بطلب نقل قيد الرخصة واستيفاء اجراءات نقل القيد خلال المدة

ده في حالة من محافظة لمحافظة أخرى بس ؟
طيب أنا حالتي من الجيزة للقاهرة , دول يعتبروا محافظتين ؟

و في حالة عدم بيع العقار القديم , ده يفرق ؟
يعني لسة باسمنا برده

[mahmoud_ali]

الرخصه بتبقى على العنوان اللى فى البطاقه فقط ولازم تغير محل الاقامه او المرور التابع ليه فى الرخصه علشان وانت بتجدد هتبقى مشكله كبيره

[A.Adel]

الرخصه بتبقى على العنوان اللى فى البطاقه فقط ولازم تغير محل الاقامه او المرور التابع ليه فى الرخصه علشان وانت بتجدد هتبقى مشكله كبيره

أنا بأسأل لاني لسة داخل على تجديد رخصة العربية كمان
يعني الأريح أرجع العنوان القديم في البطاقة و خلاص ؟


و لو سمحت , إيه المشكلة الكبيرة اللي هتحصل ؟

[mahmoud_ali]

كان فى موضوع هنا فى المنتدى ممكن تبحث عنه عن تجربة لنفس قصة حضرتك بس اللى فاكره انه كان هيبقى فى مشكله لو ملحقش نفسه وعموما انت ريح نفسك يا تنقل رخصتك ورخصت العربيه للمرور بتاع العنوان الجديد يا ترجع البطاقه على العنوان القديم

[A.Adel]

كان فى موضوع هنا فى المنتدى ممكن تبحث عنه عن تجربة لنفس قصة حضرتك بس اللى فاكره انه كان هيبقى فى مشكله لو ملحقش نفسه وعموما انت ريح نفسك يا تنقل رخصتك ورخصت العربيه للمرور بتاع العنوان الجديد يا ترجع البطاقه على العنوان القديم

يعني حضرتك مش عارف أصلا إذا كان فيه مشكلة ولا لأ !!!!!!!!!

[A.Adel]

أنا بأسأل عشان لو لازم اجدد رخصة القيادة عشان غيرت العنوان ولا لأ

لو هتيجي على رخصة العربية بس مقدور عليها

انما لو الإتنين , يبقى ارجع العنوان أسهل طبعا


و يا ريت اللي يقول معلومة يكون متأكد منها أو عارف القانون بتاعها بعد اذنكم

[mohabelnegm]

تغيير العنوان فى البطاقة يستتبع بالضرورة تغيير رخصة العربية عند التجديد ونقل قيد رخصة القيادة بعد تغيير محل ألأقامة من محافظة لمحافظة و نص القانون واضح..أن معاك شهر لنقل قيد رخصة القيادة, لأن لاقدر الله لو معملتش كدة و الرخصة ضاعت أو تلفت أو انتهت يبقى مش هاتعرف تروح فين و القانون بيلغى رخصة القيادة و هاتطلع رخصة جديدة من ألأول! يعنى ألأختيار ليك :
1- ترجع العنوان القديم فى البطاقة
أو
2- تنقل قيد رخصة القيادة و عند تجديد رخصة العربية تنقلها للمرور الجديد

[A.Adel]

تغيير العنوان فى البطاقة يستتبع بالضرورة تغيير رخصة العربية عند التجديد ونقل قيد رخصة القيادة بعد تغيير محل ألأقامة من محافظة لمحافظة و نص القانون واضح..أن معاك شهر لنقل قيد رخصة القيادة, لأن لاقدر الله لو معملتش كدة و الرخصة ضاعت أو تلفت أو انتهت يبقى مش هاتعرف تروح فين و القانون بيلغى رخصة القيادة و هاتطلع رخصة جديدة من ألأول! يعنى ألأختيار ليك :
1- ترجع العنوان القديم فى البطاقة
أو
2- تنقل قيد رخصة القيادة و عند تجديد رخصة العربية تنقلها للمرور الجديد

يااه
خضتوني يا جدعان

يعني كبيرها هطلع رخصة سواقة تاني
ده أنا قلت جناية ولا حاجة

السؤال بقى

هل لو رخصة القيادة سارية ولسة فيها كتير , لازم أعملها دلوقتي
يعني اللي معايا تعتبر لاغية
ولا ممكن أعملها قبل التجديد بشوية


بالنسبة لرخصة العربية ,دي خلاص هغيرها لانها كده كده خلصانة

[A.Adel]

هل تغير العنوان ده لازم معاه شدة باطنة ونظر بقى
و امتحان تاني وبتاع

ولا مجرد ورق بس ؟


وهل لما يتغير العنوان هتتجدد 10 سنين ولا نفس المدة اللي فضلالي في القديمة ؟

وانا دلوقتي عدي سنة على تغيير عنوان البطاقة , أعمل إيه ؟

[A.Adel]

إني أرجع العنوان القديم ده هيبقى صعب
لأن الباسبور متسجل علي البطاقة الجديدة

ده غير إن اللي يخليني اغير البطاقة ,يبقى اغير رخصة القيادة وخلاص

وانا كده كده عندي فحص , يعني هتبقى قرف نقل ملف العربية بس
وطبعا التجديد سنة بس أو 3 شهور على ما الملف يوصل المرور الجديد


لو مكاني تعملوا إيه ؟

[abokoko]

لو حضرتك غيرت قيد الرخصة
فاذا سمحت
ابقي انقل التجربه كامله للاستفادة

يعنى الخطوات والاوراق المطلوبه و الاجراءات والمصاريف
واى شيئ آخر

وربنا يعينك على روتين الموظفين و القوانين

[mohabelnegm]

هاتروح المرور القديم تجيب شهادة مخالفات لرخصة القيادة و تطلع بيها على المرور الجديد و تطلب نقل قيد رخصة قيادة و لو حظك حلو هايديلك رخصة سارية ببقية المدة أو يديلك تصريح قيادة ب 3شهور لحين وصول الملف و ممكن يجدد لك ل 3 شهور تانى لغاية لما الملف ييجى. مش هاتحتاج شهادات نظر ولا باطنة.

[mohabelnegm]

و فى حالة الملف ماجاش أو ضاع و ده وارد بيعملولك ملف جديد و بتضطر تجيب لهم أصل أى مؤهل دراسى ليك يثبت انك بتعرف تقرا و تكتب:) حتى لو الوظيفة فى البطاقة دكتور جامعة..لازم أصل اى مؤهل حتى لو شهادة ألأبتدائية. بس مش مطلوب شهادات طبية برضة فى حالة الملف الجديد.