هو ينفع أكهرب السيارة علشان ماحدش يخدشها او يسرقها ؟

[adelkamalh]

السلام عليكم

هو ينفع الواحد ياجدعان يكهرب العربية ... علشان الحرامية وعلشان الناس المريضة نفسيا الى بتجيب سكاكين ومسامير ويخدشو ويجرحو فى بوية العربية ... . .؟

[OmarAdel98]

؟؟؟؟

[FOUR 2014]

ياريت كان ينفع كنت اول واحد عملتها

[Sameh samy]

حتي لو ينفع انت اول واحد هاتنسي وتتكهرب

[Ahmed Saad]

هوا ماينفعش حتى اللي بيكهرب العربيه زي الأمن المركزي عملينلها تقفيصه راكبه عليها بس انك تكهرب العربيه نفسها مش هينفع هتضرب أي حاجه الكترونيه ممكن تلمسها زي مثلا أي كنترول زي كده لو شفت في فيلم fast & furious لما بيطاردو العربيات بيدوها شوك كهربي عن طريق سلكين بيلمسوا العربيه أو بيتحدفوا عليها فبتبطل العربيه

[ahmedsrs]

ممكن بدل متكهربها تشحمها ومتخافش الادا الروسي كانت بتيجي من الفبريكة متشحمة كلها وقبل ماتستلمها تغتسل لكن لو اتسابت بتلم تراب ومحدش بيقربلها

[mr.moustafa]

ما هو اللي بيخربش العربية بسكين او مفك بيبقى ماسك من اليد البلاستيك و مش هايتكهرب :)

[adelkamalh]

ممكن بدل متكهربها تشحمها ومتخافش الادا الروسي كانت بتيجي من الفبريكة متشحمة كلها وقبل ماتستلمها تغتسل لكن لو اتسابت بتلم تراب ومحدش بيقربلها

اشحم العربية ازاي ؟؟ همشى بيها وسخة ؟


مافيش حل تاني ؟

[crazy car]

فيه حل احسن
استودع العربية عند من لا تضيع ودائعه الله سبحانه وتعالى
بس
اهم حاجة يقينك بالله والله لو حطيت العربية فى وسط الشارع محدش هيقرب منها

[عبدالله برعى]

حلول السرقة :

Gps tracker

انذار بمنع ادارة العربية الا بالريموت حتى لو حتشغلهل بالمفتاح بحوالى 200 جنية

[aymanshebl]

ياريت تنفع بس الكنترول يونيت لو عربية حديثة هيبقى بالسلامة يا ريت الناس تبقى بنى ادمين و تحافظ على حاجة الناس كأنها حاجتها كان حال البلد غير كده خالص للاسف الناس لسه قدامها كتيييييييير على لما تبقى بنى ادميين

[sakr_skoda]

بلاش غلط كبير لأن ممكن انتا شخصيا تنسى فى لحظة وتكون هيه اللحظة لا قدر الله او اى فرد من الاسرة او العائلة ***

[mshmshm3]

ممكن تغطيها و تزيت الغطا (عشان محدش يقعد عليها )

[ahmedamgad18]

والله نفسى الناس تخاف على عربيات الناس انا بجد تعبت .... انا اتهريت سرقة علامات كل ما اشترى علامة الشبكة او الشنطة تتسرق قلت الحل اجيب غطى واغطى العربية .............. الغطا اتسررررررررق
حسبنا الله ونعم الوكيل

[Eng . megoo]

هههه شكلك شايل نفسيا انا كمان كنت راكن العربيه في حته جيت لقيت واحد عامل 3 خطوط علي الكبوت طلبت معاه كده